JEREMIAH 10:3 - Ngawm Bible

³ Himi tei biaknak cu phukthong poh hi. Tupi sungah thingkung pa khat phuk haw a, khutzung thiam nei ten a hiamnam haw tuah sui in,

JEREMIAH 10:3 Iomraidhean Croise

SAAM LABU 115:4

Amuh tei pathiante cu sui le ngun tuah bawlmi, mihing khut tuah bawl mite hi.

ISAIAH 45:20

Topa in, hung hem un, leihum miphunte, ngam uknak a bo khawng ceng ten a tang calam hempoh, munkhatah hung hem un. Nangmuh thukhennak tuk munah hung ten hem un. Thing tuah bawlmi milim a vahpih litu, amuh pan thei ngawltu khawhuai lakah thungentute, hi ten theihnak imah nei haw ma hi.

JEREMIAH 1:16

Ka mihing tei humah siatsuahnak cu hengtik tung; sualin, nung a hek haw hangin le dawih phun dadang lakah biakpiaknak bawlin, milimte amu kut loli tuah bawlin a biak haw hangin cawh tung hi.

JEREMIAH 10:8

Amuh ten a venghawng haw in misil le hawmthawh ummi haw hi. Thing a bawlmi milim lak pen, i cung thei haw tuk kaw?

JEREMIAH 14:22

Ngamdang mitei bawlmi milim ten nguahzutik thei ma hi. Van pen ama thu in nguahtui mal khatno hei caktik thei ma hi. Topa aw, kohtei Pathian, ka muansannak uh cu na lakah koih zo toh ung. Hi thil hempoh a bawltu cu nangmah bek hi ci.

JEREMIAH 16:19

Topa, nangmah in humhim ci a, ngilnak pia ci. Haksat hun ten bawm ci. Vanmawk deng pen miphun tampi hung haw tuk a, na lakah, “Ka pu le pa ten zolthu le imah nemcuam ngawlmi khawhuai sial ngawl imah nei haw ma; a neih haw mi cu imah a nemcuam ngawl milim bek hi.

JEREMIAH 2:5

Topa in, na pu le na pa uhten ka humah i sualnot tuk kaw a neih haw? Itakaw keimah nung a hek haw? Nemcuam ngawlmi milim bia in, amuh nangawn hei phukthong haw hi.

THIAMPI NADEHNAK 18:30

Topa in, “Ka thupiakmite hi zui un hi; hi ngam na hen uh laih ngawlin a ummi tei nuncan cu zui pahsuh un; a nuncan haw zui in, mi nawngkai in bawlduncop pahsuh un. Keimah cu Topa na Pathian uh ing,” ti hi.

MATTHAI 6:7

“Thu na nget uhten Pathian thei ngawl tei sullam nei ngawl awnkam tampi mang pahsuh un. Amuh ten ngeipi thu a nget haw cu a pathian in thei cuang tukin ngaisung haw hi.

NUNGZUITU 19:26

Mahnaven atu-in Paul a tih haw mi pa in, iti bangin nadek him tih cu nangmuh loli in, na muh uhmi le na zak uhmi hi. Mihing tei bawlcopmi pathiante cu pathian kha haw ma hi, ti in, Efesa khua le Asia ngam venghawng awndiak, mi tampi tei thin sungah a hilhmi thu cu tum ngah hi.

ROM Khua Khristian Tei Lakah Paul i Laikuat (Paul’s Letter to the Romans) 1:21

Pathian cu thei leng haw hi; mahnaven maizahnak le upatnak pia haw ma hi; a humah lungdam thu hei hilh haw ma hi. A ngaihsutnak haw cu imah ngawl cang khawngin, a lungmu hawmhol pi haw cu khuathimnak tuah dim hi.

1 PETER 1:18

Na pu le pa tei lo le lam a zap haw mi le nemcuamnak a um ngawlmi na nundan uh sung pen a suakcatiktu cu ihim tih thei leng uh ci. A sia theimi sui le ngun bang kha ma hi.