JEREMIAH 1:16 - Ngawm Bible

¹⁶ Ka mihing tei humah siatsuahnak cu hengtik tung; sualin, nung a hek haw hangin le dawih phun dadang lakah biakpiaknak bawlin, milimte amu kut loli tuah bawlin a biak haw hangin cawh tung hi.

JEREMIAH 1:16 Iomraidhean Croise

JEREMIAH 19:4

Hitih bang thil cu hengtik tung, itahim titale mipi ten nunghekin, khawhuai tei lakah biakpiaknakte pia in, hi ngam hi nintik zo haw toh hi. Mah khawhuaite cu amuh le a pu le pate hei hihen, Judah kumpi lak pen hihen, a theih awng haw ngawlmi hi. Hi ngam cu mawh nei ngawl tei thisan tuah dimtik hi.

JEREMIAH 7:9

Nguca in, mithat uh ci, nupa sualnak vang bawl uh ci, zolthuson uh ci, Baal pathian lakah biakpiaknak pia inna, theih awng ngawl uhmi pathian bia uh ci.

NUNGZUITU 7:41

Mahti bang a hih hangin khuicang mel cuangin, khui milim bawl haw a, dawi biakpiaknak cu khut tuah bawlcopmi i ca in, upatnak puai bawl li haw hi.

ISAIAH 2:8

A ngam haw cu milim tuah dimin, a khut haw tuah a bawlcop haw mi bia haw hi.

DAAN PIAKLEHNAK 28:20

“Thil pha ngawl bawlin Topa na nunghek uh tale na paihlal uh laklawh Topa in, na hum uhah buainak, ngilkial dangdumnak hengtik tuk hi.

HOSEA 11:2

Mahnaven ka capa tin ka sam dedeuh ten ka nel pen khua la dedeuhah pial hi. Ka miphunte cu Baal nelah biakpiaknakte pia in, milim nelah namtui haal haw hi.

HOSEA 8:6

A milim haw cu Israel khutzung thiampa i bawlmi hi a, biak tukmi Pathian kha ma hi. Samaria ah a biak haw mi sui khuicang zuk cu sehkeh khawng tuk hi.

JEREMIAH 44:17

Bawl tuk ung ka tih uhmi hempoh cu bawl leng tuk ung. Ka pathiannu uh Vancung Kumpinu lakah biakpiaknak bawl tuk ung a, keimuh le ka pu le pa ten hihen, ka kumpite le keimuh puitute hei hihen, Judah ngam khua le Jerusalem khua lampi humah a bawl zo haw bangin, biakpiaknak a piakmi sabittui cu a humah leih tuk ung hi. Mah bangin ka bawl uh laihin, hausa le neinungin haksatnak imah tawk ma ung hi.

JEREMIAH 17:13

Topa, nang cu Israel tei muansannak hi ci. Nangmah a lawltu cu mualpho haw tuk hi. Nunnak ciktui Topa nangmah a lawl haw hang hi.

JEREMIAH 4:12

Topa i thupiakin, a theu limi huih cu mah sangin a nase saw mi huih hi tuk hi. Mahmi huih cu ama mihing tei humah thukhennak piatu cu Topa amah hi tuk hi.

ISAIAH 37:19

A khuazingte Pathian kha ngawlmi pathian, thing le suang tuah bawlcawm milimte vang halkang khawng haw tih thei zo ung.

2 KUMPI 22:17

Keimah lawlin pathian dadang lakah biakpiaknak bawl haw hi; a milim bawlmi haw hempohin ka thinuktik haw hi. Ka thinuknak cu mei bangin alhin cuhmit thei tukma hi.

JOSHUA 24:20

Topa in taisanin, ngamdang pathian na bia uh tale na hum uhah hun ngeipi a pha zo toh vangin amah in nohte cu ngal tuk a, bawlsia in, siatsuah khawng tuk,” ti hi.

DAAN PIAKLEHNAK 31:16

Topa in Moses lakah, “Nang cu thi pal tuk ci; na thih nungten hi Israel miten amuh tuah thutepnak ka bawlmi cu siatsuahin, numei pha ngawl uire phunin suak haw tuk hi. A luah haw tukmi ngam a, pathian dang bia in, kei cu zam haw tuk hi.

EZEKIEL 24:14

Cungnungbel Topa keimah in hilh zo ing. Na ka deh tatak hun heng zo. Na sualnakte hi umsan thong tuk mang, na humah hehpihnak nei tuk mang. Ka thinsup tuk mang. Na bawlmi hangin dantatnak thuak tuk ci,” tin Cungnungbel Topa in hilh zo hi.

JEREMIAH 51:17

Mah amuh haw ten mihingte cu, imah thei ngawl misil bang haw hi. Milim a bawltute cu, lungbing le khawngai in um haw hi. Itahim titale a bawl haw mi milimte cu, nunnak nei ngawl milim hi.

JEREMIAH 16:11

Keimah, Topa i hilhmi cu hilhin; “Na pu le pa ten keimah zamin, pathian dang tei nadekin bia haw hi. Nunghekin ka thu zilhmi zui nuam haw ma.

JEREMIAH 15:6

Nangmuh saw in, keimah nunghekin zam uh ci. Mah hangin ka khutzakin siatsuah ing. Ka thinsupin daidi nap ma toh ing.

JEREMIAH 11:17

“Israel le Judah cu keimah Cungnungbel Topa i phut kho mite hi. Mahnaven atu-in, a hum hawah siatlalnak hentik tum ing. Hi siatlalnak hi amuhno in, a hum hawah a hentik haw mi hi. Itahim titale Baal khawhuai lakah biakpiaknak pia in, thil sual a bawlnak haw i hangin ka thinuktik haw,” ti hi.

