JAMES 5:16 - Ngawm Bible

¹⁶ Mah a hih hangin na sualnak uhte pa khat le pa khat phuangdun unna, thungen langkhat un. Mahten damnak ngah tuk uh ci. Midik tei thungetnak cu mual nei hi.

JAMES 5:16 Iomraidhean Croise

PIANPATNAK 19:29

Mahnaven Pathian in, phillawn a khuapi cu a siatsuah ten, Abraham cu phawkngil ngawlin Lot cu himdamno in luattik hi.

PIANPATNAK 20:17

Itahim titale Abraham zi Sarah hum a, thil mawi ngawl a bawl haw hangin, Topa in, Abimelek innsung a, um numei hempoh cu ca cawi thei tuk ngawlin bawl hi.

PIANPATNAK 20:7

Mahnaven atu-in, Sarah cu a pasal lakah hawhtikin hi. A pasal cu profet hi a, na thih ngawlnak tukin, thunget sak tuk hi. Mahnaven na kiktik ma tale nangmah le na innkua hawng uhin thi tatak tuk uh ci; ngallinnak atu-in pia ing,” ti hi.

PIANPATNAK 32:28

Mahpa in, “Atu pepan na min cu Jakob hi tukma toh hi. Pathian le mihing tuah tawngdunin, na neh hangin na min cu Israel tih hi tuk,” ti hi.

2 Samuel 19:19

“Maw kumpi pa, Jerusalem pen na tul ni a, ka bawl sual mite cing leleng zal pahsun. Ka hum a thinuknakin ngaisung phal toh pahsun hi.

1 KUMPI 13:6

kumpi Jeroboam in, “Hehpih inna, Topa na Pathian nelah ka khut damtikleh tukin thu ngetsak zalin hi,” tin profet pa cu ngen hi. Profet pa in Topa i lakah thungenin kumpipa i khut cu damleh hi.

2 KHANGSIALNAK 30:20

Topa in Hezekiah thungetnak cu theihsakin, a hum hawah haksatnak hengtik ngawlin ngaidam hi.

JOB Laibu (The Book of Job) 42:8

Job lakah khuicang salih le tuucang salih hunpih unna, nangmu ca in biakpiaknak bawl un. Job in nangmu ca in thungenin, a thungetnak cu ngai tung a, na sil uh zahin mualphotik tuk mang hi. Amah bangin ka thuman zetin hilh ma uh ci,” ti hi.

SAAM LABU 34:15

Topa in midikcangte cu zo leleng hi, a aunak aw vang ngai hi.

SUAHTULNAK 17:11

Moses in, a baan a dan toh sung hempoh cu Israel miten ngal neh pepel haw naven a baan a khiaksuk ten Amalek ten neh haw hi.

SUAHTULNAK 9:33

Moses in kumpi cu zamin, khuapi pualam pen Topa i lakah a baanphalhin thungen hi. Mah bek ten vanthum le ngialzu cu cawl hi. Nguah vang kam hi.

THUPAUCAP 15:29

Mipha thu a nget haw ten Topa in ngai hi, mahnaven mipha ngawl tei thungetnak cu ngai nuam ma hi.

THUPAUCAP 15:8

Mipha tei thunget ten Topa lungdam hi. Mahnaven mipha ngawl tei biakpiaknak cu ningdelh hi.

THUPAUCAP 28:9

Daan zui ngawl na hi tale na thu ngetnak cu Pathian thinuktiktu saw hi.

JEREMIAH 15:1

Topa in, ka lakah, “Moses le Samuel hei hilai ah dingin, a ngen li haw hei in, hi mihing tei lakah hehpihnak nei tuk mang hi. Tai haw hen; ka mitmuhnakah um haw ma hen.

JEREMIAH 33:3

“Sam inna, donleh tung. Na theih awng ngawlmi thasiahhuai na lamdang hilh tung hi.

JEREMIAH 42:2

amuh ten, “Ka nget uhmi hi bawlsak zal inna, Topa ka Pathian uh lakah keimuh thunget sak zalin hi. A nungmi ka venghawng uh ca thunget sakin hi. Mi tampi awng nave ung, atu-in, na muh bangin mi demno bek tang thong ung hi.

MIPUM SIALNAK 11:2

Mipi ten Moses lakah bopnak ngenin au haw hi. Moses in Topa i lakah thungenin mei cu mitleh hi.

MATTHAI 21:22

Na um ngangai uh tale thungetnak tuah na nget uhmi hempoh cu ngah tuk uh ci,” ti hi.

MATTHAI 3:6

A sualnak haw phuangin, Jordan ngunah tuiphum haw hi.

