JAMES 2:19 - Ngawm Bible

¹⁹ Pathian pa khat bek um tih sang uh cim maw? Mahtin na san uh cu phazet hi. Mahnaven khawhuaite hei in Pathian pa khat bek um tih khi sang bok haw a, lau in can tawtok bok haw hi.

JAMES 2:19 Iomraidhean Croise

ISAIAH 43:10

“Maw Israel mite, nangmuh hi ka thu theihpihtute uh ci.” Keima nadektu phunin ka ten uhmi ci. Keimah thei in um tuk uh ci; Keimah bek Pathian ka hih cu thei tuk uh ci. Keimah sialngawl Pathian dang umma hi; A um hei um awng haw tukma,

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

ISAIAH 44:8

Ka mihingte, imah lau pahsuh un; Tanglaih pen atu khan tian a piang tukmi hempoh a laih ngawlin hilh ham zo ing; Mah thu na zak uh hangin keima thu theihpihtu uh ci. Pathian dang kuabek um haw maw? A ngilmi Pathian, ka theih awng ngawlmi um haw a maw?” tin ti hi.

ISAIAH 45:6

Langlam vanmawk pen langlam vanmawk tian, mi hempoh ten keimah hi Topa ka hihnak le Pathian dang imah lai ah umma tih, a theih khawngnak haw tukin hi tih bangin bawl ing.

ISAIAH 46:9

Thil a piangsa mite phawkleh hem un; Keimah bek Pathian ka hihlam thei un; Keimah bang kuamah um haw ma.

JONAH 4:4

Topa in, “Na thinuk cu mawh mang tin ngaisung cim maw?”

JONAH 4:9

Mahnaven Pathian in Jonah nelah, “Umngui hangin, thinuk theihnak tukin i thunei nge cim?” tin dong hi. Jonah in, “Nei leita, thi tukvo in thinuk ing,” ti hi.

ZEKHARIAH 14:9

Topa cu leihum buppi i kumpi hi tuk a, mi hempoh ten Pathian cu thei in bia haw tuk hi.

MATTHAI 8:29

Thakhat au haw in, “Pathian Capa, kohtei lakah i bawl tuk nge cim? A hunkim laih ngawlin keimuh bawlsia tukin maw na hun,” tin ti haw hi.

MARKA 1:24

“Nazareth khua mi Jesuh aw, kohtei lakah i bawl tuk nei nge cim? Keimuh siatsuah tukin hung cim maw? Akua nge cim tih thei leng ung hi; Nang cu a Pathian i mi Thiangtho hi ci,” tin ngingzet auto hi.

MARKA 12:29

Jesuh in, “A thupibelmi thukham ci hi hi, hi: Israel mite ngai un!

MARKA 5:7

“Jesuh, A sangbel Pathian Capa! kei lakah i bawl kin kam? Kei na bawlsiat ngawlnak tukin Pathian min suangin, thupia in,” tin ngingzet au hi.

MARKA 7:9

Jesuh in pehlehin, “Nangmuh tei thuzilhmi khotikin, Pathian piakmi thukham nial cu thiam mahtak uh ci!

LUKA 4:34

“Nazareth Jesuh, iti bangin kohte bawl tum cim? Keimuh siatsuah tukin hung cim maw? Akua cim tih thei ing. Pathian profet thiangtho hi ci!” ti hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

NUNGZUITU 16:17

Mah nu in, Paul le keimuh cu zui pepelin, “Hi mite hi Cungnungbel Pathian i sal hi haw hi! Nunpatnak thu nangmu lakah phuang haw hi!” tin au pepel hi.

NUNGZUITU 19:15

Mahnaven hawvang siasuak ten amu lakah, “Jesuh thei ing; Paul i thu le la vang thei ing. Mahnaven nohte cu akua uh kam?” tin ti hi.

NUNGZUITU 24:25

Mahnaven Paul in, a phatnak thu, mah le mah supnak thu le a heng tukmi thukhennak thu a hilh ten Felix cu a thinsu in, “Atu-in kikleh hihin hi. Hun ka neih ten samleh tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 3:30

Pathian cu pa khat hi, Judah mite cu a upnak haw hangin Amah tuah lemdun lehtik tuk a, Gentail mite vang a upnak haw hangin Amah tuah lemduntik tuk hi.

1 KORIN 8:4

Milim biaknak an eih le eih ngawl thu ah hitin ngaisung ing, milim cu nunnak ngangai nei ma hi, na pa khat ai-in koihmi hi a; Pathian pa khat bek um tih thei hung hi.

1 KORIN 8:6

ohtei ca in Pathian pa khat a Pa uh, ihempoh Bawltu umin Amata tukin a nungtute hung hi; mahten Topa pa khat, Jesuh Khrih bek um hi. Ama sung pen ihempoh piang hi. Ama sungah a nungtute hung hi.

GALATI 3:20

Mahnaven mi pa khat bek i nadehnakah palai um kulma, Pathian cu pa khat bek hi.

DAAN PIAKLEHNAK 6:4

“Maw Israel mite, phano in ngai un! Topa amah pa khat bek hi a Pathian uh hi.

1 TIMOTE 2:5

Itahim titale Pathian pa khat bek umin, mihing le Pathian laklawhah lemnak a bawltu kamtai pa khat bek um hi.

JAMES 2:8

Lai Thiangtho sungah na inn nelte cu nangmah na ih bang bokin it in, tihmi Pathian Uknak i daan cu na zui thei tale, a manmi bawl ci.

JUDE 1:4

Itahim titale eimuh tei lakah Pathian cu imah in, a simsial ngawltute a theih uh ngawlin tumin, a ngamtat phat ngawlnak haw selcipnak tukin Pathian Thuthangpha cu a ping le pengah hilh haw a, eimuh tei Uktu le Topa Jesuh Khrih cu lawl haw hi. Mahtibang mihingte cu siatsuahnak co haw tuk hi, tin Lai Thiangtho sung pen tanglaihin hilhhamsa khawng zo hi.

JUDE 1:6

A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.

MANGMUHNAK 20:10

Mahten amuhte zoltu Satan cu sahang le profet manngawl a vawknak haw tuiting bangin a tingmi meipi le kaat mei sungah vawk haw hi. Mahlai ah sun le zan haksa le bawlsia in um cimit haw tuk hi.