JEREMIAH 21:6 - Ngawm Bible

⁶ Hi khuapi sung a um hempoh that khawng tung; mihing le ngamsate cu natsia in thi haw tuk hi.

JEREMIAH 21:6 Iomraidhean Croise

PIANPATNAK 6:7

Mah hangin, “Ka bawlsa mihing hempoh, ilai banglaiah a um haw hei in, siatsuah khawng tung. Ngamsa hempoh le vano hempoh vang siatsuah khawng tung, ka bawl cu siklehzet ing,” tin ti hi.

ISAIAH 6:11

Kei in, “Topa mahtih bangin itih can tian kaw a um haw tuk?” ti ing. Amah in, “Khuapite siatsuah khawng hi haw tuk a, veng diudeu in, a um tian; kuakua hei in, a inn haw a zamsan khawng haw tian; hi ngam hi zamsanin, a veng diudeu tian hi tuk hi.

JEREMIAH 14:12

An cangin thu a ngen li haw hei in, za kha moh tuk mang. Halkang biakpiaknak pia in le cangho vam biakpiaknak a pia li haw hei in, ka lungdam cuang tuk mang hi. Ngaldonak, pamnak le natnak tuah that leleng tung,” ti hi.

JEREMIAH 16:4

Natnak a phunkim tuah thi haw tuk naven a kahtu hei kuamah um haw tukma. A luang haw cu lei lakah ekdawm bangin thehkeh hi haw tuk hi. Ngaldonakah thi haw tuk, an eih tuk um ngawlin thi haw tuk, a luang haw cu vano le ngamsa tei an hi tuk hi.

JEREMIAH 20:4

Topa amah loli in, ‘Nang cu nangmah le na ngualcam tei ca lauhuai tukin bawl tung a, a ngal haw ten nam tuah na ngualcamte a thah khawng haw mu tuk ci. Judah mi hempoh cu Babilon kumpipa i khutnuai ah hengtik khawng tung. Amah in, a khenkhat cu a ngamah salin pui tuk, a khenkhat cu that tuk hi.

JEREMIAH 32:24

“Babilon ten a khuapi haw a latum tukin a pua lam pen lei tiangin, do tawtok haw hi. Ngaldonak, pamnak le natnakin hi khuapi cu a khutsung hawah hengtik tuk hi. Na otmi hempoh kim khawng hi, tih cu mu khawng zo ci.

JEREMIAH 33:12

Cungnungbel Topa in, “Hi ngam phillawn a bangmi, mihing le ngamsa um ngawlnakah tuucing ten a tuu khal haw tuk hi.

JEREMIAH 34:17

Mah hangin keimah, Topa in ka thuzui ma uh ci, tin ti ing. Na phunpih uh Israel mite cu luattik ma uh ci. Pha poh hi, nangmuh vang luatnak pia bok tung. Ngaldonak le pamnak, natnakin thih theihnak pia tung hi. Na hum uhah ka bawlmi in, leihum miphun hempoh thinsu tawtokin bawl tuk hi.

JEREMIAH 36:29

Topa in, kumpipa lakah hi tih bangin a hilhtik hi. “Laizial cu haal zo ton ci, mahten Jeremiah cu hi ngamah Babilon kumpi hung tuk a, hi ngam le a sung a ummite le nganhingte siatsuah khawng tuk tin ita ngan kam? tin dong zo toh ci.

JEREMIAH 42:22

Mah hangin phawk leng un: na um nuamnak mun uhah hawhin, ngalin maw, an ngawlin maw, mahma tale natnakin maw thi tuk uh ci,” ti ing.

JEREMIAH 7:20

Mah hangin Cungnungbel Keimah, Topa in, ka thinuknak cu hi Biakinn humah buak tung. Mihing hum le nganhing hum hei ah hihen, thingkung le an kung humah hei hihen, buak tung, ka thinuknak cu kuamah i cuhmit theih ngawlmi mei bang tuk hi.

EZEKIEL 12:16

Amuh tei lak pen mi demno cu ngaldonak, paam le natnak a phunkim lak pen luattik tung, ngamdangmi tei lak pen a bawl haw mi iti zahin ningdelhhuai him tih a theih nung haw ten, keimah cu Topa ka hihlam thei haw tuk,” ti hi.

EZEKIEL 14:13

“Mihing pa, Ezekiel aw, ngam pa khat cu sualin, ka mai ah muantak ngawl ahi tale, a ngah mekmi ante cu ka khut tuah sawk tung a, siatsuah tung. Paam tungtik tung, mihing hihen, ngante hei hihen, that khawng tung.

EZEKIEL 14:17

“Ahimata, a ngam hawah ngaldonak hengtik tung a, mihing hihen, nganhingte hihen a siatsuah khawng theitu hiamnam kuat tung hi.

EZEKIEL 14:19

“Ahimata, a ngamsung hawah natsia umtik tung a, ka thinukin mihing le nganhingte thatin, nunnak tampi ka botik ahi tale,

EZEKIEL 14:21

Cungnungbel Topa in hi bangin ti hi; “Mihing hihen, ngannung hihen that tukin ka mi bawlsiatnak nasebel pa li: ngaldonak, pamnak, sahangte le natsiate cu Jerusalem humah hengtik tung.

EZEKIEL 33:27

“Cungnungbel Topa keimah hi a nungmi Pathian ka hih bangin ngallinnak ka piak bangin hilhin hi. A sia khawng zo mi khuasung a ummite cu thah hi haw tuk hi. Hampalak a um mihingte cu sahang ten ei haw tuk a, mualhum le suanghol sungah a ngelh mite cu natnak thuakin thi haw tuk hi.

EZEKIEL 33:29

Mipite a sual haw hangin dantat ing a, a ngam haw cu ngamkhingah ka bawl ten keimah hi Topa hi tih cu thei haw tuk,” ti hi.

EZEKIEL 7:15

Lampi ah dodunnak umin, inn sungah natnak le ngilkialnak um hi. Khua pualam a hawhtute cu dodunnakah thi haw tuk a, khuasung umte natnak le ngilkialnakin thi haw tuk hi.

HOSEA 4:3

Mah hangin hi ngam cu ko in, a sung ummi nunnak nei hempoh thi haw tuk hi. Ngamsa, vano le ngasate vang thi khawng haw tuk,” ti hi.

MIKAH 3:12

Hiti bang na hih uh hangin Zion khua cu lo bangin cek khawng haw tuk hi. Jerusalem khua cu buaksehah cangin, Biakinn umnak mual cu tupi in cang tuk hi.

ZEFANIAH 1:3

Mihing hihen, ngamsa hihen, vano le ngasa tiangin siatsuah khawng tung. Mipha ngawlte siatsuah khawng tung. Mihing cu cimittik tung a, pa khat hei suakca haw tukma hi. Topa keimah in son zo ing.

LUKA 21:24

Khenkhat cu namsau tuah that haw tuk hi. Khenkhat cu ngam tihkimah salin, kai kawkawi haw tuk a, Jerusalem cu Pathian thei ngawl ten a hun haw a kim laklawh a ke nuai ah cilpek haw tuk hi,” tin hilh hi.