JAMES 3:1 - Ngawm Bible

¹ U le naute aw, zilhtu dek nuamtu tam leita pahsuh un. Itahim titale na theih uh bangin, kohtei zilhtute hi midang sangin nase saw deuhin thukhennak tawk tuk ung hi.

JAMES 3:1 Iomraidhean Croise

THIAMPI NADEHNAK 10:3

Moses in Aaron nelah, Topa in, “Ka nadektu hempohin ka thianthohnak upat haw hen; ka hinnam tei nelah ka huham langtik tung hi; a tih ten a son nuammi cu hihi,” ti hi. Mahnaven Aaron cu imah awn ma hi.

MALAKHI 2:12

Hitibang a bawltute cu Topa in, Israel miphun sung pen lawl henna, a miphun uhin, Ihempoh tithei Topa nelah biakpiaknak a piaknak hei ah ituk mah hei ten tel kha sawnsiah haw ma hen.

MATTHAI 10:24

“A zilhtu sangin a thiam saw tawngta naupang kua mah umma hi. A bawipa sangin a ngeng saw mi sila kua mah umma hi.

MATTHAI 23:13

“Daan zilhtu le Farasi mite! noh ca in lauhuaizet hi. Noh mi ultung theite, vancung Uknak kongka cu mitei tum theih tuk ngawlin khakin nohte tale tum nuam sih ngawl; midang a tum nuam tei ca in, hon nuam ma uh ci.

MATTHAI 23:14

Daan zilhtute le Farasi mite! thusia cote uh ci. Noh mi ultung theite! Meivongte khi meivong a hih haw hangin zawnsakin, a inn haw tian sut uh ci; mahten mipi muhin ngeizet thungen uh ci. Hitih bangin na hih uh tak bawlsiatnak nasezet thuak tuk uh ci.

MATTHAI 9:11

Farasi khenkhat ten mahmi cu amuh haw ten a nungzuitu tei lakah, “Na Sazapa uhin itakaw hitih bang misualte tuah an a eih langkhat haw?” tin dong haw hi.

LUKA 16:2

Mah hangin a lakah samin, ‘Na thu ka zakmi hi iti bang him? Ka tangka na kepnak cazin kimno in pia in hi. Itahim titale ka tangka kemtu hi theileh tukma toh ci,’ tin ti hi.

LUKA 6:37

“Midang tei humah thukhen pahsun na, Pathian in, na humah na thu khen bok tukma hi. Mi sonsia pahsun na, Pathian in sonsia bok tukma hi. Mi ngaidam inna, Pathian in nangmah ngaidam bok tuk hi.

JOHAN 3:10

Jesuh in, “Nang cu Israel mi lak pen zilhtu pa khat hi sisi, ahi hei thei zo ma cim?

NUNGZUITU 13:1

Antiok khua pawlpi sungah profet le zilhtu khenkhat um haw hi. Amuh cu Barnabas, Simeon ahimata mihaang tih hei sam haw, Sairin khua mi, Ngamuktu Herod tuah a khangcuntu Lusias, Manean le Saul haw hi.

1 KORIN 12:28

Mah hangin Pathian in pawlpi sungah mihingte cu eimu hihnak zawn tenah koih hi. Masabelin tiikmi koih hi. A pa nihnakah profet, a pa thumnakah zilhtute, mahten thasiahhuai nalamdang bawltute, mahten damtik theihnak a piakmite, ahimata midang bop theihnak a piakmite, ahimata mipui thiamnak a piakmite, ahimata theih ngawl awn ot theihnak a piakmite haw hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

EFESA 4:11

“Mihing tei lakah laksawng a piatu,” hei cu amah hi. Laksawng a piakmi a khenkhat cu tiikmite, khenkhat cu profette, khenkhat cu Thuthangpha phuangtute, a khente cu pastor le zilhtu haw hi.

1 TIMOTE 1:7

A son haw mi thu nangawn i sullam hei thei haw ma hi. Mah hi lak pen Pathian i daan thu le la ah zilhtu dek nuam haw lai hi.

1 TIMOTE 2:7

Mah hangin hi upnak thu le thutak phuangtu tukin Gentail mitei lakah zilhtu le kamtai tukin a hahmi hi. Zolthu son mang, thutak son ing.

2 TIMOTE 1:11

Pathian in Thuthangpha phuang tukin kamtai le zilhtu ah teng zo hi.

HEBRU 13:17

Nangmuh lamhuaitu tei thu ngai unna, a thupiaknak haw bangin zui un. A nadeh dan haw cu Pathian mai pen phuangleh khawng tuk a hih tak cawlngawlin, a cinkhawinak haw hi. A thu haw na ngai uh tale lungdam thatui in, a nadek haw tuk hi; a thu na ngai uh ma tale thasiatnak tuah dek haw tuk a, mahmi cu noh tei ca nemcuamnak um hihim tukma hi.

JAMES 1:16

Ka ihmi u le naute aw, zol sang pahsuh un.

JAMES 1:19

Ka ihmi u le naute aw, hi thu hi cing leleng un. A kuakua hei hihen, thu theih nuamnak lamah a zuan ngangmi hi unna, ot tuk le thinuknak lamah zuancum mi hi un.

JAMES 3:10

Thangphatnak awnkam le tamsiatnak awnkam cu kam pa khat sung pen tul hi. U le naute aw, hitih bang tukmi kha ma hi.

1 PETER 5:3

Nangmu cinkhawi tukin a koihmi tuuhon cu a ukin, uk saw ngawlin amu zohtehtak tukin nung saw un hi.