Ka tenmi ka mihing ten na min uh cu awn sia hahnakin mang haw tuk hi. Topa keimah loli in thitik tung. Mahnaven ka thu a zuitute cu min thak pia tung hi.
Kumpi a deh ten Judah mite cu himdamzetno in um haw tuk a, Israel mite cu lungmuangzet le lemdaihnak tuah um haw tuk hi. ‘Topa cu Eimu Nunpantu tih hi tuk hi.’
“Khanglai himin ca pai tuk a, capa hing tuk hi, a min cu Immanuel tin sam haw tuk hi,” tin a hilhsami a kimnak tukin hi bangin a piangmi hi. Immanuel tihmi cu, “Pathian eimu lakah um,” tihnak hi.
Saul amuh ten Antiok ah hawhpihin, kum khat sung a pa nih haw in, pawlpi mihingte khi pumkhawm pihin mi tampi zilh haw hi. Thu umtute cu Antiok khua ah, “Khristian” tin a masabel sam haw hi.
Vei tampi cu Pumkhawm inn loli pen bawlsia tikin, a upnak haw tawpsan hawleh tin ka zuam theihzahin zuam ing. A hum hawah ka thinuk leita hangin amuh bawlsia tukin ngamdang khua tianin heng awng ing.
ama nadektu tukin tengin, a nadektu tukin tak hi tin, a ngaihsut hangin thangphat ing. Pathian cu kei hehpihtu hi, itahim titale upnak imah nei mang, ka bawlmi ihim tih hei thei mang hi.
Khristian na hihnak uh hangin na thuak uh tale zakca viang pahsuh un. Khrih i minpuatu na hih uh hangin, na thuaknak uh cu Pathian nelah lungdam saw un.
