JEREMIAH 1:10 - Ngawm Bible

¹⁰ Tuni in, miphun hempoh le kumpi tei ukmi ngam tampi tei humah bot theihnak, phiat theihnak, siatsuah theihnak, vawk theihnak, tundinleh theihnak le phut theihnak thupia ing,” ti hi.

JEREMIAH 1:10 Iomraidhean Croise

1 KUMPI 17:1

Gilead ngam Tishbe khua pen Elijah a tih haw profet pa khat cu kumpi Ahab lakah hawhin, “A nungmi Topa, Israel Pathian, ka biakmi Topa i minin hilh ing. Keimah in nguahzu toh hen ka tih laklawh, tu pepan mailam kum nih ahimata kum thum sung cu daita hihen, nguahzu hihen um tukma hi,” tin hilh hi.

1 KUMPI 19:17

Hazael in ngalnam tuah thatin, a thah ngah ngawlte cu Jehu in that tuk hi; Jehu i thah ngah ngawlte cu Elisha in that tuk hi.

THUHILHTU 3:3

Thah hun umin, damtik hun um hi. Phiat hun umin, sakleh hun um hi.

JEREMIAH 1:5

“Na nu i pum sung pen ka semtik laih ngawlin thei zo toh ing a, na suah laih ngawlin miphun tampi tei profet hi tukin teng zo toh ing,” ti hi.

JEREMIAH 24:6

Phano in zo tung a, hi ngamah kihpihleh tung hi. Ka siatsuahmi hi ngawlin ka sak lehmi hi haw tuk, ka botmi hi ngawlin, ka phutmi hi saw haw tuk hi.

JEREMIAH 25:13

Jeremiah lakah ka hilhsa mi cu miphun tampi humah hengtik tung tin ka tihmi bawlsiatnak hi laibu sung a sialsiahmi siatsuahnak hempoh tuah Babilon cu bawlsia tung hi.

JEREMIAH 31:28

Botvawk ing a, bal khawng ing, vawk mangin, siatsuah ing a, ka paih mangtik bangin atu hei in ngalling zetin phut tung a, dinglehtik tung hi.

JEREMIAH 31:40

Mithi vuinak le buak a vawknak haw munlawn buppi le Kidron luimawk kuam hum a, ngam hempoh, nisuahnak lam pen cipuh kongka tian, a venghawngin keima ca in mun thiangtho hi tuk hi. Khuapi cu ituk mahten phiat le siatsuah hileh tukma toh,” tin ti hi.

JEREMIAH 36:2

“Laizial la inna, Israel le Judah miphun hempoh tei thu ka hilhmi hi ngan khawngin hi. Josiah i kumpi nadeh laih a, na lakah a masabel ka ot ni pepan tusun tian ka hilhmi thu hempoh ngan khawngin hi.

JEREMIAH 44:27

Ka mitmuh hei ah, neinungin umleh tukma toh uh ci, siatsuahmi hi saw tuk uh ci. Mi pa khat hei tang ngawl tianin, ngalkhutin maw, natnakin maw, thi khawng tuk uh ci.

JEREMIAH 45:4

“Mahnaven Keimah, Topa in, ka saksa mite phelet khawngin, ka phut sate botleh khawng ing. Lei buppi hi mahtih bangin bawl tung.

EZEKIEL 21:19

“Mihing pa, Ezekiel aw, a ngalnam tuah Babilon kumpi i hun theihnak tuk lampi pa nih tuah tiamtehin hi. Mah lampi pa nih cu ngam pa khat pepan tuk hi. Lamkakah tiamtehnak khuam phutin hi.

EZEKIEL 23:36

Topa in, “Mihing pa, Ezekiel aw, Oholah le Oholibah humah thukhen tukin mansa toh cim? Ningdelhhuai nate a bawl haw hangin mawhsiatin hi.

EZEKIEL 32:18

“Mihing pa, Ezekiel aw,” Izipt mitei ca in mithi ngai in umin hi. Mithi khua ah miphun ngilzette tuah kuatin hi.

EZEKIEL 36:36

A suakca calam ngam elkim ten hi khua a tungding lehtu le ngamkhing sungah an a cing lehtu cu Topa keimah hi tih thei haw tuk hi. Mahti bangin bawl tung, tin thu a tiamtu cu Topa keimah hi ing a, bawlsuak tung,” ti hi.

EZEKIEL 43:3

Hi muhnak cu Jerusalem siatsuah tukin Pathian a hun laihin, ka muhmi le Khebar Ngunpi el a, ka muhmi bang leng hi. Mahten lei ah sepdun pokin bok ing.

HOSEA 6:5

Ka profet cu noh tei nelah thukhennak le siatsuahnak awnkam tuah hah ing. Noh tei lak pen ka deihmi cu cangcianzet hi.

AMOS 3:7

Cungnungbel Topa in, a nadektu profet tei lakah a tumtahmi phuang hihta ngawlin nadek awng ma hi.

AMOS 9:11

Topa in, “Inn cim bangin a cim sa, David ngam uknak ka tundin lehnak tuk ni cu heng awndiak toh hi. A pangte lemlehin, dingtikleh tung hi.

ZEKHARIAH 1:6

Ka nadektu profet mangin, na pu le pa tei lakah thukham le ngallinnak pia ing. Mahnaven imah a simsial haw ngawl hangin haksatnak tampi tawk haw hi. Siklehin, a humah bawl tukin ka ngaihsutmi cu amu nungcang hum tawnin dantatnak a tawh haw ten Cungnungbel Topa ka hihlam phawkleh haw hi.