JEREMIAH 11:4 - Ngawm Bible

⁴ Hi thutiamnak cu a pu le pate tuah bawl ing. Amu ca thikseknak pummei bangmi, Izipt ngam pen ka puitul laih a, ka bawlmi thutiam hi. Ka thu ngai tukin le ka thupiakmi hempoh zui tukin thuhilh ing. Ka thu a ngai haw tale ka mi hi haw tuk a, a Pathian haw hi tung tin hilh ing.

JEREMIAH 11:4 Iomraidhean Croise

PIANPATNAK 17:8

Atu a, na umnak ngam, mikhual na hihnak ngam hi nangmah le na casuan tei lakah pia tung hi. Kanaan ngam hempoh hi kumkhua in nangmuta hi tuk a, keimah cu na Pathian uh hi tung,” ti hi.

1 KUMPI 8:51

Amu ca in thik vamtiknak somei bang Izipt ngam pen na suahtik zo mite hi na mihing le nangmata haw poh hi.

2 KUMPI 18:6

Topa i mai ah muantak hi in, thu el awng ma hi; Moses lak a, Topa i thupiaknak hempoh komzetno in zui hi.

SUAHTULNAK 20:6

Mahnaven keimah a deihtu le ka thukham a zuitu i humah ka ihnak cu khang thawng tampi tianin lak tung.

ISAIAH 30:6

Hanglam phillawn ngam, ngamsa tei thu ah Pathian in hi tin hilh hi, “Ngam palaite cu lauhuainak ngam, kiosa le ngul ngu neite, a leng thei ngul tei umnakah khualzin haw hi. Bopnak a pia thei ngawltu tei ngamah laksawng pia tukin na manphazette cu a laak le a kalauk haw humah suanto nawnawm haw hi.

ISAIAH 48:10

Ngun cu pum mei ah a thiantik haw bangin, thuaknak mei sungah khingkhai ing hi, Mahnaven man nei ngawl na hihnak cu cangcian zetin thei ing.

JEREMIAH 11:7

A pu le pate Izipt ngam pen ka puitul laihin, ka thu ngai tukin ngallinnak pia ham khawng zo ing, tuni tian pia li laih ing.

JEREMIAH 24:7

Topa ka hihlam a theihnuamnak haw tukin, kei cu a Pathian haw hi tung hi. Itahim titale a lungmu hempoh tuah ka lakah kikleh haw tuk hi.

JEREMIAH 26:13

Na nundan uh khel tukin le na bawl uhmi na khelh kul hihim hi. Topa na Pathian uh i thungai un. Mahti bangin na bawl uh ahi tale na humah a siatsuahnak hentik a tum mi cu khelleh tuk hi.

JEREMIAH 32:28

Hi khuapi cu Babilon kumpi Nebuchadnezzar le a ngalkap tei khutah pia tung; la haw tuk a,

JEREMIAH 38:20

Mahten kei in, “A khut sungah piak hi tukma ci. Topa i awnkam saw hi phano ngai le ci tin ngen ing. Na ngai ahi tale ihempoh pha khawng tuk, na nunnak vang khawih haw tuk hi.

EZEKIEL 11:20

ka daante cu zui haw tuk a, ka thupiakmite cu komzetno in bawl haw tuk hi. A muhte cu ka mihing hi haw tuk a, keimah cu a Pathian haw hi tung.

EZEKIEL 14:11

Israel mite ka lak pen a tai ngawlnak tukin le sualnak sungah amuh le muh a nawngkai duntik haw ngawlnak tukin mahti bangin bawl tung hi. Amuh cu ka mihing hi haw tuk a, kei vang a Pathian haw hi bok tung hi,” tin Cungnungbel Topa in hilh zo hi.

EZEKIEL 36:28

na pu le pa tei lak a, ka piakmi ngam sungah um tuk uh ci. Noh cu ka mihing hi tuk uh ci a, kei cu na Pathian uh hi tung.

EZEKIEL 37:23

Ningdelhhuai milimte tuah nawngkai duncop haw tukma toh a, sualnak tuah nintik duncop haw tukma toh hi. Sualnak bawlin keimah a naunehnak haw hempoh pen luattik tung hi. Thiangthotik tung a, ka mihing hi in, a Pathian haw hi tuk toh ing.

EZEKIEL 37:27

Amuh tuah um tung a; keimah cu a Pathian haw hi tung, amuh vang ka mihing hi haw tuk hi.

DANIEL 3:26

Nebuchadnezzar cu meipual sehnak lam a, um kongka lamah hawhin, “Shadrak! Meshak! Abednego! Ihempoh tithei Pathian i silate, tul un!” tin sam het hi. Manlang zetin tulvut haw hi.

THIAMPI NADEHNAK 26:12

Noh tei lakah um tung a, keimah cu na Pathian uh hi tung hi, nohte cu ka mihing hi tuk uh ci.

THIAMPI NADEHNAK 26:3

“Ka daan le ka thupiakmi na zui uh tale,

ZEKHARIAH 13:9

a tang calam khen thum khenkhat cu khingkhai tung a, ngun cu mei tuah a thiantik bangin thiangtik tung. Sui cu mei ah a khingkhai haw bangin khingkhai tung. Ka nelah thu a nget haw ten za tung. Ka mihing a hih haw hilh tung a, keimah vang a Pathian haw ka hihlam phuang haw tuk,” ti hi.

ZEKHARIAH 6:15

Topa i Biakinn cu sak bawm tukin ngam khawlapi a ummite vang hung haw tuk hi. Mahtibang a sak haw ten Cungnungbel Topa in, nangmu nelah keimah a hahlam cu thei tuk uh ci. Na Topa, Pathian i thupiakmi na zui kim uh tale, a humlam a thu hempoh cu kim khawng tuk hi.

ZEKHARIAH 8:8

Nisuahnak lam le nitumnak lam pen pui kikleh tung a, Jerusalem ah umleh haw tuk hi. Amuh cu ka mihing hi haw tuk a, keimah cu amu Pathian hi tung; muantakzet le dikcang zetin uk tung hi.

MATTHAI 28:20

Ka thupiakmi hempoh zui tukin hilh unna, hun tawp ni tian nohtei lakah um leleng tung,” ti hi.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

DAAN PIAKLEHNAK 11:27

Topa na Pathian uh i thukham, tuni ka piakmi hi na zui uh tale muicu dong tuk uh ci.

DAAN PIAKLEHNAK 4:20

Mahnaven na dinmun uh hi ama mihing na hih theihnak tukin, nohtei ca in thik huan tuinak bang Izipt ngam pen a suahtulmi hi uh ci.

DAAN PIAKLEHNAK 5:6

“Keimah cu Topa na Pathian uh, Izipt sal na tannak uh pen a suahtu ing.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

1 SAMUEL 15:22

Samuel in, “I kaw Topa i deih saw mi? Ama thu zui maw, ahimata biakpiaknak piakmi kaw? Tuu a phabel tuah ama lakah biakpiaknak sangin, ama thuzui cu pha saw hi.