JAMES 4:6 - Ngawm Bible

⁶ Mahnaven Pathian i piakmi hehpihnak cu mah sangin ngil saw hi. Hi lai thiangtho i tihnak bangbokin, “Pathian in mi pualthaute do in lungnem mite hehpih hi.”

JAMES 4:6 Iomraidhean Croise

2 KHANGSIALNAK 32:26

Hezekiah le Jerusalem mite cu a lungmu haw a nemleh hangin Hezekiah i nunsung cu Topa i bawlsiatnak tawk haw ma hi.

2 KHANGSIALNAK 33:12

vancaukapin, a um hangin a lungmu kiam lehin, Topa Pathian nelah hekkik lehin, Topa i bopnak ngen hi.

2 KHANGSIALNAK 33:19

Kumpi Manasseh i thungetnak le Pathian i sannak, sualnak le phatngawlnak a bawl mite, dawi biaknak le Asherah dawinu zuk a bawl mite le milim a biaknak thute cu cangkimno in, Profet Tei Tangthu Laibu sungah ngan haw hi.

2 KHANGSIALNAK 33:23

Mahnaven a pa bang hi ma hi, a lungnem ngawlin Topa i lamah vang hekkikleh ma hi, a pa sangin a sualnak cuang deuh hi.

2 KHANGSIALNAK 34:27

Jerusalem ka mihingte ka bawlsiat tuk thu na zak ten na puan botkekin, kap le sikkikin, na lungmu a nem hangin na thungetnak za zo ing.

JOB Laibu (The Book of Job) 22:29

Pathian in mi pualthaute khesukin, mi nuai a umte pan hi.

SAAM LABU 138:6

Topa cu a sangbelah um naven, mi nauta tei ca ngaisung hi; A mitmuh pen mi pualthaute cu ngelh thei haw ma hi.

SAAM LABU 9:12

Mi haksa tei thuaknak cu Pathian in thei hi, A taunak haw phawkngil awng ma hi; Mah hangin a bawlsiatu tei humah phuba la hi.

SUAHTULNAK 18:11

Atu-in Topa cu pathian dang hempoh sangin ngeng saw tih thei ing; itahim titale hi hempoh hi, Izipt ten Israel tei humah huatnak tuah na a deh haw laihin bawl,” ti hi.

THUPAUCAP 15:33

Topa kihcaknak cu cih cunnak hi. Upatnak na co theihnak tukin niamkhiat masa in hi.

THUPAUCAP 18:12

Akua hei hihen niamkhiatnak a neih laih ngawl sung zong cu maison upat piak hi tukma hi, mi uangkhote cu siatnak lampi ah um haw hi.

THUPAUCAP 22:4

Niamkhiatin Topa kihca inna, hauhnak, upatnak le nunsaunak ngah tuk ci.

THUPAUCAP 29:23

Pualthaunak le uangkho dunnakin siatnakah na hengtik thei hi. Mahnaven niamkhiatnakno tuah na um tale mitei upatnak co tuk ci.

THUPAUCAP 3:34

Mi imah simsial ngawltute cu imah simsial bokma, mi niamkhiattu tei humah a ihnak langtik hi.

ISAIAH 2:17

Mihing tei uangthuannak le pualthaunak hempoh botik khawng tuk hi. Mah ni ten Topa bek cu a sangbelin, cawimawi hi tuk hi.

ISAIAH 54:7

“Hun dawmno sung khen hih ing. Nangmah ka ihnak a thuk leita hangin sam kikleh tung.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

DANIEL 4:37

“Atu-in, keimah Nebuchadnezzar in vancung kumpi upat, pahcawi in, sunloih ing. A bawlmi hempoh cu a manmi le a dikmi hi, pualthauzet nadektu cu khiaksuk hi,” tin kumpi in ti hi.

MATTHAI 13:12

Itahim titale a neisa tei humah a valin piak belh hi tuk naven a nei ngawlmi tei lak pen a neihcalamno hei laksak hi tuk laih hi.

MATTHAI 23:12

Kua hei hihen amah le mah thupi sa duncop mite cu nuainep co tuk hi, mah le mah a niamkhiat mite cu khaisan co haw tuk hi.

LUKA 1:52

Kumpi thawmnei dedeuh khi, a kumpi khunnak haw pen khesukin, mi nautate khi dangto hi.

LUKA 14:11

Itahim titale mah le mah a uangkho duncoptu cu mi nauta cangtik tuk hi. Lungmu niamkhiattu cu maison comi upa in cangtik tuk,” ti hi.

LUKA 18:14

Ciang zetin hilh ing. Farasi pa hi ngawlin, siahkhontu pa saw khi innah a pin haw ten sual ngaihthiamin um hi. Itahim titale akua hei hihen mah le mah a ultung duntu cu nuainepin um tuk hi. Mahnaven amah le mah a niamkhiat mite cu pahcawi in um tuk,” ti hi.

JAMES 4:10

Topa i mai ah niamkhiatdun unna, amah in khaisang saw tuk hi.

1 PETER 5:5

Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.

1 SAMUEL 2:3

Ngal zetin, na tuangkhawnnak uhte cawl toh un; Pualthau zetmi na awnkam uhte cawl toh un. Itahim titale Topa cu ihempoh a theitu Pathian hi. Mihing tei bawlmi hempoh humah thukhentu hi.