MARKA 1:5

Johan i thuhilhmi ngai tukin Judah ngam le Jerusalem khua sung a, mi hempoh cu hung haw hi. A sualnak haw siklehin, Jordan Ngunah tuiphum haw hi.

LUKA 9:6

Nungzuitute cu hawhin, khuano sungah zin pepel haw a, Lungdamnak Thuthangpha hilhin, khua hempoh ah tina damtik pepel haw hi.

JOHAN 9:31

Pathian in misual tei thu cu ngai kha ma hi. Mahnaven amah a upattu le ama deihnak a bawltu tei thu cu ngai hi, tih cu thei hung hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 19:18

Thu umtu tei sung pen mi tampi hungin mipi tei mai ah a bawl mekmi khi phuang haw hi.

NUNGZUITU 8:24

Mahten Simon in Peter le Johan lakah, “Hehpihnakin hi na ot uh mite hi ka humah a hen ngawlnak tukin Pathian nelah thungetsak zazal un hi,” tin ngen hi.

ROM Khua Khristian Tei Lakah Paul i Laikuat (Paul’s Letter to the Romans) 3:10

Lai Thiangtho in, “A dikcangmi kuamah umma hi, pa khatno hei umma hi.

ROM Khua Khristian Tei Lakah Paul i Laikuat (Paul’s Letter to the Romans) 5:19

Mi pa khat i thu ngaih ngawlnak hangin mi hempoh misualin cantik a hih bangin, mi pa khat i thu ngaihnak hangin mi hempoh cu Pathian tuah lemdun haw tuk hi.

KOLOSE 1:9

Hitih bangin na thu le la uh ka theihbek uhten nangmu ca thungen leleng ung. Pathian in ama deihnak theih theihnak tukin Hawvang i piakmi cihnak le theihtupnak tuah a dimtiknak tukin Pathian nelah ngen ung hi.

1 THESALON 5:17

thungen leleng un.

1 THESALON 5:23

Lemdaihnak a piatu Pathian amah in cangkim zetin thiangthotik henna, a Topa uh Jesuh Khrih a hunleh ten na hawvang, na lungmu uh le na taksa, na ihempoh uh mawhsiatnak nei ngawlin bawl tahen.

1 THESALON 5:25

U le nau, keimu ca vangin thunget sak un.

HEBRU 11:4

Abel cu Pathian a upnak hangin Pathian nelah a piakmi biakpiaknak cu Kain i biakpiaknak sangin pha saw hi. A upnak hangin Pathian in midikah cosang hi, itahim titale a laksawng cu Pathian a lungkim hi. Abel cu thi zo naven a upnakin mi lakah thu hilh li laih hi.

HEBRU 11:7

Noah in, a muh theih ngawlmi mailam a, a heng tukmi Pathian i ngallin piakmi a theitiktu cu a upnak hi. Pathian thu ngai in, timbaw bawl a, mah sungah amah le a innkua cu himdamno in suakca haw hi. Mah hangin leihum cu thukhennak tawkin Noah cu a upnak hangin Pathian lak pen dikcangnak co hi.

HEBRU 12:13

A lampi cam zui ngut unna, na ke uh bai vawk ngawlin damleh tuk hi.

HEBRU 13:18

Keimu ca in thungen leleng un hi. A dikmi khi bawl nuam leleng ka hih uh hangin sia le pha khencelnakah ka lungmu uh thiang hi.

JOSHUA 10:12

Pathian bopnak tuah Israel miten Amor mite a neh ni haw in, Israel tei zakin Joshua in Topa i lakah hi tin au hi; “Maw Ni aw, Gibeon humah dingin; Maw Hade aw, Aijalon kuam humah cawlin,” ti hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 JOHAN 3:22

Ama lak pen a nget uhmi hempoh ngah hung hi. Itahim titale a thupiakmi zui in, a deihmi a bawl uh hangin hi.

1 SAMUEL 1:12

Hannah cu Topa i lakah ngeizet thungenin, Eli in, a muk cu zo leleng hi.

1 SAMUEL 12:17

Tu hi khal hun hi. Thungen nang inna, Topa in vanthumtikin nguahzutik tuk hi. Mahmi na muh uhten Topa i lakah kumpi na nget uh hangin Pathian nelah sualnak ngengzet bawl uh ci, tih cu ciangno in thei tuk uh ci,” ti hi.

1 SAMUEL 12:18

Mah hangin Samuel in thungen a, mah ni loli in Pathian in vanthumtikin nguahzutik hi. Mi hempohin Topa le Samuel cu lauzet haw hi.