JEREMIAH 2:6 - Ngawm Bible

⁶ Keimah simsial viang haw ma, suahtultu Pathian ti awng haw ma; Izipt ngamsung pen suahtul ing, hampa lak pen lamhuai ing; Phillawn ngam le phil khuk thukmi ngamko le a lauhuaimi ngam, kuamah i hawh ngawlnak le um awng ngawlnak ngamsung pen lampui li naveng kinmawh kha haw ma.

JEREMIAH 2:6 Iomraidhean Croise

2 KUMPI 2:14

Elijah i angki cualpi tuah tui cu vatin, “Ilai ah kaw Topa, Elijah i Pathian cu a um?” tin ti hi. Tui cu a vah ten khendunin, Elisha cu khatlam ngalah tanvawk hi.

JOB Laibu (The Book of Job) 3:5

Thimzing le a nase zetmi thimnak ni-in suak hen; Meingo hangin tuam henna, ni cu dawkin thon tahen.

JOB Laibu (The Book of Job) 35:10

Mahnaven haksatnak hun a hen ngangai ten amuhte tha a piatu le semsuahtu Pathian lamah hek nuam haw ma hi.

SAAM LABU 23:4

Thihnak hawk luampi sungah ka hawh li vangin, Topa aw, imah lau tuk mang. Itahim titale nang cu ka nelah um ci. Na tembek le na thiangkhutin ka ngamlumtik hi.

SAAM LABU 77:5

A bosa mi ni le hate ngaisung ing; A bosa mi kumte phawkleh ing.

SUAHTULNAK 20:2

“Keimah cu sal na tannak uh Izipt ngam pen a suahtultu Topa na Pathian uh ing.

ISAIAH 63:9

Amuh pantu cu vancungmite kha ma hi. Topa amah loli hi. A itnak le a lainatnak hangin pan suak hi. A bosa mi hunah amah in cingkhawi leleng naven,

ISAIAH 64:7

Na min samin thungentu pa khatno hei umma poh ung; na bopnak a ngen tukin kuamah in, na lakah a hung umma ung hi. Ka muh ngawlnak tukah ngelh ci a, ka sual uh hangin nunghek ci.

JEREMIAH 13:16

Topa na Pathian uh cu upat unna, thimnak hengtik tuk a, mualhumah na bah, na lup uh laih ngawlin le na muansan uhmi khuavaknak cu khuathim sahzetah a cantik laih ngawlin upat un.

JEREMIAH 2:2

Jerusalem khuasung a ummi hempoh lakah a nuailam bangin hilhin ti hi. “Khangno na hih laihin muantak na hih zia le a huaidun sem uh laih a, na itnak cu cing leleng ing. Phillawnah zui in, kuamah i bun awng ngawlmi ngamah zui ci.

JEREMIAH 2:8

Thiampi ten, ‘Topa ilai ah um kaw?’ tih hei dong kha viang haw ma. Daan a tawngkhatu ka thiampite hei in, kei theileh haw ma toh. A hotu ten keimah dodalin, a profet hei in, Baal khawhuai min salin, thuhilhin, imah ahi ngawlmi, milim bia leng haw hi.

JEREMIAH 5:12

Topa cu a mihing ten imah a simsial haw ngawl hangin, “Imah bawl tukma poh, haksatnak le bawngsiatnak vang tawk tukma poh hung. Ngaldonak le pamnak vang thuak tukma hung,” tin ti haw hi.

JEREMIAH 5:2

Topa umtu bangkekin um cop nave uhcin, na otnak uh bangin zui tumleh sih ma uh ci!

JEREMIAH 51:43

Khua dangte cu zoh nah ngawlmi khua suakin, kuamah i um nuam ngawlnak, cawlh vut tuk hei nuam ngawlmi, phillawn ngamko in suakta hi.

HOSEA 12:13

Israel mite Izipt saltannak pen kaisuah tuk le cingkhawi tukin profet pa khat hah hi.

HOSEA 13:4

Topa in, Izipt pen a puitultu cu keimah Topa na Pathian uh ing. Keimah sial ngawl Pathian dang nei ma uh ci. Keimah bek cu nangmuhte pantu ing.

AMOS 2:10

Izipt ngam pen puitul lehin, phillawn lakah kum sawm li sung khol ing. Amor mitei ngam cu nangmuta tukin pia ing.

MATTHAI 4:16

Khuathim sungah a ummi ten a nase zetmi vaknak cu mu haw tuk hi. Thihnak ngamthim sungah a um mitei humah vaknak suak tuk,” ti hi.

DAAN PIAKLEHNAK 1:19

Moses in, “Topa a Pathian uh i thupiakmi cu bawl ung. Sinai Mual pen tul ung a, hi tizah a zalmi le a lauhuai zetmi phillawn ngam nawkin, Amor mualhum ngam lamah hawh ung. Kadesh Barnea a hen uhten,

DAAN PIAKLEHNAK 32:10

Phillawnah vakvai in, a vahlih haw mu hi. Ngamkhing, huih kongka phillawnah, Ama mitcang a cinkhawi bangin, hupin cingkhawi hi.

DAAN PIAKLEHNAK 8:2

Phillawn ngamkhingah kum sawm li sung Topa na Pathian in pui in, a thupiakmi zui tum haw maw, zui tum haw ma him, tih na lungmu sungah na ngaihsutnak uhte thei nuamin, na lak uh a, haksatnak a hentik daante ngaisung un hi.

THUKHENTUTE 6:13

Gideon in vancungmi lakah, “Topa thu pa khat dong tung. Topa Pathian cu keimuh tuah a um ngangai tale ita hiti bang nate ka hum uhah heng him? Izipt ngam pen Topa in suahin, tin ka pu le pa tei hilhmi Pathian i nalamdang a bawl mite atu ilai ah um khawng haw kaw? Topa in kohte cu nunghek zo hi. Midian mitei khutsungah kohte cu vawkthongta,” ti hi.