JEREMIAH 11:12

biakpiaknak a piak haw mi khawhuai tei lakah Judah mi le Jerusalem mite cu hawh haw tuk a, bopnak ngenin, au haw tuk hi. Siatsuahnak a heng ngangai tale, hi khawhuai ten pan thei haw tukma.

JEREMIAH 10:15

Zolthu vocang, phukthongin, a nuihsuak hah thong haw hi. Topa a hun ten bo khawng haw tuk hi.

JEREMIAH 5:29

“Mahnaven Keimah, Topa in dantat tung. Mah bang miphun tei humah phu la tung hi.

JEREMIAH 5:9

Hitih bang thil sual a bawlnak haw hangin bawlsia ngawlin um tung maw? Hitih bang miphun tei humah akua kaw phuba la ngawlin a um thei tuk?

JEREMIAH 4:28

Leipi cu mithi ngai in um tuk hi. Vante thim khawng tuk hi. Topa in hilh zo toh naven a lungmu haw khelleh tukma toh. Thu ngaisung cat zo toh a, sikleh hihim tukma, nung vang kikleh tukma hi.

JEREMIAH 2:17

Maw Israel, lampi a, ka hawhpih laihin, Topa na Pathian Kei na zamsan hangin, hi bang siatnak na humah hengtik hi kha ma cim?

JEREMIAH 2:13

Itahim titale ka mihing ten sualnak nam nih bawl hawta hi. Nunnak ciktui keimah cu lawlin, tui a ting thei ngawl, tui kang theihnak munah tuikhuk co haw hi.

ISAIAH 65:3

Zahcak hei thei tum ngawlin ka thinuktik leleng haw hi. Huan sungah dawih biakpiaknak bawl haw in, lawki tei biaklandawh humah namtui halte pia haw hi.

ISAIAH 44:15

Mihingin thingkung khenkhat cu tuahthing tukin mangin, a khenkhat cu milim bawlnakin mang hi. Thing a khenkhatte cu mei ah tuah khualumnak tuk awi in, canghote emin adang khenkhatte tuah milim bawlin bia hi.

2 KHANGSIALNAK 34:25

Kei cu lawlin, pathian dang lakah biakpiaknak bawl haw hi, hi bangin a bawlmi hangin a hum hawah ka thinuk ing. Jerusalem hum a, ka thinuknak cu dai thei tukma hi.

2 KHANGSIALNAK 15:2

kumpi Asa lakah, “Kumpi Asa, Judah le Benjamin mite, ngai hem un! Topa i lamah na tan sung uh cu Topa in nohte vang tanpih bok hi. Amah na zei uh tale amah in nohte cu tawk tuk a, nung na hek uh tale nangmuh nunghek bok tuk hi.

2 KHANGSIALNAK 7:19

Nangmah le na mihing ten ka daan le ka thupiakte zui ngawlin Pathian dangte na bia uh tale,

JOEL 2:11

Topa i thupiaknak au thawm cu a ngalkap tei mai ah vanthum bangin thum hi. A ngalkapte tha nei mahtak haw hi. A nadektu cu sialcelh haw ma. A lauhuai zetmi Topa i thinuknak ni cu! Akua in thuak thei tuk him?

MANGMUHNAK 9:20

Hi mihing siatsuahtu pulhnat phun thum tei thah ngawlmi mihing ten amu bawlcopmi thil zamsan nuam cuang haw ma hi. Khawhuai biaknak, sui, ngun, daal, suang le thingtuah bawlcop milim, imah zak theih ngawl, muh thei ngawl, vak theih ngawlnak le awn thei ngawlmi biaknakte cawl cuang haw ma hi.

JEREMIAH 2:28

Nangmu ca in, na biak uhmi na pathian uhte cu ilai ah haw kaw? A bawm thei haw ahi tale na haksat uhten bawm tahen. Judah, khuapi na neih zahin pathian hei tampi nei ci.

JEREMIAH 10:3

Himi tei biaknak cu phukthong poh hi. Tupi sungah thingkung pa khat phuk haw a, khutzung thiam nei ten a hiamnam haw tuah sui in,

2 KHANGSIALNAK 28:2

Israel kumpi tei nundan cung hi. Thik tuah Baal pathian milimte bawlin;

JEREMIAH 2:19

Nangma sualnak bawlmi lala in nangmah bawlsia tuk a, lam na pialnakin nangmah mawhsiat tuk hi. Keimah, Topa na Pathian nunghek ci a, ka humah kihcaknak na neih ngawl toh hangin na ca in, thilpha ngawl a hihlam thei tawto tuk ci. Ihempoh tithei, Topa, Cungnungbelin hilhham zo ing,” ti hi.

JEREMIAH 7:17

Judah ngam khuasung le Jerusalem lampite ah a bawl haw mi mu ma cim maw?

JEREMIAH 7:18

Naupang ten thingcom haw a, pano upa ten mei tuah numei ten vanhum kumpinu tin, a sam haw mi a pathian haw ca in, cangho bawl tukin maida cop haw hi. Khuazing dadang ca in sabittui sungin ka thinnatnak tukin bawl haw hi.

JEREMIAH 18:15

Mahnaven ka mihingte in phawkngil haw, milim lakah namtuite haal haw hi. A hawhnak haw tuk lampi ah hawhin bah haw hi. Lampi lun zuileh haw ma toh. Selh ngawlmi lampi ah hawh lamsang haw hi.

EZEKIEL 16:18

Ka piakmi puan coihte cu milimte khunnakah mangin, nangma ca ka tihmi olif thau le namtuite cu milim tei lakah pia ci.