JEREMIAH 21:5 - Ngawm Bible

⁵ Nangmah cu ka ngilnak hempoh, ka thinuknak le ka thin pulhangnak hempoh tuah do tung hi.

JEREMIAH 21:5 Iomraidhean Croise

SUAHTULNAK 6:6

Mah hangin nangmah in Israel tei lakah ka thu cu hilhin hi, ‘Keimah cu Topa ing. Izipt mitei nadeh haksazet sung pen luattik tung a, a sal haw na hihnak sung uh pepan tung hi. A lauhuai bawlsiatnak tuah a thu haw khen tung a, ka baantha ngil tuah hup tung hi.

SUAHTULNAK 9:15

Nangmah le na mihing tei humah ka khutzaakin natnak ka hengtik tale nang cu siatsuah dikdek hi zo tuk toh ci.

ISAIAH 10:4

Ngaldonakah thi tuk uh ci, manin hawhpih vawk haw tuk hi. Mahnung hei ten Topa i thinuknak cu pha tukma laih; bawlsia tukin a khut cu dangsa in um leng laih hi.

ISAIAH 5:25

A mihing tei humah Topa cu a thinukin, bawlsia tukin a khut dangto zo. Mualte hing dudum khawng haw tuk a, mi luang cu buak bangin lamtuanah lum teptup haw tuk hi. Mah hei ten Topa i thinuknakin bawlsia tukin a khut dangto tuk laih hi.

ISAIAH 63:10

Amah cu dodalin, a hawvang thiangtho cu thasiatnak tuah dimtik haw hi. Mah hangin Topa cu a ngal hawah cangin, amuh do hi.

ISAIAH 9:12

Nisuahnak lamah Siria le nitumnak lamah Filistin miten Israel thon khawng tukin kamka leng haw hi. Mah hei ten Topa i thinuknak cu pai ma laih, a khut cu mi bawlsia tukin dangto sa in um leng laih hi.

ISAIAH 9:17

Mah hangin Topa in, a khangnote cu pa khat hei luattik tukma hi; a meivongte le nu le pa nei ngawlte vang hehpih cuang tukma hi; itahim titale hih mihingte hi Pathian thei ngawl le mipha ngawl ngeh haw, a hilh haw mi thute cu thusia ngeh hi. Mahnung hei ten Topa i thinuknak cu pha cuang ma laih; bawlsia tukin a khut cu dangto sa in um leng laih hi.

ISAIAH 9:21

Manasseh mi le Efraim mite dodun haw, a pa nih haw tang langkhatin, Judah do haw hi. Mahnung hei ten Topa i thinuknak cu pha ma laih; bawlsia tukin a khut cu dangto sa in um leng laih hi.

JEREMIAH 32:17

A haubel Topa, lei le van hi na ngilnak le na huhamin bawl ci. Na ca in, a haksa tuk imah umma hi.

JEREMIAH 32:37

Ka thinuknak hangin ngam tampi ah ka khen kehnak pen cawm khawm tung. Hi ngamah kiklehtik tung a, lungmuang zetin um haw tuk hi.

JEREMIAH 36:7

Topa i lakah thungenin, a nundan pha ngawlte zamsan khawng haw na maw ti hi. Itahim titale hi mihing tei humah Topa in, a lauhuaimi a thinuknak leihsuk tum tin ti ing.”

JEREMIAH 37:10

Babilon ngalkap venghawng neh khawngin, maliamte bek tangin, a buk sungah sial khawng ahi haw hei in, tholeh khawngin hi khuapi cu a ziam belh laklawh mei tuah haal haw tuk hi.”

JEREMIAH 6:12

A innpi haw cu midang khutsungah heng khawngin, a lo le lam le a zite hei midang tei lakah piak hi haw tuk hi. Hi ngam mite hi dantat khawng tung.

KAH LA 2:3

A thinuknak tuah Israel i ngilnak cu sat tawng khawng hi. A baan zaksa cu dok kiklehin, ngal tei a do haw ten mei alh bangin ka humah alh dudumin, na hempoh siatsuah khawng hi.

EZEKIEL 39:3

a veilam khut a, thalkung le a taklam khut a thalcangte cu caksuktik khawng tung.

EZEKIEL 5:8

Mah hangin Keimah, Cungnungbel Topa in hilh ing. Keimah hi na ngal hi ing a, miphun dang hempoh tei muh theihnak mun pen na thu khen tung.

DAAN PIAKLEHNAK 4:23

Topa na Pathian uhin nohte tuah thutepnak a bawlmi cu phawkngil tuk ngawlin ngalling un. Ama thupiakmi cu zui unna, na biak tukin, iti bang milim hei bawl pahsuh un.

DAAN PIAKLEHNAK 4:34

Topa na Pathian uhin, Izipt ngam a, a bawl bangin miphun pa khat cu ngam pa khat pen tulpihin, ama hinnamin, a bawl ngamtu Pathian dang ilai mun bekah um awng maw? Na mitmuh cikcek uhin a ngilnak le a huham cu langtikin, natsia le ngaldonak hengtik a, na lamdang le thasiahhuai tampi bawlin, a lauhuai na tampi hengtik hi.