JAMES 4:16 - Ngawm Bible

¹⁶ Mahnaven a tubang ahi tale pualthau le ngalin ultungzet uh ci, mahtih bang ultunnak cu a pha ngawlmi hi.

JAMES 4:16 Iomraidhean Croise

SAAM LABU 52:1

Maw mi ngilpa, itakaw na ngitlohnakte, na ultun pih lih? Pathian muantak a hihnak cu kho leleng hi.

SAAM LABU 52:7

“Himnak deihin Pathian muang ngawlin ama letnak saw a muangtu zo un. Phatngawlnak tuah lungmuannak a zeitu pa hi,” tin ti haw tuk hi.

THUPAUCAP 25:14

Thil pia tung tin thu tiam khawngta in, a pia nuam ngawltu cu nguahtui pai ngawl meinim le huih bang hi.

THUPAUCAP 27:1

Zingten ca in tuangkhawng pahsun, mah ni khua in, i suahpih tuk him tih thei kha ma ci.

ISAIAH 47:10

Na siatvatnak sung pen ultung zetin um ci. ‘Kuamah in mu haw ma poh,’ ti ci. Na cihnak le na theihnakin lampialtik hi; Nangmah le nangmah cu ‘Pathian ing hi, Keimah bang mihing kuamah um haw ma,’ ti ci.

1 KORIN 5:6

Mi tuangkhawng na hih uh hi pha hihim ma hi. Tehkipnakah, “Naman demno in, cangho lom venghawng thotik hi,” tih thei awng si uh ci.

JAMES 3:14

Mahnaven nangmu lungmu sungah iksiknak, mihuatnak le mai matan ca ngaihsutnak bek a dim tale cip ing tin, ultung pahsuh un, thutak humah sualnak a bawl limi hi saw uh ci.

1 JOHAN 2:16

Leihum i na hempoh sualnak tisa i deihmi mihing tei muhmi le deihmi na, mihing tei ultung tuangkhawnnak hempoh hi pa khatno hei Pa i lak pen a hungmi kha ma hi. A venghawng haw in, lei pen a hungmi ngeh hi.

MANGMUHNAK 18:7

Sunloihnak le nunnopnak amahno a piakdun cop zahin natnak le khaw-ngaihnak pia un. Itahim titale a lungmu sungno in, ‘Hilai ah khung ing, kumpinu hi ing, meivong kha mang, khaw-ngaihnak tawk awng tuk mang,’ tin ti hi.