JAMES 2:25 - Ngawm Bible

²⁵ Numei pha ngawl Rahab thu ah vangin mahtibang lelengin hi. Israel mi vilvengtute khi komzetno in, a zoh ceng ten lampi dang a, taivawknak tukin bawm hi: mahtibang a dehnakin Pathian tuah lemdunnak co hi.

JAMES 2:25 Iomraidhean Croise

MATTHAI 1:5

Salmon i ca Boaz (a nu cu Rahab hi), Boaz i ca Obed (a nu Ruth hi), Obed i ca cu Jesse hi. Jesse i ca cu David Kumpipa hi.

MATTHAI 21:31

Hi capa pa nih tei lak pen akua saw in kaw a pa i deihnak a bawltu?” tin dong hi. Amuh ten, “A capa upa saw,” tin don haw hi. Jesuh in, “Thungai in hilh ing: siahkhontu le numei pha ngawlte hi nangmu laih ngawlin Pathian Uknak sungah tum haw tuk hi.

NUNGZUITU 17:7

Jasonin, a inn sungah umtik hi. A son haw mi cu Jesuh tihmi kumpi dang pa khat um, tin ti in, Rom kumpipa i daante siatsuah haw,” tin au tawtok haw hi.

HEBRU 11:31

Numei pha ngawl Rahab cu Pathian thu a ngai ngawltu Jerikho khua mitei lak pen thi ngawlin a hupsuak theitu cu upnak hi. Mahmi cu Israel mi, ngal vilvengtute a pat hangin hi.

JAMES 2:18

Mahnaven mi khenkhat ten, “Mi pa khatin upnak nei in, a dang pa khatin dehnak nei hi,” ti haw tuk hi. Ka donlehnak cu, “Dehnak um ngawlin upnak bek na neihmi lak inna, kei vangin ka dehnakin ka upnak lak tung,” tih hi, hi.

JAMES 2:22

Mahmi cu thei ma uh cim? A upnak le a dehnak cu hawh langkhat hi. A dehnak hangin a upnak cu cangkim hi.

JAMES 2:24

Mah a hih hangin mihing cu a upnak bek hang hi ngawlin a dehnak hangin Pathian tuah lemdunnak co hi tih thei uh ci.

JOSHUA 2:1

Joshua in Shittim pen vilvengtu pa nih hahin, “Hawh unna, a ngam haw le a khuapi Jerikho khua vilvengta un,” tin hah hi. Hawh haw in, Jerikho khua a hen haw ten, numei pha ngawlnu Rahab innah ngiak haw hi.

JOSHUA 2:15

Rahab inn cu khuapi upnak kulhtian tuah tawngkhadunin sakmi hi; mah hangin a kongkano pen khauno tuah pualeu ah khiasuk hi.

JOSHUA 2:16

“Hampalak ah tai un: mahma tale ngalkap ten mu kha haw tuk hi. Nangmuh a zei tute a kihleh laklawh haw tian ni thum sung ngelh un hi. Mahnung ten na hawh nuamnak mun uhah hawhleh un,” tin tiam hi.

JOSHUA 2:4

Mahnaven Rahab in Israel mi pa nihte cu selin, kumpipa i lakah, “Ka innah mihing hung ngai haw a, mahnaven i lai khua pen hung haw him tih thei mang.

JOSHUA 2:6

Rahab in vilvengtu pa nihte cu a inn hum thangkhau a koihnak nuaiah sel hi.

JOSHUA 6:17

Khuapi le a sung ummi hempoh cu Topa lakah piak tukin, a piak dan cu siatsuah khawngin hi tuk hi. Vilveng a hah uh mite himdamno in, a sel theih hangin numei pha ngawl Rahab le a innkua bek khawih un hi.