JAMES 4:11 - Ngawm Bible

¹¹ U le naute aw, nohte pa khat le pa khat sonsiadun pahsuh un. Khristian unau dang a sonsiatu le a mawhsiattu cu Daan a sonsiatu le a vawktu hi. Daan na sonsia uh tale Daan zuitu hileh ngawltohin, a mawhsiattu hi saw uh ci.

JAMES 4:11 Iomraidhean Croise

SAAM LABU 140:11

A dik ngawlin midang sual a nawntute cu lawhting haw ma hen! Thisan suah a nuamtute cu phat ngawlnakin manin, siatsuah zal hen!

LUKA 6:37

“Midang tei humah thukhen pahsun na, Pathian in, na humah na thu khen bok tukma hi. Mi sonsia pahsun na, Pathian in sonsia bok tukma hi. Mi ngaidam inna, Pathian in nangmah ngaidam bok tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:1

Midang tei humah thu a khentu, ka ngual aw, na sualnak cu sel thei tukma ci. Midang tei thu na khen uhten a muhte bang lengin ngamta na hih uh hangin nangmah le nangmah misual ing hi tin thu khen cop zo ci.

ROM Khua Khristian Tei Lakah Paul i Laikuat (Paul’s Letter to the Romans) 2:13

Pathian mai pen midik hihnak cu Daan sung umtu tei ca in beng i zak bek hi ngawlin; Daan zuinakin hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 7:7

Mahti bang ahi tale itin ti kam nung? Daan hihim hi sualnak hi, tituk hung maw? Ti hihim tukma! Mahnaven sualnak cu sualnak hi tin, a theitiktu cu Daan hi. Daan in, “Midang tei thil hawza pahsun,” a ti ma tale, midang tei thil hawzak cu i him tih thei tukma hung hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 12:20

Mahnaven nangmu lak ka hen ten mahti bang um haw le pha tin ka thuduhsammi bangin na hileh uh ma pang ahin tih hi lau em ing a, keimah vang mah tin hileh tin na deih sak uhmi ka hileh ma ahin tihvang cu lauzet bok ing. Nangmu lakah hauhdunnak, iksiknak, thincomnak, mai matan bek ngaihsutnak, zotsaknak le sonsiat dunnak, pualthaunak le buai cecunakte tawk kha kawn ing, tih hi lauzet ing.

EFESA 4:31

Lungmu sungin mihuatnak le ngaldunnak, tisa nopnak le thinuknakte khi botik un hi. Pa khat le pa khat hauhdunnak, zotsaknak le huatnak lungmu neuno hei nei toh pahsuh un.

1 TIMOTE 3:11

A zite haw vang ziaza pha mi hi tuk a, mi sonsia in kamtam mi hi haw pahsuh hen, zu a in ngawlmi hi haw tuk a, ihempoh ah mi ngeikhei zetmi hi haw hen.

2 TIMOTE 3:3

Mi hehpih thei haw tukma hi. Hehpih ningnatnak tih hei thei haw tukma hi. Mivat le deng nuamte haw tuk a, mi lauhuaizet hi haw tuk a, thilpha hua haw tuk hi.

TITUS 2:3

Mahtibang kek bokin numei upa deuhte khi numei hihnak danno tuah nun thiangtho nei tukin zilhin hi. Mi sonsia tuk ngawlin le zu i salah um tuk ngawlin, a phami zilhin hi.

JAMES 1:16

Ka ihmi u le naute aw, zol sang pahsuh un.

JAMES 1:19

Ka ihmi u le naute aw, hi thu hi cing leleng un. A kuakua hei hihen, thu theih nuamnak lamah a zuan ngangmi hi unna, ot tuk le thinuknak lamah zuancum mi hi un.

JAMES 1:25

Mahnaven mi a luattiktu a cangkimmi daan khi tihtak zetin, a ngaisung lelengtu cu a ngai thawthongtu le a phawkngiltu hi ngawlin a bawl suaktu hi. Mahtin a bawlsuak hangin Pathian in thupha pia tuk hi.

JAMES 2:8

Lai Thiangtho sungah na inn nelte cu nangmah na ih bang bokin it in, tihmi Pathian Uknak i daan cu na zui thei tale, a manmi bawl ci.

JAMES 5:10

U le naute aw, Pathian minin, a awntu profette khi phawk leleng un. Haksatnak humah thinsau zetin, a thuak theitu a hih haw hangin amuhte khi na zohteh tuk uhmi hi.

JAMES 5:7

U le naute aw, a Topa uh a hunleh laklawh thinsau zetin um un, lobung pa khi ngaisung teh un, a lo pen a sunglawi mi an a suah laihngawl sung zong thinsau zetin ngak hi. Khuapi nguah le cuk nguah heng tuk hi, tin thinsau zetin ngak hi.

JAMES 5:9

U le naute, pa khat le pa khat mawhsiatdun pahsuh unna, Pathian in mawhsiat bok tukma hi. Thukhentu heng awndiak toh hangin ngallingin um un hi.

1 PETER 2:1

Mah hangin phat ngawlnak hempoh vawk khawng toh un; zolthu sonleh toh pahsuh un; ultungleh toh pahsuh un; mi iksikleh toh pahsuh un, nautatnak awnkamte mangleh toh pahsuh un;