JAMES 1:26 - Ngawm Bible

²⁶ Biaknak lamah hantiam ing tin, a titu um uh cim? Mi pa kha khatin Khristian ing, ti thah lengin, a awnkam a sup zo ngawltu cu amah le mah zolduncopin, a biaknak cu thawnthong hi.

JAMES 1:26 Iomraidhean Croise

JOB Laibu (The Book of Job) 15:13

Pathian humah thinukin, ita thusia pawi ngam li cim?

JOB Laibu (The Book of Job) 30:11

Pathian in mi nawmtam le bawmtu nei ngawlin kei a bawl hangin, a thinuknak haw cu ka humah leih menmun haw hi.

SAAM LABU 141:3

Topa, ka kam kemtu tuk hei in hihen, ka muk cingtu tuk hei in hihen koih zalin hi.

SAAM LABU 32:9

“Cipuh le laak bangin sil pahsun. Na thu ngaitu a hihnak haw tukin amuhte cu, kamkalh le muk khau tuah dawh kul hi haw hi,” ti hi.

SAAM LABU 34:13

Na nuam uh ahi tale, a pha ngawlmi awn tuk ngawlin le zolthu son tuk ngawlin ngalling un.

THUPAUCAP 10:19

Tam saw deuh na awn tale tam saw deuh sual tuk ci, micip na hi tale na awn suupin hi.

THUPAUCAP 10:31

Midik ten cihnak thu hilh haw hi, mahnaven mipha ngawl tei lei cu tan hi tuk hi.

THUPAUCAP 14:12

Mi khenkhat tei lamdik tin, a ngaihsut haw mi cu a tawpnak ten thihnak hi.

THUPAUCAP 15:2

Micip tei lei in cihnak pungtikin misil tei kam pen a silnak haw suak tul hi.

THUPAUCAP 16:10

Kumpi in Pathian i hu le thawm tuah thukhen hi. Ama thukhennak cu man hi.

THUPAUCAP 16:25

Lamdik hi tin na ngaihsutmi cu thihnak hen pihtu lampi na hi kha theih hi.

THUPAUCAP 19:1

Mi ca-ngah cu a hampum mi, misil sangin pha saw hi.

THUPAUCAP 21:26

Thalengin, a ngaihsutmi cu i ngah kam nang tih bek na hihi, Mahnaven midikte in it ngawlin phal zetin pia haw hi.

ISAIAH 1:13

Na thilpiak uhte nemcuamnak imah nei ma hi. Namtui na piak uhmite vang ningdelh ing. Na Ha Thak puai uhte, na Sabbath uhte le na pumkhawmnak uhte hi thuak thei ma toh ing. Na sualnak uhin, siatsuah khawng zo.

ISAIAH 44:20

Vut eitute bangin nemcuamnak hei nei ngawl phukthong haw hi. A lungmu silin lampialin, bop theih tukmi hileh haw ma toh. A khut tuah a cawimi milim cu pathian kha ma na hi pah, tih hei theileh haw ma toh hi.

MALAKHI 3:14

Na ottul li uhmi cu ‘Pathian na ka deh lih uhte hi thawn thong hi. A hilhmi bangin bawl lih hei hi i nemcuam hum? Ka bawl sual uhmi sikdunin le ka khaw-ngaihnak uhte Ihempoh tithei Topa nelah langtik tum lih hi nemcuamnak i um kaw?

MATTHAI 15:9

Mihing tei bawlcopmi daan cu Pathian i piakmi daan bangin a zilh haw hangin keimah a bia li haw hei in, nemcuamnak nei ma hi,’ tin Pathian in hilh hi,” tin ti hi.

MARKA 7:7

Phatnak neuno hei um ngawlin keimah bia haw hi. Itahim titale mihing tei bawlcopmi daan cu, Pathian piakmi daan bangin zilh haw hi,’ ti hi.

LUKA 8:18

“Thu na ngaih uhten ngalling un hi. Itahim titale thil a neitu cu piakbet hi tuk a, imah a nei ngawltu cu dem lai nei ing tin, a ngaihsutmi nangawn hei laksakin um tuk hi,” tin ti hi.

1 KORIN 15:15

Mah hum pen Pathian thu lamah zolthu son suak tuk hung hi. Itahim titale Khrih cu thihnak pen Pathian in thotikleh zo tih cu hilh leleng hung hi. Mahnaven a thi mite nunnakah thawhlehtik ngawl ngangai ahi tale Pathian in Khrih vang tholehtik tukma hi.

1 KORIN 15:2

Nohtei lakah ka phuan sami Thuthangpha hi khoh zetin, na pom uh tale nunpat mite hi tuk uh ci. Na umkho uh ma tale thu umtu na hihnak uh hi thawnthong hi tuk hi.

1 KORIN 3:18

Kuamah in amah le mah zoldun pahsuh hen. Nohtei lakah pa khatin cip ing tin leihum danin, a ti tale micip tatak hi tukin misil suak masa hen hi.

GALATI 2:6

Hotu bang a ngaihsut haw ten ngaihsutnak thak imah pia haw ma hi. Pathian in, a pualam thil zo ma a hih hangin mah hotute cu iti bang ahi haw hei in, kei ca in lamdang cuang haw ma hi.

GALATI 2:9

Hotu tin ngaihsutmi James, Peter le Johan ten hi nadeh sunglawi hi Pathian i piak hi, tih thei haw hi. Mah hangin nadek langkhat mi hung hi, tih langtiknakin Barabbas tuah ka khut uh len haw hi. Mahten keimah le Barabbas cu Gentail mitei lakah nadek tukin le amuhte cu Judah mitei lakah nadek tukin lungkimnak nei ung.

GALATI 3:4

Na nunnak uh i tawh sami hempoh imah ngawl thongin maw a can khawng? Imah ngawl hi khawng haw ma hi; nemcuamnak nei haw hi.

GALATI 6:3

Mi pa kha khatin imah ngawl napi in, mi thupi bangin a ngaisung duncoptu cu amah le amah zoldun cop hi.

EFESA 4:29

Na otpihdun uhten awnkam hang mang pahsuh un, na awn uh a zatu ten nemcuamnak a ngah theihnak tukin awnkam pha le awnhum mang un hi.

EFESA 5:4

Awn pha ngawl, awn kha le ngaihnop ngawl awn cu na ot tukin mawi lehma toh hi. Mah sangin Pathian nelah lungdamnak hilh saw un hi.

DAAN PIAKLEHNAK 11:16

Topa i lak pen pialin pathian dadang tei zolnakah kuamah in nohte pui sual haw pahsuh hen.

KOLOSE 4:6

Na awnkam uh cu zaknopmi le a mawimi hihen na, mi hempoh tei thudotmi cu cangkim zetin hilh thei tukin zuam un hi.

JAMES 1:19

Ka ihmi u le naute aw, hi thu hi cing leleng un. A kuakua hei hihen, thu theih nuamnak lamah a zuan ngangmi hi unna, ot tuk le thinuknak lamah zuancum mi hi un.

JAMES 1:22

A thu ka theih nungsang tawk tih thongin nangmuh le nangmuh zoldun ngawlin dek suak tukin ngaisung un.

JAMES 2:20

Misilte! Dehnak tel ngawlmi upnak cu zolthu hi tih lak nang, nuam uh cim?

1 PETER 3:10

Lai Thiangtho sungah, “Nunnop zetin anung nuamtu le nisuah pha a mu nuamtu in awn sia in, a ot tuk khi sup henna, zolthu sonleh toh pahsuh hen.