JAMES 1:25 - Ngawm Bible

²⁵ Mahnaven mi a luattiktu a cangkimmi daan khi tihtak zetin, a ngaisung lelengtu cu a ngai thawthongtu le a phawkngiltu hi ngawlin a bawl suaktu hi. Mahtin a bawlsuak hangin Pathian in thupha pia tuk hi.

JAMES 1:25 Iomraidhean Croise

SAAM LABU 106:3

A thupiakmi a zuitu le thudik a bawl lelengtu cu mi muicute haw hi.

SAAM LABU 119:32

Nangmah in theihtupnak na piak tuk hangin, na thupiakmi cu thatho zetin zui tung.

SAAM LABU 119:45

Na thupiakmite ka zui hangin, a cangkimmi zalennak sungah nung tung hi.

THUPAUCAP 14:15

Misil ten a zak mi hempoh sang haw hi. Micipte in, a hawhnak haw kom zetin zo haw hi.

ISAIAH 8:20

Mahti bangin a tih haw ten noh ten, “Topa i zilhmite hi ngai saw un. Mipol tei thu ngai pahsuh un. A hilh haw mite cu nohtei ca in, haksatnak pen luattik thei tukma hi,” tin ti un hi.

LUKA 11:28

Mahnaven Jesuh in, “Pathian thu zain, a zuitu tei humah thupha um saw,” ti hi.

JOHAN 13:17

Atu-in hi thutak thei ngah zo uh ci. Na bawl ngangai uh bang ahin, izahtak lungnop tuk nan ti uh cim?”

JOHAN 8:36

Capa in nohte a suakcatik tale a suakca ngangai mi hi tuk toh uh ci.

NUNGZUITU 13:43

Mipite cu pumkhawm inn pen a pinkhek haw nungten Paul le Barnabas cu Judah mi tampi le Judah biaknakah a tummi Gentail mi tampi ten zui haw hi. Nungzuitu ten amuh tei lakah thuhilhin, Pathian hehpihnak sungah nung leleng tukin thapia haw hi.

NUNGZUITU 2:42

Nungzuitu tei thuhilh cu ngai haw a, an eih khawmnak le thunget khawmnak tuah pawlkomnak nei leleng haw hi.

NUNGZUITU 26:22

Mahnaven tuni tianah Pathian bopnak tuah atu-in, na venghawng tei mai ah ka muhmi thu cu hilh ing. Ka hilhmi thu hi Moses in hihen, profet ten hihen, a piang tukmi a hilhham haw mi hi.

ROM Khua Khristian Tei Lakah Paul i Laikuat (Paul’s Letter to the Romans) 11:22

Hilai ah Pathian cu hehpihnak neizet naven a thu cu khohzet leleng hi tih cu mu ung. A lum le bahtu tei lakah, a thu cu khohzet naven nohtei lakah hehpihnak neizet hi. Mah hehpihnak sungah na um leleng uh tale hehpih leleng tuk hi; mahnaven na um leleng uh ma tale ehtuahmi hi bok tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 2:13

Pathian mai pen midik hihnak cu Daan sung umtu tei ca in beng i zak bek hi ngawlin; Daan zuinakin hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 7:12

Daan amah ngangai cu thiangtho in thukham vang cu thiangtho hi, a dikmi hi in, a pha mi hi.

ROM Khua Khristian Tei Lakah Paul i Laikuat (Paul’s Letter to the Romans) 8:15

Itahim titale Pathian i piakmi Hawvang cu sila in, a bawltu Hawvang kha ma hi; a lau li tukin a bawltu Hawvang hei hi kha ma hi. Mah Hawvangin Pathian i cate in bawlin, Pathian nelah, ka Pa, ka Pa tin, a au theihnak uh thazaang a piatu hei cu Hawvang hi.

ROM Khua Khristian Tei Lakah Paul i Laikuat (Paul’s Letter to the Romans) 8:2

Itahim titale Khrih Jesuh tuah pehzopnak hangin nunnak a piatu Hawvang daan in sualnak le thihnak daan sung pen luattik zo hi.

1 KORIN 15:58

Mah hangin ka ihmi u le naute, lum thong tuk ngawlin khozet ding un. Pathian na cu sonbang tuk ngawlin dek leleng un. Topa i nadeh cu thawnthong awng ma hi tih cu thei uh ci.

2 KORIN 13:5

Upnak sungah um hung maw? Um ma hung him tih theihciannakin nangmuh le nangmuh cekdun un. Jesuh Khrih eimu sungah um tatak tih thei ngai uh cim? A um tatak ngawl ahi tale mi lawhting ngawl hi uh ci.

GALATI 2:4

Vunceptan hen a titu hei um haw hi. Mi khenkhat thu umtu ngangai bang um hemin, eimu bu sungah tum kuhin Khrih Jesuh tuah a pehzop dunnak uh i hangin zalennak a conak uh thu a zawldawttu um haw hi. Eimuhte salah cangleh tukin a deih haw mi hi.

GALATI 5:1

Khrih in, a luattik zo hangin ohte cu a luatmi hi zo hung hi. Mah hangin miluat na hihnak uhah khohkhah zetin ding unna, salah cangleh toh pahsuh un hi.

GALATI 6:2

Pa khat le pa khat bawmngit dawndun unna, mahten Khrih i daan cu kimtik tuk uh ci.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

1 TIMOTE 2:15

Mahnaven numei ten lungnemin, itnak upnak le thianthohnak sungah a khohkhah haw tale ca a neihnak haw i hangin nunpat hi haw tuk hi.

1 TIMOTE 4:16

Na nundan ngalling inna, na zilhmite vang ngallingin hi. Hite cu a catngawlin bawlin hi. Na bawl leleng thei tale nangmah le na thuzilhmi a zatu tei nunpan ngah tuk ci.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

JAMES 2:12

Eimuh luatnak a piatu daan i thukhen tuk mite bangin na ziaza le na thil bawl zia cu hi tahen.

1 PETER 2:16

A luatmi bangin nung un; mahnaven na luatnak uh cu phat ngawlnak huptu in bawl pahsuh un, mah sangin Pathian i sal bangin nung saw un.

1 JOHAN 2:24

Mah hangin, a pat pepan na zak uhmi thu cu nangmu lungmu sungah komzetno in koih unna, pha zetin, na kem uh tale Pa le Capa tuah a pawlkomdun lelengmi hi tuk uh ci.

MANGMUHNAK 14:13

Mahten vancung pen aw pa khat ka zakmi in, “Hihi nganin hi. Topa i nadehnak hangin thihnak a thuaktu cu mi lungdamte haw hi,” ti hi. Mahten Hawvang Thiangtho in, “Hi zuh hi, a nadeh haw pen cawl haw tuk toh,” ti hi.

MANGMUHNAK 22:14

A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.

1 SAMUEL 12:14

Mah bangin nangmuh le na kumpi in Topa na Pathian uh cu zui in, a thu vang ngai in le a thupiakmi bangin bawlin amah kihcak upatnak tuah a na nadek uh tale pha tuk hi.