JAMES 5:4 - Ngawm Bible

⁴ Na lo uh a nadektu tei lawhman pia ma uh ci. Mah hangin na an latu tei phuk lihnak le kamtamnak cu CungnungbelTopa Pathian in za zo hi.

JAMES 5:4 Iomraidhean Croise

PIANPATNAK 4:10

Topa in, “Itakaw hiti bang a lauhuai nate na bawl? Phuba la nuamin, a auli mi aw bangin, na naupa i thisanin, lei pen keimah sam li hi.

JOB Laibu (The Book of Job) 34:28

Amuh ten mi ca-ngah a siatsuah haw hangin huisa in kap haw; mi ca-ngah tei bop ngetnak aw cu Pathian in za hi.

JOB Laibu (The Book of Job) 7:2

Thingnuai nilim bebek a ngaitu sal i nunnak bang le a lawhman a ngak lelengtu umlawhpa bang hi.

SAAM LABU 9:12

Mi haksa tei thuaknak cu Pathian in thei hi, A taunak haw phawkngil awng ma hi; Mah hangin a bawlsiatu tei humah phuba la hi.

SUAHTULNAK 22:27

Itahim titale a silh tuk hi bek nei a hih haw hangin, iti bangin hihbu thei haw tuk kaw? Bopnak ngenin ka lakah kapin, a au haw ten, a aw haw za tung a, bawm tung; itahim titale kei cu mi hehpihtu ing.

SUAHTULNAK 3:9

Ka mitei aunak aw cu za tatak ing a, Izipt miten iti zahin nuainem haw hum tihvang mu ing.

ISAIAH 1:9

Cungnungbel Topa in, mi khenkhatte a khawih ngawl ahin, Sodom le Gomorrah khua bangin a siatsuahmi khuapi hi zo tuk toh hi.

ISAIAH 5:7

Israel cu Cungnungbel Topa i sabit huan hi; Judah mi cu a cinmi, sabit kung phazet haw hi. Phatnak bawl haw tukin um hi; mahnaven mi thatin, thisan luangtik haw hi. A dikmi bawl haw tuk tin um naven a phat ngawlnak a thuaktute kapin tau li haw hi.

ISAIAH 5:9

Cungnungbel Topa in, “Hi inn ngengpite le inn mawizette hi cuh khawngin, sia khawng tuk hi.

JEREMIAH 22:13

Dikcang ngawlnak tuah a inn a satu le, nawhthuh eihnak tuah a inn a kauhtu, Thaman piak ngawlin a ngam mihing na a dektiktu le thaman a pia ngawltu cu a lampi bing hi.

THIAMPI NADEHNAK 19:13

“Nangma metnak tuk hangin mi nauneh pahsun: midang thil sut pahsun. Midang i nilawh man cu zan khatno hei kem hih pahsun.

HABAKKUK 2:11

Kulhtian suangtum hei in, nangmah dodalin au haw tuk a, innsun vangin aupih bok haw tuk hi.

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.

MATTHAI 9:37

Mah hangin a nungzuitu tei lakah, “Ankung cop tuk tampi um naven a cawmtu tukmi dawmno haw hi.

LUKA 18:7

Pathian in bopnak ngenin, sun le zan au litu a mihing tei thukhen sak ngawlin um tuk maw ihim? Amuh bawm tukin a zuancum li tuk maw ihim?

ROM Khua Khristian Tei Lakah Paul i Laikuat (Paul’s Letter to the Romans) 9:29

A laih ngawl deuhin Isaiah lelengin, “Cungnungbel Topa in casuan khenkhatte khawih ngawlin a umta ahin Sodom le Gomorah bangin hi zo tuk toh hung hi,” tin, a tih bangkek khin hi.

DAAN PIAKLEHNAK 15:9

Leiba phiahmai kum a nai hangin bawm nuam ngawlin um hihim pahsuh un. Mahtibang ngaihsutnak pha ngawl cu na lungmu sungah tumtik hihim pahsuh un. Na bawm nuam uh ma tale Topa i lakah au in ngen tuk a, nangmu dehvo hi tuk hi.

KOLOSE 4:1

Tote aw, na sila uhte na zoh uhten a man le lamcamno in zo un hi. Nangmuh vang vancungah To nei bok uh ci tih khi phawkngil pahsuh un hi.