JEREMIAH 15:3 - Ngawm Bible

³ Keimah, Topa in, a hum hawah a heng tukmi thu pa li khencat zo toh ing. Ngaldonakah thah hi haw tuk, a luang haw cu uico in thiak tuk; vano ten ei in, a eih bang haw cu ngamsa ten ei haw tuk hi.

JEREMIAH 15:3 Iomraidhean Croise

SAAM LABU 68:23

Na ngal tei thi luang menmunte hei pen ke tuah hawh thei tuk uh ci. Na uico uh hei in amuh tei thi cu a duhzah haw in liak haw tuk,” ti hi.

ISAIAH 18:6

A ngalkap tei luangte cu vui ngawlin zamthong haw tuk a, vano le ngamsa tei ca hi haw tuk hi. Khua khal hun ten vano ten ei in, phalbi ten ngamsa ten ei haw tuk hi.”

JEREMIAH 12:9

Ka tensa ka mite cu, mun tihkimah mupi i hilmi vano bang haw hi. A cik eihnak puai ah, ngamsate vang sawm un.

JEREMIAH 14:12

An cangin thu a ngen li haw hei in, za kha moh tuk mang. Halkang biakpiaknak pia in le cangho vam biakpiaknak a pia li haw hei in, ka lungdam cuang tuk mang hi. Ngaldonak, pamnak le natnak tuah that leleng tung,” ti hi.

JEREMIAH 14:16

A thu a ngaitute hei mah bang lelengin thah hi haw tuk! A luang haw cu Jerusalem khuapi lam lai ah vawk hi haw tuk a, kuamah in vui haw tukma. Amuh bek hi ngawlin a zi haw, a canu, a capate vang mahti bang lelengin bawl hi tuk hi. A sualman haw nase zetin thuak haw tuk tin,” ti hi.

JEREMIAH 16:4

Natnak a phunkim tuah thi haw tuk naven a kahtu hei kuamah um haw tukma. A luang haw cu lei lakah ekdawm bangin thehkeh hi haw tuk hi. Ngaldonakah thi haw tuk, an eih tuk um ngawlin thi haw tuk, a luang haw cu vano le ngamsa tei an hi tuk hi.

JEREMIAH 7:33

Miluang cu vano le ngamsa tei ca in, an hi haw tuk a, vano le ngamsa a hawlvawktu kuamah um haw tukma hi.

KAH LA 3:11

Lampi pen hilvawkin, botbal khawngin taisan hi.

EZEKIEL 14:21

Cungnungbel Topa in hi bangin ti hi; “Mihing hihen, ngannung hihen that tukin ka mi bawlsiatnak nasebel pa li: ngaldonak, pamnak, sahangte le natsiate cu Jerusalem humah hengtik tung.

EZEKIEL 33:27

“Cungnungbel Topa keimah hi a nungmi Pathian ka hih bangin ngallinnak ka piak bangin hilhin hi. A sia khawng zo mi khuasung a ummite cu thah hi haw tuk hi. Hampalak a um mihingte cu sahang ten ei haw tuk a, mualhum le suanghol sungah a ngelh mite cu natnak thuakin thi haw tuk hi.

THIAMPI NADEHNAK 26:16

dantat tung hi. Haksatnak na hum uhah hengtik tung hi. A dam thei ngawl tohmi natnak a phunkim le nattun thuak tuk uh ci, na mit uh thimin, kokang dedeuh tuk uh ci. Anci na cing uh hei in nohtei ca in nemcuamnak um tukma; itahim titale a eitu cu na ngam uh a, nehtu na ngalte hi haw tuk hi.

THIAMPI NADEHNAK 26:22

Na lak uhah sahang hah tung a, na cano uhte le na ngan uhte man haw tuk hi, mi demno bek tang tuk uh ci a, na lampi uhte ngamkhingin suak khawng tuk hi.

THIAMPI NADEHNAK 26:25

Ka thutiam mi na siatsuah uh hangin dantat tung hi; khuapi sungah him nuamin, na ngelh uh hei in, na hum uhah natsia hengtik tung a, na ngal tei khutsungah heng khawng tuk uh ci.

AMOS 5:19

Kiosa lak pen tai in, vompi a tawktu pa bang tuk uh ci. Mahma tale innah pinin, pang a zuh ten ngul i cih tawkmi pa bang tuk uh ci.

DAAN PIAKLEHNAK 28:26

Na thih uhten na luang uhte cu lei lak a, vak ngamsa hihen, van a, a leng vano ten hihen, ei haw tuk hi; a hawlvawktu kuamah um haw tukma hi.

DAAN PIAKLEHNAK 32:24

Ngilkialnak le nattunin thi haw tuk hi. Mullinghah natsia tuah thi haw tuk hi. Amuh mantu tukin sahang hah tung. Micik thei ngu nei hangsan ngul vang amu lakah vaktik tung hi.

MANGMUHNAK 6:8

Ka zoh ten cipuhngo pa khat mu ing. A hum khungtu pa i min cu ‘Thihnak,’ tih na hi a, a nung pen mithi khua in zui hi. Amuhte cu leihum mihing hempoh i khen li khenkhatte khi, ngaldonak, paamnak, natnak le sahang tei bawlsiatnak tuah thah theihnak tuk thuneihnak piakmi na hi haw hi.