JEREMIAH 21:4 - Ngawm Bible

⁴ Topa Israel i Pathian i thu cu Zedekiah hilh tukin phuang ing. Topa in, “Zedekiah, Babilon kumpi le a ngalkapte dotu na ngalkapte cu keimah in do in neh tung hi. Na ngalkap tei hiamnamte cu khuapi laizangah seh khawng tung.

JEREMIAH 21:4 Iomraidhean Croise

ISAIAH 10:4

Ngaldonakah thi tuk uh ci, manin hawhpih vawk haw tuk hi. Mahnung hei ten Topa i thinuknak cu pha tukma laih; bawlsia tukin a khut cu dangsa in um leng laih hi.

ISAIAH 13:4

Mualhum pen a ngingmi thawmnging cu ngai hem un, mipi tei awn au thawmnging cu ngam tampi le miphun tampi tei tawhdunnak thawmnging pi cu! Topa in, a ngalkapte cu ngaldo tukin ngalling hamtik zo hi.

ISAIAH 5:5

“Ka sabit huan cu hi bangin bawl tung. A upnak phelet khawng tung a, ngamsa ten ei in, sikpek khawng haw tahen.

JEREMIAH 20:4

Topa amah loli in, ‘Nang cu nangmah le na ngualcam tei ca lauhuai tukin bawl tung a, a ngal haw ten nam tuah na ngualcamte a thah khawng haw mu tuk ci. Judah mi hempoh cu Babilon kumpipa i khutnuai ah hengtik khawng tung. Amah in, a khenkhat cu a ngamah salin pui tuk, a khenkhat cu that tuk hi.

JEREMIAH 21:3

Topa i awnkam cu ka lakah hengin, Zedekiah i hahmi lakah,

JEREMIAH 32:24

“Babilon ten a khuapi haw a latum tukin a pua lam pen lei tiangin, do tawtok haw hi. Ngaldonak, pamnak le natnakin hi khuapi cu a khutsung hawah hengtik tuk hi. Na otmi hempoh kim khawng hi, tih cu mu khawng zo ci.

JEREMIAH 32:3

Kumpi Jedekiah in mahlai ah thawngkhia in, a khiaknak thu cu, “Topa i awnkam na phuannak hangin hi ti hi. Topa in hi tin hilh hi, “Babilon kumpipa cu hi khuapi latik tung a,

JEREMIAH 32:5

Jedekiah cu Babilon ah pui hi tuk a, a thu ka sonsak laklawh, mahlai ah um tuk hi. Babilon mite cu a do vangin lawhting tukma hi. Keimah, Topa in hilh zo toh ing,” tin ti hi.

JEREMIAH 33:5

Mi khenkhat ten, Babilon mite cu do bok haw tuk; mahnaven amuh ten ka thinuknak le ka thin pulhangnakin, ka siatsuah tummi innte cu miluang tuah dimtik haw tuk hi. Hi ten thil sual a bawl haw hangin hi khuapi cu nung hek zo toh ing.

JEREMIAH 35:17

Mah hangin noh Judah mi le Jerusalem mite nangmu humah Cungnungbel Topa keimah, Israel i Pathian in ka tepsami bawlsiatnak hempoh hengtik tung hi. Hitih bangin, na hum uhah hengtik tung, itahim titale nangmu lakah ka ot ten ngai nuam ngawlin, ka sam ten don nuam sih ma uh ci,” ti hi.

JEREMIAH 39:3

Jerusalem khuapi a lak luh haw ten Babilon kumpi khutnuai a bawi upa hempoh hung haw a, kongka lai a tihmi hawah khung khawm haw hi. Mah mite cu Negal Serezer, Sangar Nebo, Sarsekhim le adang Nergal Sarezan haw hi.

JEREMIAH 52:18

lei suahnak phailai le biaklandawh thiantik ten manmi vut khawlnak kuangte, mei vakmi mei-inn le a nate, biakpiaknak bawl ten sathi donnak maihumte, namtui haal ten manmi kuang kumte le Biakinn sung manmi daal na hempoh la khawng haw hi.

KAH LA 2:3

A thinuknak tuah Israel i ngilnak cu sat tawng khawng hi. A baan zaksa cu dok kiklehin, ngal tei a do haw ten mei alh bangin ka humah alh dudumin, na hempoh siatsuah khawng hi.

KAH LA 2:5

Topa in, ngalte bangin Israel bawlsia khawng zo. A khua kulhtian haw le a kumpi innte cu buakseh bangin suaktik zo. Judah mipi tei humah a bo thei ngawl thasiatnak hengtik zo hi.

KAH LA 2:7

Topa in, a biaklandawh le a biakinn thiangtho nangawnin zamsanin, biakinn kulhtiante cu ngalte phelettik khawng hi. Pathian ka biaknak uh munah ngal nehnak aupih het haw hi.

EZEKIEL 39:3

a veilam khut a, thalkung le a taklam khut a thalcangte cu caksuktik khawng tung.

HOSEA 9:12

Ca a nei haw hei in laksak tung a, nung haw tukma hi. Hi miphunte ka zamsan ten a hum hawah lauhuaizet nate heng tuk tin,” ti hi.

ZEKHARIAH 14:2

Topa in, miphun hempoh cu Jerusalem do tukin sam khawm tuk hi. Khuapi cu la haw tuk a, inn na hempoh laksakin, numeite zawnsak haw tuk hi. Mihing khenkhat cu salah manin, a tangmite cu khuapi pen mundangah pui haw tukma hi.

MATTHAI 22:7

Kumpipa cu a thinukzet hangin a ngalkapte cialin mithat tute cu thatin, a khuate vang haal haw hi.