JAMES 4:12 - Ngawm Bible

¹² Daan a piatu le Daan i humah thu a khen theitu cu Pathian pa khat bek hi. Amah bek hi mi nunpan theitu le siatsuah theitu hi. Na mihing pihte mawhsiatin, a thukhentu tukin na bawldun ten, kei akua hing ngim tin ngaisungdun nge cim?

JAMES 4:12 Iomraidhean Croise

JOB Laibu (The Book of Job) 38:2

Ka cihnak thu a el lawlok litu cu akua nge cim? Theihnak nei ngawl pi in awn menmun li bok sisi!

ISAIAH 33:22

Tinbaw hum a tinbaw hawhtiktu na hempoh cu imah nemcuam haw ma, tinbaw puan hei phalh thei haw ma. A ngalkap tei van hempoh cu lonsak khawng hi tuk hi. Mah van cu tam zetin, kebaite hei in co ngah thei haw tuk hi. Topa amah cu eimu kumpi hi tuk hi. Amah in uk tuk a, humhim tuk hi.

MATTHAI 10:28

Taksa pumpi that thei in, hawvang a that thei ngawltu cu lau pahsuh un. Taksa pumpi le hawvang a pa nihin hell sungah a that theitu Pathian lau saw un hi.

LUKA 12:5

Akua saw lau tuk him tih hilh tung hi. A thah celh ten Hell khuk sung a, khiak theihnak thuneitu Pathian khi lau saw un. Ka hilhmi hi sang unna, amah hi na lau tuk uhmi hi.

ROM Khua Khristian Tei Lakah Paul i Laikuat (Paul’s Letter to the Romans) 14:13

Mah hangin pa khat le pa khat sonsiat dunnakte cawl toh nung. Mah sangin sualnakah a lupbah tuk ngawlin ngaisung saw un hi.

ROM Khua Khristian Tei Lakah Paul i Laikuat (Paul’s Letter to the Romans) 14:4

Mi pa khat i umlawh thu ah i hangin kaw thukhentu na nadeh nuam lih uh? A umlawh cu lawhting maw tingsam kaw tih cu a Topa i thubek hi. Mahnaven a lawhtingmi hi tuk, itahim titale Topa in lawhtingin bawl thei hi.

ROM Khua Khristian Tei Lakah Paul i Laikuat (Paul’s Letter to the Romans) 2:1

Midang tei humah thu a khentu, ka ngual aw, na sualnak cu sel thei tukma ci. Midang tei thu na khen uhten a muhte bang lengin ngamta na hih uh hangin nangmah le nangmah misual ing hi tin thu khen cop zo ci.

ROM Khua Khristian Tei Lakah Paul i Laikuat (Paul’s Letter to the Romans) 9:20

Mahnaven, ngualcam pa, mahtin Pathian a nial ngamtu akua uh cim? Beel in beel bawlpa i lakah, “Itakaw kei hi tin na bawl?” tin dong awng maw?

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

JAMES 5:9

U le naute, pa khat le pa khat mawhsiatdun pahsuh unna, Pathian in mawhsiat bok tukma hi. Thukhentu heng awndiak toh hangin ngallingin um un hi.

1 SAMUEL 25:10

Nabal in, “David ti uh cim? David cu akua kaw? Jesse capa cu akua him? Ka theih awngmi hi ma si. Atu khan cu ka ngam uhahin, a taivai sal tampi um haw hi.