JEREMIAH 2:7 - Ngawm Bible

⁷ Ngamphazet sungah, ngamsung suakmi thilpha le a ngahte ei tukin henpih ing. Mahnaven ka ngam siatsuah lamsangin, ka piakmi ngam nawngkaitik thong haw hi.

JEREMIAH 2:7 Iomraidhean Croise

NEHEMIAH 9:25

Na mihing ten kulhtian khuapi la haw, Ngampha le tuikhuk cawh sate, Sum le pai tuah a dimmi inn vang, Olif kung, thingngah kung le sabit huan tuah. A duhzah haw ei in thau haw, Na piakmi thilpha humah nunnopzet haw hi.

NEHEMIAH 9:26

Mah bang hi napi in, na mihingte cu ngaltho haw hi. Na thu zui nuam haw ma, na daan piakmi nunghek haw hi. Na thuzilhtu profet that haw in, Ngallinnak piatu le na lakah kikleh tukin thu hilhtute a zotsaknak dan haw nase ngangai hi.

ISAIAH 19:25

Cungnungbel Topa in, thupha pia tuk a, “Izipt ka mihing, Assiria ka khut a bawlmi le Israel ka tenmi, na hum uhah thupha um tahen tituk hi.”

JEREMIAH 16:18

A sualnak haw le a phat ngawlnak cu a let nihin lohlehtik tung. Itahim titale mithi luang bang nunnak a nei ngawlmi, milim ten ka ngam nawngkaitik haw a, imah ahi ngawlmi pathian dimtik zo haw toh hi.”

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

JEREMIAH 3:2

Muallek hempoh khi zo in! Numei pha ngawlin na um ngawlnak mun pa khat bek um a maw? Phillawnah Arab miten ngal a pan haw bangin, lampi tuanah na ngaihmi ngak kinken bok ci. Numei phangawl na hihnakin, hi ngam cu nawngkaitik khawng zo ci.

JEREMIAH 3:9

zahcaknak imah nei ma hi. Hi ngam cu nintik khawngin, suang le thingkungte bia in, mai pasal ang sung pen pano dang ngaitu in suakta hi.

JEREMIAH 32:23

Mahnaven hi ngam sungah hengin, a luahtum haw ten na thukham zui ngawlin le na thuzilh bangin nungsih haw ma. A bawl haw tukin na thupiak hempoh imah bawl haw ma hi, mah hangin hitih bang siatsuahnak cu a hum hawah hengtik ci.

JEREMIAH 32:30

A tangthu haw a pattungno in Israel le Judah ten ka thinuktik haw in, a thil bawl haw mi hempohin ka thinuktik zo hi.

EZEKIEL 20:24

Ita hi bangin bawl kam ing titale amuh ten ka thupiakmi lawlin, ka daan siatsuah haw, Sabbath palcatin, a pu le pa tei nadeh sakmi milimte bia leleng haw hi.

EZEKIEL 20:28

A lak hawah piak tukin ka tepsami ngamah pui ing. Mahnaven mualsang le thinghing amuh haw sial ten biakpiaknak bawl pepel haw hi. Biakpiaknak a haal haw mi le sabittui a piakmi haw ten ka thinuktik ngangai haw hi.

EZEKIEL 20:6

Mahlai in Izipt ngam pen tulpih tung a, amu ca in ka ten sami khuinawi le khuaitui luannak ngam, ngam hempoh lak pen ngam phabelah hawhpih tung hi tin thutiam ing.

EZEKIEL 23:35

Cungnungbel Topa in, “Keimah cu phawkngilin, nung na hek hangin le na taksa deihnak le numei pha ngawl na hihnak hangin thuak tuk ci,” ti hi.

EZEKIEL 36:17

“Mihing pa, Ezekiel aw,” Israel mite a ngam sungah a um haw laihin, a nungcang le a bawlmi haw in, a ngam cu nintik hi. Numei cu ha sialin, a numeidan a neih laihin, mithiang ngawlin ngaihsut a hih haw bangin a nungcang haw hi ka mai ah thiang ma hi.

HOSEA 9:3

Israel mite cu Topa i ngam sungah um haw tukma toh hi. Izipt ngamah kiklehin, Assiria ngamah a thiang ngawlmi an eileh haw tuk hi.

MIKAH 2:10

Tho unna, hawh un; hilai munah humhimnak dawmno hei umma toh hi. Na sualnak uhin hi mun cu siatsuah khawng zo hi.

MIPUM SIALNAK 13:27

Moses lakah, “Zo tukin na hahmi ngam cu zo ung a, ngamhau le ngam pha, khuinawi le khuaihum tuah a dim mi ngam hi. Thingngah vang hilai hah pua ung.

DAAN PIAKLEHNAK 21:23

mahlaiah zan tianin umtik tuk kha ma hi. Mah sunin vui tuk uh ci, itahim titale thinghum a miluang khai cu Pathian tamsiat tawkmi hi. Topa na Pathian uh i a piak tukmi ngam na nawngkaitik ngawlnak tukin miluang cu vui un hi.

DAAN PIAKLEHNAK 32:9

Mahnaven Jakob casuante cu Amata tukin teng hi.

DAAN PIAKLEHNAK 6:18

Topa i mai ah a dikmi le a pha mi bawl unna, na lam uh tuang tuk hi. Ngampha cu na pu le pa tei lak a, Topa i thutepmi bangin luahin,