JAMES 1:9 - Ngawm Bible

⁹ A tingsammi Khristian unau pa kha khat cu Pathian i bopnak hang neinungin, a um ten a lungdam tahen.

JAMES 1:9 Iomraidhean Croise

SAAM LABU 62:9

Mihing cu haihawh hawl khat bangthong haw poh hi. Mi ngeng, mi neu, imah haw ma poh hi. Cuai khai teh inna, imah hi haw tukma. Haihawh sangin zang saw haw hi.

THUPAUCAP 17:5

Mi zawngte na zawnsak tale semsuahtu Pathian zawnsak ci, mi i kamsiat tawh ten, na ang ahi tale dantat tawk tuk ci.

THUPAUCAP 19:1

Mi ca-ngah cu a hampum mi, misil sangin pha saw hi.

ISAIAH 29:19

Mi ca-ngah le mi lungnem ten Israel Pathian thiangtho i piakmi lungdamnak cu coleh haw tuk hi.

LUKA 1:52

Kumpi thawmnei dedeuh khi, a kumpi khunnak haw pen khesukin, mi nautate khi dangto hi.

LUKA 10:20

Mahnaven dawi ngilo ten na thu uh a ngaih haw hangin na lung uh dam pahsuh un. Mah sangin vanhumah na min uh nganin, a ummi hi na lungdam saw un,” ti hi.

LUKA 14:11

Itahim titale mah le mah a uangkho duncoptu cu mi nauta cangtik tuk hi. Lungmu niamkhiattu cu maison comi upa in cangtik tuk,” ti hi.

LUKA 9:48

mahten amuh tei lakah, “Keima minin hi naupang tun inn a hontu cu keimah tun inn hontu hi. Keimah tun inn a hontu cu keimahtiktu tun inn a hontu hi. Itahim titale nangmu sung pen mi nautabel khi a ngengbelmi hi,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:17

Ca a hih uh hangin Pathian in, a mihing tei ca in, a koihsami thupha a cotu tukte hung hi; mahten Pathian in Khrih ca tukin a koihsami vang Khrih tuah co langkhat tuk hung hi. Itahim titale Khrih thuaknak a thuak boktu ahi uh tale, a thawm ngengnak vang co bok tuk hung hi.

2 KORIN 6:10

Ka lung uh siatik mek haw naven lungdam zetin um leleng ung; kohte cu mi zawngzet bang nave ung, mi tampi mihau in cangtik ung hi. Imah nei ngawl bang hi naven ung, ihempoh neitu ung hi.

DAAN PIAKLEHNAK 15:11

Israel minam sung pen mi ca-ngah, mi cimkham le bop kulmi um leleng haw tuk hi, mahmi tei humah lawithiam un, tin thupia ing.”

DAAN PIAKLEHNAK 15:7

“Topa na Pathian uhin, a piak tukmi ngamsung khua pa kha khatah na hinpih uh Israel mi ca-ngahin bop a kul tale ihcilzet le bawm nuam ngawlin um pahsuh un.

DAAN PIAKLEHNAK 15:9

Leiba phiahmai kum a nai hangin bawm nuam ngawlin um hihim pahsuh un. Mahtibang ngaihsutnak pha ngawl cu na lungmu sungah tumtik hihim pahsuh un. Na bawm nuam uh ma tale Topa i lakah au in ngen tuk a, nangmu dehvo hi tuk hi.

FILIPI 3:14

Mah hangin mailamah zuamman laksawng co tukin cam zetin tai li ing. Mahmi laksawng cu Pathian in Khrih Jesuh sung pen kumkhua nung tukin a samnak khi hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

MANGMUHNAK 2:9

Haksatnak na thuak thei ing. Mi ca-ngah na hihlam vang thei ing; mahnaven a ngangai in mihau hi ci. Judah mi hi ung ti haw naven ahi ngangai ngawl tei a sonsiatnak haw vang thei ing. Amuh cu Satan tahaw hi.

1 SAMUEL 2:8

Mi nautate cu leivul lak pen phongto in, mi tingsamte cu vut lak pen khaisang hi. Kumpipa i capate tuah khungtikin, upatnak munah umtik hi. Leipi bulphuhnak cu Topa ta hi. Mah humah leipi cu dingtik hi.