JEREMIAH 2:3 - Ngawm Bible

³ Maw Israel, nang cu keimah bek ita hi ci, ka neihmi mi thiangtho ci. Nangmah a bawlsiatu i humah haksatnak le siatsuahnak hengtik ing. Keimah, Topa in hilh zo ing.”

JEREMIAH 2:3 Iomraidhean Croise

SUAHTULNAK 22:29

“Na an uh, na sabittui uh le na olif thau ka lakah pia tukin cuamduang pahsuh un. “Na capa upabel uh cu ka lakah pia un hi.

SUAHTULNAK 23:16

“An thak Puai cu lo sung a, na cin uhmi ankung lak hunin, a masabel na laak uhten bawl un hi. “Ancop Puai cu na Sabit huan le na lo uh pen thingngah na cop uh kum bo ten bawl un hi.

ISAIAH 41:11

“Na hum a thinuktute cu mualpho in, zahcak tawk haw tuk hi. Nangmah a dotute cu thi haw tuk hi.

ISAIAH 47:6

Ka mihing tei humah ka thinuk ing; ka mihing ngawl bangin bawl ing. Na ngilnak le na huham sungah khia ing. A hum hawah hehpihnak dem hei nei ma ci; Pitek le putekte hei siatsuah ci.

JEREMIAH 12:14

Topa in, “Ka mihing Israel tei ngam a siatsuahtu Israel ngam el a ummi ngam tei lakah hilh tuk, nei ing. Mah mipha ngawlte cu bawhmi thingkung bangin a ngam haw pen bot vawk tung a, amu lak pen Judah mite cu pan tung hi.

JEREMIAH 2:4

Jakob casuan, Israel i cikhaih mite, Topa i thu hilhmi hi ngai hem un:

JEREMIAH 30:16

Mahnaven atu-in nangmuh a thontute khi, thon khawng sak hi haw tuk hi. Na ngal uhte uh cu ngalmatmi in cang haw tuk hi. Nangmuh a zawnsaktute cu zotsakmi hi bok haw tuk hi. Nangmuh a bawlsiatute cu bawlsialeh bok haw tuk hi.

JEREMIAH 50:7

Amutu hempoh ten do in, that haw hi. A ngal haw ten, ‘Topa lakah a sual haw hangin hiti bang thil a bawl uhmi hi sual ma hung hi. A pupa haw ten Topa muang haw; amuhte vang hi Topa i muantakin um tukmi hi haw naven!’ ti haw hi.

JOEL 1:3

Hithu hi na ca tei lakah hilh unna, na ca uhten khang khat nung khang khat hilhdun pepel haw hen.

AMOS 6:1

Zion ah nop zetin, a ummi le Samaria ah ngimta zetin, a ummi, miphun ngilzet, Israel miphun mihing nasezette, mi tampi ten bopnak deihin, a zuan lih haw mi mihingte, na ca uhin, lauhuai leita!

HABAKKUK 1:11

huih bang theu in paileh hawta hi. A ngilnak haw cu pathian bangin ngaisung haw!”

ZEKHARIAH 1:15

Lungnopnak le lemdaihnak a cotu miphun tei humah ka thin ka sup li hei in, mah miphun ten ka mihing tei thuaknak cu luai dedeuhtik haw hi.

ZEKHARIAH 2:8

Nangmuh a bawlsiatu ten a tawh khak haw cu ka ca in, a sunglawi zetmi a tawngkha haw hi,” tin ti hi. Mah hangin Cungnungbel Topa in, keimah cu a miphunte simtu tei nelah hithu hilh tukin hah hi.

MIPUM SIALNAK 18:12

“Israel miten kumsial a neih masabel haw sung pen cang phabel, sabit le olif situi a piak haw mi cu nangmah pia ing.

ROM Khua Khristian Tei Lakah Paul i Laikuat (Paul’s Letter to the Romans) 11:16

A masabelin cangho ahkhat khi Pathian nelah ap ahi tale, a phil pumpi in amata hi. Thingzungte vang Pathian nelah piak ahi tale, a kangte vang amata hi.

ROM Khua Khristian Tei Lakah Paul i Laikuat (Paul’s Letter to the Romans) 16:5

Amu inn a khawmtute vang nuksat ing. Asia ngam sungah Khrih a um masabeltu ka ihmi ka ngualcam Epainetas vang nuksat ing.

EFESA 1:4

Hi leipi a bawl pat laih ngawl hei in, Pathian in ohte hi Khrih tuah a pehzopnak uh hangin ama mai ah mi thiangtho le sual nei ngawlmi hi tukin amata in teng zo hi. A itnak i hangin,

DAAN PIAKLEHNAK 14:2

Leihumah a ummi hinnam hempoh sung pen ama mihing hi tukin a tenmi na hih uh hangin nohte cu Topa na Pathian uh i hinnam hi uh ci.”

DAAN PIAKLEHNAK 26:19

Leihum pen a semsuahmi miphun hempoh sung pen miphun dang sangin ngeng saw in bawl tuk hi. A tepsa bangin nohte cu ama miphun thiangtho hi tuk uh ci a, ama min cu thangphatin pahcawi un,” ti hi.

DAAN PIAKLEHNAK 7:6

Itahim titale nohte cu Topa na Pathian uh i mihing hinnam thiangte hi uh ci. Lei hum mi hempoh lak pen ama mihing hi tukin nohte cu teng zo hi.

JAMES 1:18

Ama lungkimnakin, a bawlmi hi hung a, eimuh a semsuahnakah thutak awnkam mang hi. Mah hangin a semsuahmi na hempoh lak pen ohte cu a ngah masabelmi hung hi.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

MANGMUHNAK 14:4

Amuhte cu mi thiangtho, numei tuah sual awng ngawlmite hi haw in, khanglai thianlim bang haw a, tuuno i hawhnak hempoh ah zui haw hi. Mi hempoh lak pen tatlehmi hi haw in, Pathian le Tuuno lakah anthak bangin piak masabelmi hi haw hi.