JAMES 2:23 - Ngawm Bible

²³ Mahten Lai Thiangtho in, “Abraham cu Pathian umin, mah a upnak hangin Pathian in midikin sang hi,” a tihmi kim hi. Mah hangin Abraham cu, “Pathian i ngualcam,” tin sammi hi.

JAMES 2:23 Iomraidhean Croise

PIANPATNAK 15:6

Abram in, Topa cu umin, mah a upnak cu Topa in, a dikcangnakin sang hi.

1 KUMPI 4:5

Nathan capa Azariah cu ngamkhen uktu tei hotu hi. Nathan capa thiampi Zabud cu kumpi ngaihsutnak piatu hi.

2 KHANGSIALNAK 20:7

Nangmah cu ka Pathian uh ci. Na mi Israel miten hih ngam a henleh ten hilai ah a ummi hinnamte cu hawlvawkin, na mihing Abraham i casuan tei lakah hi ngam cu kumkhua a muta tukin pia ci.

JOB Laibu (The Book of Job) 16:21

Mihingin, a ngualcam pih a pat lih bangin, mi pa kha khatin Pathian mai ah kei a panleh bok ahin, deih na veng!

SUAHTULNAK 33:11

Ngualcam pha otpihdun bangin Topa le Moses cu maitonin otpihdun mek haw hi. Mah nungten Moses cu ngiahnak munah kikleh mek hi. Moses bawmtu tangval Joshua, Nun i capa cu buk sungah tangta mek hi.

ISAIAH 41:8

Mahnaven nang Israel ka sila, nang cu ka ten zo tohmi hi ci. Ka ngual Abraham i casuante hi uh ci.

MARKA 12:10

Lai Thiangtho in, “Inn satu tei manpha ma toh tin a lawl haw mi suang cu, a dang hempoh sangin manphabelmi suangin suak zo hi.

MARKA 15:27

Amah tuah munkhatin nguca pa nihte cu a taklamah pa khat, a veilamah pa khat thatcih bok haw hi.

LUKA 4:21

Jesuh in, “Ka sialmi na zak uh bangin hi Lai Thiangtho sungah a ngatmi cu tuni in heng hi,” ti hi.

NUNGZUITU 1:16

“U le naute, Hawvang Thiangtho in David muk le kam mangin a sonsa mi, Jesuh that tukin a lamhuaitu Judah i thu cu Lai Thiangtho sungah a ngat haw bangin a kim kul hi.

ROM Khua Khristian Tei Lakah Paul i Laikuat (Paul’s Letter to the Romans) 11:2

Pathian in, a pattungin, a tenmi a mihingte cu lawl ma hi. Lai Thiangtho sung a ngatmi, Israel mite mitkemin, Elijah in Pathian nelah a otmi khi thei uh ci mei? Elijah in,

ROM Khua Khristian Tei Lakah Paul i Laikuat (Paul’s Letter to the Romans) 9:17

Izipt ngam a, Faro kumpipa i thu ah Lai Thiangtho in, “Nangmah cu kumpi in bawl ing a, leihum hempoh ah ka huham langtik tukin le ka min na thantiknak tukin teng ing hi,” tin ti hi.

GALATI 3:22

Mahnaven Lai Thiangtho in, “Leihum buppi hi sualnak huham i nuai ah um,” ti hi. Mah hangin Jesuh Khrih muansannak hang bekin tepsami Pathian i thutepnak laksawng cu a umtu hum bekah piak hi.

GALATI 3:6

Abraham i thu khi ngaisung hem un, Lai Thiangtho ah “Abraham in Pathian umin, mah a upnak hangin Pathian in midikin cosang hi,” tin um hi.

2 TIMOTE 3:16

Lai Thiangtho hempoh hi Pathian i tiik hangin ngatmi hi, thutak cunnak, hilh sualmi elnakah le a sualmi leplehnak, nisial nuncan pha nun theihnak tuk hilhdunnakah pha hi.

JAMES 2:24

Mah a hih hangin mihing cu a upnak bek hang hi ngawlin a dehnak hangin Pathian tuah lemdunnak co hi tih thei uh ci.

1 PETER 2:6

Itahim titale Lai Thiangtho in, “Suang manpha pa khat teng ing a, innkil suang tukin Zion ah koih ing. Amah a umtu hempoh cu ituk mahten mualpho haw tukma hi;” ti hi.