JAMES 5:11 - Ngawm Bible

¹¹ A thuak theih haw hangin mi lungdammi hi haw tuk tin ti hung hi. Job i thinsaunak cu thei zo uh ci. Pathian in, a dawlbel ten cangkim zetin pia tihvang thei hung hi. Itahim titale Pathian cu hehpihnak a neitu hi.

JAMES 5:11 Iomraidhean Croise

1 KHANGSIALNAK 21:13

David in Gad lakah, “Ka aicangzet ing! Mahnaven mihing khutsung hen tuk sangin Pathian khutsung heng nuam saw ing, itahim titale Topa cu hehpihnak neitu hi,” ti hi.

2 KHANGSIALNAK 30:9

Topa i lakah na kikleh uh tale na unaupih uhte pui in, thawng a khiatute vangin a hum hawah hehpihnak lungmu nei in, innah pin haw tuk hi. Topa na Pathian uh cu hehpihnak le lainatnak neitu a hih hangin Ama lakah na kikleh uh tale nohte cu cosangleh tuk hi,” tin ti haw hi.

NEHEMIAH 9:17

Na thu zui nuam ngawlin na bawlmi nate phawkngil khawng haw, Na lamdang na bawl mite cu cingleh haw ma toh. A uangthuannak haw tuah hotu teng haw hi, Izipt saltannakah kihpihleh tukin hi. Mahnaven nang cu mi ngaidamtu, thangaitu Pathian hi ci, Hehpihnak le itnak nei ci, thinsauzet ci. Na hehpihnak cu ngeng ngangai hi, nung hek tuk phal ma ci.

NEHEMIAH 9:31

Mahnaven na hehpihnak a ngeng hangin, lawlthong ngawlin le siatsuah khawng ma ci; Nang cu hehpihnak neitu Pathian hi ci!

JOB Laibu (The Book of Job) 1:1

Uz a tih haw ngamah mi pa khat na umin, a min cu Job hi. Job cu Pathian biatu le a muangzettu hi. Amah cu mi phazet hi in, na pha ngawl imah bawl nuam ma hi.

JOB Laibu (The Book of Job) 1:2

Capa salih le canu pa thum nei in,

JOB Laibu (The Book of Job) 2:10

Job in, “Numei sil bangin awn ci mei! Pathian in, na pha a piak ten a lung uh dam hi. Haksatnak a lak uhah a hen ten ita phu li tuk kam hung?” tin ti hi. Hiti bangin thuak naven Job in, Pathian humah awn sia kam khatno hei hah viang ma hi.

JOB Laibu (The Book of Job) 23:10

Pathian in ka ke kal khat tianin mu hi, A khingkhai ahi tale sui bangin ka thianthoh lam thei tuk hi.

SAAM LABU 103:13

Pa in, a cate cu, a hehpihzet bangin, mah bangin Topa in, amah a kihcatute cu hehpih hi.

SAAM LABU 103:8

Topa in hehpihnak le hehpihnak nei hi; A thinduai in itnak tuah dim hi.

SAAM LABU 116:5

Topa cu pha in, hehpihnak nei hi; A Pathian uh cu hehpihnak tuah dim hi.

SAAM LABU 119:132

Nangmah a ittute na hehpih bangin; Ka lam hek inna, hehpih zalin hi.

SAAM LABU 145:8

Topa cu mi ittu le mi hehpihtu hi; A thinsau zetin, itnak tuah dim hi.

SAAM LABU 37:37

Mipha cu zo hem un, midikcang cu zo cian hem un, mi taituang ten canau tampi nei haw hi.

SAAM LABU 51:1

Maw Pathian aw, a khomi na ihnak hangin, Kei hu hehpih zalin, Na hehpihnak a ngeng hangin Ka sualnakte thiangtik zalin hi.

SAAM LABU 78:38

Mahnaven Pathian cu a mihingte hehpihzet hi. A sualnak haw ngaidamin, siatsuah ma hi. Vei tampi thinuknakte supin, pholhsuah zezen ma hi.

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

SAAM LABU 94:12

Maw Topa aw, nangmah hilhhawl a cotu le nangma thukham zilh a cotute cu mi muicu hi haw hi.

SUAHTULNAK 34:6

Topa cu Moses i maiah hawh vawkin, “Pathian Topa cu lainatnak le hehpihnak tuah a dimmi Pathian ing. Ka thinsau in, muantakmi le itnak a nei lelengtu ing.

THUHILHTU 7:8

Thu pa kha khat a pattung sangin, a tawplam pha saw hi. Ultungzet i um sangin, lungduai pha saw hi.

ISAIAH 63:7

A pelh awng ngawlmi Topa i itnak thu son tung hi; Eimu ca a dehnak hangin amah cu thangphat ing. A hehpihnak le a thek awng ngawlmi a itnak i hangin Israel mite cu cangkim zetin thupha pia hi.

ISAIAH 63:9

Amuh pantu cu vancungmite kha ma hi. Topa amah loli hi. A itnak le a lainatnak hangin pan suak hi. A bosa mi hunah amah in cingkhawi leleng naven,

KAH LA 3:22

A kho mi Topa i itnak cu itik hei ten cat awng ma hi; A hehpihnak cu tawp ni nei ma hi.

DANIEL 9:9

Na humah langpang phun ka hi uh hei in, kohte cu ngaidamin hehpih ci.

JOEL 2:13

Na thasiatnak uh cu na lungmu tak loli tuah langtik unna, na puansilh uhte balkeknak bekin tawk ma laih,” ti hi. Topa na Pathian nelah kikleh un. Amah cu hehpihnak le itnak neitu hi; thinsau in, a kho mi itnak tuah dim hi; dantat tuk a ngaihsutsa vang supleh thei hi.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

MIKAH 7:18

Topa aw, nangmah bang Pathian kuamah umma hi. A tang calam na mihingte cu a sualnak haw ngaidam ci. Kumkhua in, na thinuk ma ci; a khomi na itnak cu amu humah hengtik leleng ci.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

LUKA 1:50

Khang khat nung khang khat, amah a upatin maizahtu tei humah; a hehpih itnak langtik hi.

LUKA 11:10

Itahim titale a ngentu hempoh ten ngah haw tuk hi. A zeitu hempoh ten mu haw tuk a, a kingtu hempoh cu honsakin um tuk hi.

LUKA 6:36

Na pa uh cu mi hehpih thiam a hih hangin nohte vang mi hehpih na thiamta un,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

EFESA 1:6

Pathian cu a sunglawimi a hehpihnak le a itmi a Capa i sung pen laksawng a piaknak i hangin thangphat hi tahen.

EFESA 2:4

Mahnaven Pathian i ohte a hehpihnak cu cangkim ngangai in, a itnak vang cu a ngeng leita hangin,

HEBRU 10:39

Ohte cu nungkikin, a pha thongmi hi ma hung hi. Upnak nei in, nunpatnak a cotu saw hung hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 3:14

Thilpha na bawlnak hangin haksatnak na tawk ahi tale itizah takin mi lungdam hi tuk cim? Mah hangin i mamah lau pahsun na, na lungkham pahsun hi.

2 PETER 2:9

Mahten Topa cu amah a kihcatu tei haksat a thuak haw ten panin mipha ngawlte cu Thukhennak Ni tian bawlsiatnak thuaktik tukin koih hih hi.