JAMES 4:14 - Ngawm Bible

¹⁴ Na nunnak uh cu zingten i cang tuk him tih thei ma uh ci. Na nunnak uh cu hun comno sungah zaamin, a thaamleh theimi meingo bang hi.

JAMES 4:14 Iomraidhean Croise

2 Samuel 19:34

Mahnaven Barzillai in, “Ngeipi nung tukma toh ing. Ita Jerusalem ah zui li tuk ing him?

SAAM LABU 102:3

Ka nunnak cu meikhu bangin pai hi; Ka taksa cu meikang bangin kang hi.

SAAM LABU 144:4

Mihing cu haihawh thongpoh hi. A nunsung cu a pai lelem thei lim bang hi.

SAAM LABU 39:5

Ka nunnak hi khap khat bek thong hi. Na mai ah ka ngamtat hi imah son tham ma hi. Mihing nunnak cu a haihawh uhmi huih bek hi.

SAAM LABU 78:39

A mihingte cu mi thawthong hi haw a, huih bang theu in, a thamleh thongmi bang haw hi, tih cu cing leleng hi.

SAAM LABU 89:47

Maw Topa mihing nunnak a comdan hi phawkngil pahsun. Mi hempoh thi tukin na bawl hi phawk ngil pahsun.

THUPAUCAP 27:1

Zingten ca in tuangkhawng pahsun, mah ni khua in, i suahpih tuk him tih thei kha ma ci.

ISAIAH 2:22

Mihing muang toh pahsuh un. Muantak tukin i um kaw?

ISAIAH 38:12

Ka khanphat laih takin Mithi khua hengbel tung tin, Tekkun tian nung tuk ngawlin ngaisung ing.

JAMES 1:10

Mahten a hausa zo Khristian unau khi mi ca-ngahin, a umleh tale a lungdam leleng hen. Itahim titale mihaute cu hampa lak a, pak bangin thiim haw tuk hi.

1 PETER 1:24

Lai Thiangtho in, a tih bangin, “Mi hempoh hi hampa bang thong hi. A sunloihnak haw vang hampa lak a, pak bang thong hi. Hampate cu ko a, paakte cu thiimin, zuk haw hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 JOHAN 2:17

Leipi le a sung ummi na le mihing tei a deih tutun haw mite thamthong pepel zo hi. Mahnaven Pathian deihnak a bawltu cu kumkhua nung tuk hi.