JEREMIAH 1:11 - Ngawm Bible

¹¹ Topa in, “Jeremiah, ikaw na muh?” tin a dot ten, “Khumkhal thingkang mu ing,” tin donleh ing.

JEREMIAH 1:11 Iomraidhean Croise

AMOS 7:8

“Amos i kaw na muh?” Tin dong hi. A camtiknak khaukhaih mu ing tin donleh ing. Mahten amah in, “Ka mihing Israel hi a cam ngawlmi pang tian bang haw in, a man ngawl daan haw langtik tukin hi camtiknak khaukhaih hi lak ing. Amuh dantat tukin ka ngaihsutsa mi cu khelleh tukma toh ing.

AMOS 8:2

Topa in, “Amos ikaw na muh tin dong?” “Thingngah bawm khat mu ing tin donleh ing.” Topa in, “Ka mihing Israel tei a bo ni heng zo hi. Amuh bawlsia tuk ka ngaihsutmi cu khelleh tukma toh ing.

ZEKHARIAH 5:2

Vancungmi in, “Imu nge cim?” tin a dot ten, “Huih lakah laizial a leeng mi mu ing a, mah laizial cu tong sawm nih sau in, tong sawm pek hi tin donleh ing.”

ZEKHARIAH 4:2

“Imu cim? tin dong hi.” “Sui tuah bawlmi mei-inn khuam mu ing.” A humah meitui koihnak kuang um hi. Meitui kuang humah mei-inn salih um hi. “Mei-inn le meitui kuang pehdunnakah mei ca khuam salih um hi.

JEREMIAH 24:3

Topa in ka lakah, “Jeremiah, i kaw na muh?” tin dong hi. “Theipi ngah mu ing, a pha mi cu phazet naven a sia mi cu sia leita lawlawm, eihpha hei hi haw ma” tin don ing.

MIPUM SIALNAK 17:8

A zingten Puanbuk sungah Moses tumin Levi hinnam ai-awhtu Aaron i thiangkhut a tawt mu hi. A tawt bek hi ngawlin kuhkuumin, pakin, almond ngah a minin ngah hi.

EZEKIEL 7:10

Israel tei siatlalnak ni heng tuk hi. Thisan luannak pung pepelin; pualthaunak a tawpkhawk tian heng zo.

PIANPATNAK 30:37

Jakob in khil thing, thuang kung le hiang kung tei kangkak la in, a hawng a khenkhat hawk a, ngolhkang can tuah bawl hi.

ISAIAH 55:11

“Ka kam sung pen a tulmi awnkam cu mahti bangin hituk hi. Imah bawlsuakmi nei ngawlin ka lakah kikleh tukma hi. Dek tukin ka tuptahmi hempoh cu dek khawng tuk hi.”

EZEKIEL 12:25

Keimah Cungnungbel Topa in, a lak hawah thuhilh tung a, ka hilhmi cu cangkimno in bawl hi tuk hi. Ngei tukma toh hi. Ngalthote, na nunsung uhah bawl tung hi tin ngallinnak ka piakmi cu bawl ngangai tung hi. Keima in hilh zo ing hi,” tin, Cungnungbel Topa in ti hi.

EZEKIEL 12:28

Cungnungbel Topa keima hilhmi hi hilh sawlawnin hi. Ngei tukma toh. Ka hilhmi cu bawlsuak hi tuk hi. Cungnungbel Topa keimah in hilh zo ing,” ti hi.