JAMES 2:10 - Ngawm Bible

¹⁰ Mahten a kuakua hei hihen thukham pa khat a pahbal tale thukham venghawng pahbaltu hi.

JAMES 2:10 Iomraidhean Croise

JEREMIAH 32:23

Mahnaven hi ngam sungah hengin, a luahtum haw ten na thukham zui ngawlin le na thuzilh bangin nungsih haw ma. A bawl haw tukin na thupiak hempoh imah bawl haw ma hi, mah hangin hitih bang siatsuahnak cu a hum hawah hengtik ci.

GALATI 3:10

Daan zuinak a muangtu cu tamsiatnak nuai ah a umte haw hi. Itahim titale Lai Thiangtho in, “A kuakua hei hihen Daan laibu sung a ngat bang loli in, a zui leleng ngawltu cu Pathian i tamsiatnak nuai ah um haw,” ti hi.

GALATI 5:3

Ngallinnak thupialeh hih tung, kua hei in, vuncep na tanduntik uh tale, Daan cu a venghawngin, a zui khawng kul tuk hi.

DAAN PIAKLEHNAK 27:26

‘Pathian i piakmi daan le thukham a zui khawng ngawltu cu Pathian i tamsiatnak thuak hen! a tih ten, mipi in, ‘Amen,’ ti haw tuk hi.’

JAMES 3:2

Ka venghawng uhin khial kha mek ung. Mahnaven a awnkamin, a khial ngawlmi cu a tisa pumpi a ukdun theitu mi cangkim hi.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,