JEREMIAH 21:10 - Ngawm Bible

¹⁰ Hi khuapi cu khawih tuk ngawlin ngaisung cat zo ing a, siatsuah tung hi. Babilon kumpipa i lakah piak hi tuk a, lei ah kanglal khawngvo in haal tuk hi. Keimah, Topa in hilh zo ing,” ti hi.

JEREMIAH 21:10 Iomraidhean Croise

2 KHANGSIALNAK 36:19

Jerusalem khuapi le Topa i Biakinn, kumpi innpi le a sung a nate vang mei in halkang khawng hi.

SAAM LABU 34:16

Mahnaven mipha ngawlte cu leihum pen, a min haw tian paithong tukin phiatvawk hi.

JEREMIAH 17:27

Mahnaven ka thuzui in, Sabbath ni cu zehsah a hih hangin a can haw kul hi. Hi ni-in, Jerusalem kongbiangah imah pua thei haw tukma. A pua leng haw tale Jerusalem kongbiang cu mei tuah haal tung hi. Jerusalem kumpi tei inn vang mei in kang tuk a, a cuh theitu kuamah um haw tukma,” ti hi.

JEREMIAH 26:6

A thu haw na ngaih nuamma uh tale Shiloh hum a, ka bawl bangin hi Biakinn humah bawlbok tung a, miphun hempoh ten hi khuapi umnak cu tamdunnakin mang haw tuk,” ti hi.

JEREMIAH 33:5

Mi khenkhat ten, Babilon mite cu do bok haw tuk; mahnaven amuh ten ka thinuknak le ka thin pulhangnakin, ka siatsuah tummi innte cu miluang tuah dimtik haw tuk hi. Hi ten thil sual a bawl haw hangin hi khuapi cu nung hek zo toh ing.

JEREMIAH 34:2

Topa Israel i Pathian in Judah kumpi Zedekiah lakah hawhin, hi tin hilhtik hi, “Keimah, Topa in hi khua cu Babilon kumpipa i khutah pia tung a, amah in ziam bilhbelh tian haal tuk hi.

JEREMIAH 34:22

Mah ngalkap tei humah thupia tung a, khuapi ah kikleh haw tuk hi. Do in, neh haw tuk a, halkang haw tuk hi. Judah khua cu kuamah um ngawlnak phillawn bangin bawl tung hi. Keimah, Topa in hilh zo toh ing,” ti hi.

JEREMIAH 38:17

Cungnungbel Topa, Israel i Pathian thu cu Zedekiah lakah hi bangin hilh ing hi: “Babilon kumpi khutnuai bawi tei lakah na piadun tale na nunnak cu khawih haw tuk a, hi khuapi vang haal haw tukma. Nangmah le na innkuate cu him tuk uh ci.

JEREMIAH 38:18

Mahnaven na piadun ma tale hi khuapi hi Babilon khutah piak hi tuk a, ziam bilhbelhin halkang haw tuk a, nangmah vang luat tukma ci tin ti ing.”

JEREMIAH 38:23

Mah i humah, “Na zi le cate hempoh cu Babilon mitei lakah pui khawng hi haw tuk hi. Nangmah vang cu a khut sung haw pen luat cuang tukma ci. Babilon kumpipa in thawngah khia in, hi khuapi hi kang tumbelhin haal haw tuk tin ti ing.”

JEREMIAH 38:3

Mah bek sial ngawlin Topa i hilhmi, “Hi khuapi cu Babilon ngalkap tei khutah pia tung a, la haw tuk,” a tihmi vang mipi tei lakah hilh ing.

JEREMIAH 39:16

Ethiopia mi Ebedmelech lakah hilhin hi: “Bawl tung ka tih bangin hi khuapi tei lakah khantohnak hi ngawl, siatsuahnak hengtik tung hi. Mah hun a hen ten amutu hi bok tuk ci.

JEREMIAH 39:8

Mahti bangin a bawl laihtakin, Babilon ngalkap dang ten kumpipa i inn le mipi tei innte halin, Jerusalem khua kulhtiante vang siatsuah khawng haw hi.

JEREMIAH 44:11

“Mah hangin, Cungnungbel Topa Israel Pathian, keimah in nangmuh langpang tung a, Judah ngam cu siatsuah khawng tung hi.

JEREMIAH 44:27

Ka mitmuh hei ah, neinungin umleh tukma toh uh ci, siatsuahmi hi saw tuk uh ci. Mi pa khat hei tang ngawl tianin, ngalkhutin maw, natnakin maw, thi khawng tuk uh ci.

JEREMIAH 52:13

Biakinn, kumpi inn le Jerusalem khuasung bawi upa tei inn hempoh mei tuah haal khawng hi.

EZEKIEL 15:7

dantat tung hi. Vei khatnak mei alh pen luat zo haw naven atu-in, mei tuah haal hi haw tuk hi. Ka dantat ten Topa ka hihlam cu thei haw tuk hi.

EZEKIEL 24:11

daal beel thacang cu meiling humah koih unna, san ha hum hen. Meiling sungah sal ek kaimi cu bo cuang tukma naven,

THIAMPI NADEHNAK 17:10

Israel mi pa kha khat ahimata Israel tei lak a, um nam dangmi pa kha khatin sathi a ei tale, Topa i mitmai pha ngah tukma hi. A hinnam sung hei pen suah hi tuk hi.

THIAMPI NADEHNAK 26:17

Nohte cu lawl tung a, ngal tei nehmi hi tuk uh ci, nangmuh a huatu ten nohte cu uk haw tuk hi. Thinsuzet tuk uh ci a, kuamah in, a hil haw ngawl hei in tai li tuk uh ci.

AMOS 2:5

Mah hangin Judah humah mei alh khesuk tung a, Jerusalem a inn phazette kang khawng tuk,” ti hi.

AMOS 9:4

A ngal haw ten manin, a ngamah a puitul haw hei in, that khawng tukin a ngalte thupia tung. Hi mite hi ka mitphelep ngawlin zo kiukeu leng tung; amuh bop tuk tum hihim mang, siatsuah khawng tuk bebek tum ing,” ti hi.

ZEKHARIAH 1:6

Ka nadektu profet mangin, na pu le pa tei lakah thukham le ngallinnak pia ing. Mahnaven imah a simsial haw ngawl hangin haksatnak tampi tawk haw hi. Siklehin, a humah bawl tukin ka ngaihsutmi cu amu nungcang hum tawnin dantatnak a tawh haw ten Cungnungbel Topa ka hihlam phawkleh haw hi.