JEREMIAH 21:7 - Ngawm Bible

⁷ Mahnaven nangmah le na khutnuai bawite cu ngaldonak, pamnak le natnak pen a luattu panote tuah nangmah a that nuamtu kumpi Nebuchadnezzar in kuamah khawih ngawlin that khawng tuk hi. Hehpihnak le lainatnak na humah imah nei tukma. Keimah, Topa in hilh zo ing.”

JEREMIAH 21:7 Iomraidhean Croise

ISAIAH 27:11

Thingkangte ko in, ek khawng hangin numei ten tuahthingin com haw hi. Itahim titale mihing ten imah a theihtup haw ngawl hangin amuhte semsuahtu Pathian in, a hum hawah lainatnak le hehpihnak neileh tukma toh hi.

ISAIAH 47:6

Ka mihing tei humah ka thinuk ing; ka mihing ngawl bangin bawl ing. Na ngilnak le na huham sungah khia ing. A hum hawah hehpihnak dem hei nei ma ci; Pitek le putekte hei siatsuah ci.

JEREMIAH 13:14

upa naupang ti ngawlin pa khat nung pa khat sabit beel bangin vatkeh khawng tung. Itnak, lainatnak, hehpihnak um ngawlin that tung. Imah in kham zo tukma,” ti hi.

JEREMIAH 14:12

An cangin thu a ngen li haw hei in, za kha moh tuk mang. Halkang biakpiaknak pia in le cangho vam biakpiaknak a pia li haw hei in, ka lungdam cuang tuk mang hi. Ngaldonak, pamnak le natnak tuah that leleng tung,” ti hi.

JEREMIAH 15:5

Topa in, “Maw Jerusalem mite akua in kaw a hehpih tuk? Akua kaw a khawngaih pihtu tuk? Iti bangin um kam uh ci? Tin dong tukin akua kaw ngeipi a ngak tuk?

JEREMIAH 15:9

A capa salih tei thihsanmi numei nu cu, a lungmitin lum hi, a hai hawh tuk heh tin zei in pel li. Sunlaihtak naven ama ca in khuathim hi. Mualpho in um a, thimnak tuah dim hi. A nung calam nangmuhte hei thah tukin, na ngal tei khutah pia tung. Keimah, Topa in hilh zo ing.”

JEREMIAH 19:7

Hi munah Judah mi le Jerusalem mitei tuptahnak cu pelhsolhtik khawng tung. A ngalte cu nehtu hitik tung a, a ngal haw ten that haw tuk hi. A cik haw cu vano le ngamsa tei eih tukin pia tung.

JEREMIAH 20:4

Topa amah loli in, ‘Nang cu nangmah le na ngualcam tei ca lauhuai tukin bawl tung a, a ngal haw ten nam tuah na ngualcamte a thah khawng haw mu tuk ci. Judah mi hempoh cu Babilon kumpipa i khutnuai ah hengtik khawng tung. Amah in, a khenkhat cu a ngamah salin pui tuk, a khenkhat cu that tuk hi.

JEREMIAH 22:25

nangmah a that nuamtu, na lau zetmi tei lamah pia tung. Babilon kumpi Nebuchadnezzar le a ngalkap tei lakah pia tung.

JEREMIAH 27:6

Ka sila Babilon kumpi Nebuchadnezzar khutnuai a miphun hempoh a koihtu cu keimah ing. Ngamsa hei cu a nadektu tukin pia ing.

JEREMIAH 32:4

Kumpi Jedekiah vang luat tukma hi. Babilon kumpipa i khut sungah piak hi tuk hi. Maitonin mudun haw tuk a, bulpakin otpihdun haw tuk hi.

JEREMIAH 34:3

Luat tukma ci; manin Babilon kumpipa i khutah piak hi tuk ci. Maitonin, amah cu mu tuk ci a, otpihdun tuk uh ci, mahten Babilon ah hawh tuk ci.

JEREMIAH 36:29

Topa in, kumpipa lakah hi tih bangin a hilhtik hi. “Laizial cu haal zo ton ci, mahten Jeremiah cu hi ngamah Babilon kumpi hung tuk a, hi ngam le a sung a ummite le nganhingte siatsuah khawng tuk tin ita ngan kam? tin dong zo toh ci.

JEREMIAH 37:17

Mah nungten kumpi Zedekiah in samin, a innsung pen a kuhno in, “Topa i lak pen i thu poh heng maw? tin dong. “Heng hi, Babilon kumpipa i khut sungah piak hi tuk ci,” tin ti ing.

JEREMIAH 50:17

Topa in, “Israel mite cu kiosa hilmi le a khenkhekmi tuu bang haw hi. Amasa in, Assiria kumpi in simin, a nungten Babilon kumpi Nebuchadnezzar in, a nguh haw cep hi.

KAH LA 2:20

Maw Topa! Zo hemin, na bawlsiat lihmite hi zo hemin hi. Numei ten a ihzet haw mi a cano tei cik cu ei haw hi. Thiampi le profette cu Biakinn pi sung loli pen that haw hi.

KAH LA 2:22

Ka ngalte cu puaisim tuk bangin khua tihkim pen zawm ci. Na thinuk ni ten a luat theitu kuamah um haw ma. Ka ihzetmi ka canote thah sak khawng haw hi.

EZEKIEL 23:28

Cungnungbel Topa in, “Nangmuh a huatu le mitkemtu tei kut sungah pia tung.

EZEKIEL 7:9

Khawih tuk mang, hehpih tuk mang. Ningdelhhuai na bawl uh hangin dantat tung a, Topa ka hihlam thei in nangmuh dantattu ka hihlam vang thei tuk uh ci,” ti hi.

EZEKIEL 8:18

Ka thinuknak nase zetin thuak haw tuk hi. Kuamah khawih tuk mang, hehpih tuk mang. Ka lakah a aw neih tawp haw tuah thungenin, au haw tuk naven theihsak tuk mang,” ti hi.

EZEKIEL 9:10

A hum hawah hehpihnak nei tuk mang. Midang tei humah a bawl haw bangbokin, a hum hawah bawl tung,” ti hi.

DAAN PIAKLEHNAK 28:50

Pitek le naupang tei humah mi ngaihsak ngawlmi le mi hehpih thiam ngawlmi hi haw tuk hi.