JAMES 2:13 - Ngawm Bible

¹³ Mi hehpihnak a nei ngawlmi cu Pathian in, a thu a son ten a humah hehpihnak neileh bok tukma hi, mahnaven thukhennak cu hehpihnakin neh hi.

JAMES 2:13 Iomraidhean Croise

PIANPATNAK 42:21

amuh le amuh cu, “A nau uh Josef hi bangin a bawl uh hi khial ngangai hung hi. Haksatnak a thuak laih mu leng nave hungin hehpih zal un tin, lem li naven ngai kha nuam ma hung hi. Mah hang ven atu-in haksatnak a thuak uh,” tin tidun li haw hi.

2 KHANGSIALNAK 28:11

Hu ngai hem un! Hi na mat uhmite hi na unau uh le na celnute uh hi. Hahleh khawng un, mah ahimata Topa a thinukin, nohte bawlsia tuk,” ti hi.

SAAM LABU 18:25

Topa aw, mi muantak tei lakah muantakin lang ci. Mi Cangkim tei lakah cangkimin langin zaangtha pha pia ci.

SAAM LABU 85:10

Itnak le muantak hihnak cu tawkdun haw tuk hi; Dikcangnak le lemdaihnak cu kawidun haw tuk hi.

THUPAUCAP 21:13

Mi zawng tei aunak aw a ngai nuam ngawltu cu ama au ten vang kuamah in theihpih bok tukma hi.

THUPAUCAP 22:16

Mai hauhsak nuamnak hangin mi ca-ngah a nuainemtu le mihausa a maizahtu cu ca-ngahleh tuk hi.

ISAIAH 27:11

Thingkangte ko in, ek khawng hangin numei ten tuahthingin com haw hi. Itahim titale mihing ten imah a theihtup haw ngawl hangin amuhte semsuahtu Pathian in, a hum hawah lainatnak le hehpihnak neileh tukma toh hi.

JEREMIAH 9:24

Kua hei hihen tuangkhawn a nuam tale, keimah a theihnak le keimah a theihciannakah tuangkhawng saw hen. Itahim titale ka itnak cu tawp tih nei ngawlin, A dikmi le a manmi bawl leleng ing. Hitih bangte hi ka lungdamtiktu haw hi. Keimah, Topa in hilh zo toh ing,” ti hi.

EZEKIEL 33:11

Phano in hilhin; Cungnungbel Topa keimah cu a nungmi Pathian ka hih bangin hilh ing hi; misual pa khat a thih muh cu ka lungdam zawng kha ma hi. Sualnak zamsanin, a nuntuk cu mu nuam saw ing. Maw Israel, thilpha ngawl na bawlmi cu cawl tohin hi. Ita thih tuk cu nuam li nge cim?

MIKAH 7:18

Topa aw, nangmah bang Pathian kuamah umma hi. A tang calam na mihingte cu a sualnak haw ngaidam ci. Kumkhua in, na thinuk ma ci; a khomi na itnak cu amu humah hengtik leleng ci.

MATTHAI 5:7

Mi hehpih theite cu thupha muicu ngahte haw hi. Itahim titale Pathian i hehpihnak co bok haw tuk hi.

MATTHAI 6:15

Mahnaven midang sualnak na ngaidam uh ma tale na sualnak uh cu na Pa uhin ngaidam bok tukma hi.

LUKA 16:25

Mahnaven Abraham in, ‘Ka capa aw, ngaisungin hi. Na nunlaih khin thilpha hempoh ngah kim zo toh ci. Lazaras in thilpha ngawl hempoh khi co hi. Mahnaven atu-in amah cu hilai ah hin nunnopin um hi. Nang cu atu-in, a thuak hi ci.

LUKA 6:37

“Midang tei humah thukhen pahsun na, Pathian in, na humah na thu khen bok tukma hi. Mi sonsia pahsun na, Pathian in sonsia bok tukma hi. Mi ngaidam inna, Pathian in nangmah ngaidam bok tuk hi.

JAMES 3:17

Mahnaven van pen a hungmi cihnak cu i dang sangin a thiangmi cihnak hi. Mah i humah lemdaihnak tuah dim hi. A lungnemin miphial thiam hi. Hehpih ningnatnak nei in, nadeh pha ngah suahpih hi. Deidatnak le iksiknak nei ngawlin ultunnak vang nei ma hi.

JAMES 5:4

Na lo uh a nadektu tei lawhman pia ma uh ci. Mah hangin na an latu tei phuk lihnak le kamtamnak cu CungnungbelTopa Pathian in za zo hi.

THUKHENTUTE 1:7

Adonibezek in, “A khutpi le a kepi talh khawngmi kumpi sawm salihin ka cabuai nuai a an thial cak khul haw hi. A hum haw a ka bawl bangin Pathian in ka humah bawl,” ti hi. Amah cu Jerusalem khua ah hawhpih haw in mahlaiah thi hi.

THUKHENTUTE 5:27

Sisera cu hoi lawluai in, lum hi, Jael i ke bulah lum hi. A kebulah hoi in lum hi, lupnak munah thi hi.