JEREMIAH 1:5 - Ngawm Bible

⁵ “Na nu i pum sung pen ka semtik laih ngawlin thei zo toh ing a, na suah laih ngawlin miphun tampi tei profet hi tukin teng zo toh ing,” ti hi.

JEREMIAH 1:5 Iomraidhean Croise

SAAM LABU 139:15

Ka nu i pum sungah ka thi le sate ciangkai zetin, na bawl laih khin, a thei khawngtu cu nangmah hi ci.

SAAM LABU 139:16

Ka suah laih ngawlin mu zo ci. Ka ca in, na bawlmi kum le hunte cu; ni khat hei a pat laih ngawlin na laibu sungah khumsa hi zo haw toh hi;

SUAHTULNAK 33:12

Moses in Topa i lakah, “Hi Israel mite Kanaan ngamah puitik hi tih cu thei ing hi; mahnaven keimah tuah hawh tukin akua hah cim tih cu hilh ma laih ci. Nangmah cu theizet ing a, ka lungdamtikzet tin ti zo ci.

SUAHTULNAK 33:17

Topa in Moses lakah, “Na ngetmi bangin bawl tung; itahim titale ka theih zetmi hi ci a, na humah ka lungdamzet,” ti hi.

ISAIAH 44:2

Keimah cu nangmuh a semsuahtu Topa ing. Na nunnak a piang bek ten bawm zo toh ing. Imah lau pahsun, ka nadektu ka sila ci. Ka tenmi, ka ihmi ci.

ISAIAH 49:1

Ngam khawlapi ah a ummi ngamte, ngai hem un! Khualzinte vang! Ka pian laih ngawlin Topa in teng zo; Ama nadektu tukin dehvo pia hi.

ISAIAH 49:5

Ka pian laih ngawlin, Topa in dehvo na sem zo; A mihingte puikik tukin le a khen siamsuammi Israel mite kikleh tukin ama nadektu in bawl hi. Topa in minphatnak pia hi. Amah cu ka ngilnak bulpi hi.

JEREMIAH 1:10

Tuni in, miphun hempoh le kumpi tei ukmi ngam tampi tei humah bot theihnak, phiat theihnak, siatsuah theihnak, vawk theihnak, tundinleh theihnak le phut theihnak thupia ing,” ti hi.

JEREMIAH 1:4

Topa in, ka lakah,

JEREMIAH 20:15

Ka pa a lungdamtiktu cu tamsiat hihen! Thuthang henpihin, “Pano hi! capa nei ci” a titu pa cu!

JEREMIAH 25:13

Jeremiah lakah ka hilhsa mi cu miphun tampi humah hengtik tung tin ka tihmi bawlsiatnak hi laibu sung a sialsiahmi siatsuahnak hempoh tuah Babilon cu bawlsia tung hi.

JEREMIAH 36:2

“Laizial la inna, Israel le Judah miphun hempoh tei thu ka hilhmi hi ngan khawngin hi. Josiah i kumpi nadeh laih a, na lakah a masabel ka ot ni pepan tusun tian ka hilhmi thu hempoh ngan khawngin hi.

JEREMIAH 50:34

Mahnaven amuh a pantu tuk cu a ngilzetmi, a min cu Cungnungbel Topa hi. Amah hihimin, a thu haw cu dinpih tuk a, leihumah lemdaihnak hengtik tuk hi. Mahnaven Babilon mitei lakah buainak um tuk,” ti hi.

LUKA 1:15

Amah cu Topa i mai pen mi thawmngengzet pa khat hi tuk hi. Sabittui le a ngui thei zute in ngawlin, a nu i pum sung hihim pen Hawvang Thiangtho tuah dim tuk hi.

LUKA 1:41

Elizabeth in Mary i aw a zak bek ten a pum sung a nauno cu phia hi. Elizabeth cu Hawvang Thiangtho tuah dim hi.

LUKA 1:76

“Ka cano aw, nang cu a sangbel Pathian i profet tin sammi hi tuk ci. Nang cu atu in Topa i lampi sialhamtu tukin a mai ah hawhham tuk ci.

JOHAN 10:36

Kei cu ka Pa i tenmi le leihumah a tiiksukmi ing. Mahti bang a hih hangin Pathian Capa ing hi, ka tih ten Pathian zawnsak ci, tin na tih theih uh?

ROM Khua Khristian Tei Lakah Paul i Laikuat (Paul’s Letter to the Romans) 1:1

Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

1 KORIN 8:3

Mahnaven Pathian a deihtu cu Pathian in thei hi.

EFESA 1:22

Pathian in Khrih i ke nuai ah ihempoh koihin, thu hempoh ah pawlpi i lu in, Khrih cu koih hi.