JAMES 3:5 - Ngawm Bible

⁵ Kam sung a, lei vang mahtibang bokin neuno naven thu ngengpite suaktik thei hi. Thing le hampate iti bang takin ngam zalzet ahi vangin meithem neuno in, a kangtik khawng theih khi ngaisungta un. Mahten lei cu meithem tuah bangve hi.

JAMES 3:5 Iomraidhean Croise

JOB Laibu (The Book of Job) 22:17

Hite cu Pathian a eltu le, ka hum uhah imah bawl thei tukma tin a ngaisungtute hi.

SAAM LABU 10:3

Mipha ngawl ten a ngaihsutnak pha ngawl khi ultun pihzet haw hi. Mi hampumin Topa cu tamin lawl hi.

SAAM LABU 17:10

Hehpihnak imah nei haw ma, pualthau zetin awn haw hi.

SAAM LABU 39:1

Ka lungmu sungno in, “Ka thil bawlmi ah ngalling tung; ka lei in sualtik pahsuh hen. Ka ngalte ka elah a um sung haw cu imah awn tuk mang,” tin ti ing.

SUAHTULNAK 15:9

Ka ngal uhten, “Hil tuk ung a, pha tuk poh ung; A na manpha le a thil hempoh khenkhek khawng tung a, A lak haw pen ka deih hempoh, ka deih zazahin la tung; Ka ngalnam dawk nang inna, a ci haw mongtik khawng tung,” ti haw hi.

SUAHTULNAK 5:2

“Na Topa cu akua kaw?” tin kumpi in ti hi. “Ita Topa i thu ngai in, Israel cu ka hawhtik tuk? Topa cu ka theihmi hei hi kha ma si; Israel cu tultik tuk mang,” ti hi.

THUPAUCAP 12:18

Ngaihsutnak nei ngawl awnkam cu naam bangin thuk zetin maliamtik hi. Mahnaven micip tei awnkamin maliam damtik hi.

THUPAUCAP 15:2

Micip tei lei in cihnak pungtikin misil tei kam pen a silnak haw suak tul hi.

THUPAUCAP 18:21

Na awnkamin, na nunnak a hup theih bangin siatsuah thei hi. Mahnaven na awnkam hangin a hengmi hempoh na thuak theih kul hi.

THUPAUCAP 26:20

Thing a umma tale mei na mit hi, a kuhno in mi sonsia thei a umma tale hauhdunnak na dai hi.

JEREMIAH 18:18

Mahten mipi ten, “Jeremiah hi itih bangin kaw a suam theih tuk uh! Eimuh zilhtu tuk thiampi dang, thudot tuak tuk micip le Pathian i thu phuangtu tukin profet a dangte um leleng haw tuk poh. Mah hangin a humah thu zei nung inna, a thu ngaileh tuk mang tin ti haw ti.”

EZEKIEL 28:2

“Mihing pa, Ezekiel aw, Taiar uktu bawi lakah Cungnungbel Topa keima otmi hi hilhin: Uangthuang zetin pathian ing ti ci. Pathian ing a, kumpi khunnak humah khungin tuipi in kil khawng, pathian hi toh ing, ti ci. Nangmah le nangmah cu pathian bangin ngaisung duncop tuk navecin pathian kha ma ci, mihing hi ci.

EZEKIEL 29:3

Izipt kumpi lakah, Cungnungbel Topa i otmi cu hi bangin hi: Nang tuisung a bokmi a lauhuai tuisaltam, kei hi na ngal ing. Nail ngunpi cu kata hi, keima bawl ti ci.

DANIEL 3:15

Atu-in pengkul, pheveu, lemlawi, tingtang le a nging theimi hempoh tum haw tuk a, mah na theihbek uhten na lu uh kunin milim hi bia tuk uh ci. Na bia nuam uh ma tale manlang zetin mei alh sungah vawk hi tuk uh ci. Nangmuh a hum theitu tuk pathian um hi tin um uh cim?” tin ti hi.

DANIEL 4:30

“Zo un, Babilon a thawmngeng dan hi! Ka khuapi ah bawlin ka huham le ka ngilnak, ka sunloihnak le ka thawm ngengnak langtik tukin bawl ing,” ti hi.

JAMES 3:4

Ahimata tinbaw khi ngaisung unna, ngengpi naven, a hum a, huihtheu pi in hawhtik hi; mahnaven a hottu ngangai cu timbaw hotnak neuno poh hi. Mahmi in hawl kawkawi a, timbaw mawngtu in, a deihnakah hawhtik hi.

2 PETER 2:18

Pualthaunak le awn pha ngawlte awnin, nungcang sual sung pen a suak ca semmi sualnak thangah awkleh tukin a tisa nopnak khi mang haw hi.

JUDE 1:16

Himi ten phuciak lelengin, catngawl midang sonsia haw hi; a pha ngawlmi a tisa deihnak zui in, amuh le muh khaisangdunin, amu thuno in, ihempoh a bawl theihnak haw tukin midangte pahcawi li haw hi.