JAMES 1:4 - Ngawm Bible

⁴ Tingsapnak um ngawlin a cangkim le a pitungmi na hih theihnak tukin a dawltawpnak tian a thuak theitu hi tukin zuam un:

JAMES 1:4 Iomraidhean Croise

JOB Laibu (The Book of Job) 17:9

Upat takmi ing tin, a ngaisungdun cop ten, dik ung hi tin muangdun sesem haw hi.

SAAM LABU 37:7

Topa i mai ah cingdenno in ngak inna, ama na cu thinsau zetin ngakin hi. Mi neinung a hih haw hangin lauthawngin um pahsun. Thil pha ngawl bawl tei a lawhtin haw ten lauthawng pahsun.

SAAM LABU 40:1

Topa i bopnak cu ngak leleng ing, ka aw cu ngai in, ka aunak cu za hi.

THUPAUCAP 4:8

Cihnak cu deih inna, nangmah khaisang tuk hi, pom lo inna, upat takin cangtik tuk hi.

HABAKKUK 2:3

Ngan ciangin, a hun heng ma laih hi. Mahnaven mah hun cu manlang zetin heng tukin ka lakmi cu kim ngangai tuk hi. A kimnak hun cu khuanuzet bang tuk naven thinsau in ngakin; kim ngangai tuk a, khuanuleh tukma toh hi.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 19:20

Tangval pa in, “Mah thukhamte cu zui khawng zo ing. Ibawl laih kam nang?” tin dong hi.

MATTHAI 5:48

Vancung a na Pa uh a cangkim bangin cangkim bok un hi.

MARKA 10:21

Mahmi pa cu Jesuh in itnak tuah zo cangcianin, “Thil pa khat sam laih ci. Hawhin, na neihmi hempoh zuak inna, na ngahmi cu mi ca-ngahte pia in hi. Mahti bangin na bawl tale vancungah mihau pa hi tuk ci, mahceng ten keimah zui in,” ti hi.

LUKA 18:22

Jesuh in, a zak ten, “Thil pa khat na bawl tuk sam laih hi. Na neihmi hempoh zuakin, na ngahmi sum le pai cu mi ca-ngahte sem inna, vanhumah sum le pai nei tuk ci. Mahceng ten hung inna, ka nungzui in,” ti hi.

LUKA 21:19

Kho zetin, na ding uh tale nunpatnak ngah tuk uh ci,” tin ti hi.

LUKA 8:15

Lei ngam phatnakah a cuu mi anci i sullam cu Pathian thu cu za haw a, lungmu pha le thuhilh sangin, a tawp tian ngah nei in, a umtute haw hi,” tin ti hi.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

1 KORIN 2:6

Mahnaven Hawvang lam a, pitungsa tei lakah cihnak thu hilh ing. Mahnaven mah cihnak thu ka hilhmi cu hi leihum cihnak kha ma hi, leihum uktu pa i huham hei hi ma, mah huhamte cu a bo li tohmi huham bek hi.

GALATI 6:9

Mah hangin a phami bawl cu colhsan pahsuh un. A colhsan uh ma tale ancop hun hengleh tuk hi.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

1 THESALON 5:23

Lemdaihnak a piatu Pathian amah in cangkim zetin thiangthotik henna, a Topa uh Jesuh Khrih a hunleh ten na hawvang, na lungmu uh le na taksa, na ihempoh uh mawhsiatnak nei ngawlin bawl tahen.

2 TIMOTE 3:17

Mahti bangin Pathian na a dektu cu mi cangkim hi tuk a, na pha namkim bawl tukin thuam cangkim a neimi hi tuk hi.

HEBRU 13:21

Lemdaihnak Pathian in ama deihmi na bawl theihnak tukin, na kul uhmi thilpha hempoh khi pia zazal tahen; Jesuh Khrih hangin a deihmi cu bawl zal hen. Kumkhua pen kumkhua tian Khrih cu sunloih hi tahen! Amen.

JAMES 1:5

Nangmu lakah cih le thiamnak a tingsammi na um uh tale Pathian nelah ngen henna, Pathian in pia tuk hi. Itahim titale akua i lakah hei hihen Pathian in phal zetin le hehpihnak tuah pia hi.

JAMES 3:2

Ka venghawng uhin khial kha mek ung. Mahnaven a awnkamin, a khial ngawlmi cu a tisa pumpi a ukdun theitu mi cangkim hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

2 PETER 1:9

Mahnaven hih phatnakte a nei ngawltu cu mitcaw mi hi in, naino bek amu theitu hi. Tanglaih a sualnak haw pen thiangtik zo hi, tih hei theileh haw ma zo hi.