JAMES 1:21 - Ngawm Bible

²¹ Mah hangin a nawngkai le a ninmi ngamtat pha ngawl hempoh cu vawk khawng un. Pathian nelah ap unna, nangmuh nunpan theitu thudik cu nangmu lungmu sungah khumin pom un.

JAMES 1:21 Iomraidhean Croise

SAAM LABU 25:9

Mi niamkhiatte cu lampi dikah pui in, ama deihnakte zilh hi.

ISAIAH 2:20

Mah ni a hen ngangai ten sui le ngun tuah a bawl haw mi milimte cu taisan khawngin, zuphul le baak tei lakah vawk khawng haw tuk hi.

ISAIAH 29:19

Mi ca-ngah le mi lungnem ten Israel Pathian thiangtho i piakmi lungdamnak cu coleh haw tuk hi.

ISAIAH 30:22

Sui le ngun tuah bawlmi na milim uhte cu buak bangin vawkin; “Muleh nuam ma toh ung,” tin tituk uh ci.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

EZEKIEL 18:31

Thilpha ngawl na bawl leleng uhte hi zamsan toh unna, lungmu thak le ngaihsutnak thak nei toh un hi. Israel mite, itakaw thih cu na nuam uh?

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

ZEFANIAH 2:3

Ngamsung a um, noh mi lungnem le a thukham a zuitute Topa i nelah kikleh toh un. Thildik bawl unna, Topa i mai ah lungnemmi hi un. Topa in, a thinuknak a langtik ni ten dantatnak pen suakca thei tuk uh ci.

MATTHAI 5:5

Mi niamkhiatte cu thupha muicu ngahte haw hi. Itahim titale Pathian i tepsa leihum lo le lam co haw tuk hi.

JOHAN 6:63

Nunnak piatu cu Pathian i Hawvang Thiangtho hi. Mihing tei cah le ngilnak cu i mamah ma hi. Nohte ka hilhmi thu hi Hawvang le nunnak hi.

JOHAN 6:68

Simon Peter in, “Topa a koi lakah kaw ka hawh cuang tuk uh? Nang cu kumkhua nunnak thuneitu hi toh sisi?

NUNGZUITU 10:33

Mah hangin thakhatin sam ing hi; mahten nangmah vangin hehpihin hung ci. Atu-in Pathian mai ah ka venghawng uhin, um ung a, Topa in hilh tukin a tihmi khi a ngai tukin ngak ung,” ti hi.

NUNGZUITU 13:26

Ka phunpih Israel mite, Abraham i casuante le hilai a Pathian a biatu Gentail mite, hi nunpatnak thuthang hi, a venghawng uh ca in piakmi hi.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 11:17

A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.

ROM Khua Khristian Tei Lakah Paul i Laikuat (Paul’s Letter to the Romans) 6:17

Mahnaven Pathian nelah thangphatnak um tahen! Itahim titale nohte cu sualnak i sila hi awng zo nave uhcin atu-in zilhnak na ngah uhmi sung a thutak khi na lungmu hempoh tuah zui zo uh ci.

1 KORIN 15:2

Nohtei lakah ka phuan sami Thuthangpha hi khoh zetin, na pom uh tale nunpat mite hi tuk uh ci. Na umkho uh ma tale thu umtu na hihnak uh hi thawnthong hi tuk hi.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

EFESA 4:22

Ni dang a na nundan uh bang lengin, a nungtiktu na nunlun uh cu vawk toh un, mahmi na nunlun uh cu mizoltu tisa deihnak i thih susuktik lihmi khi hi.

EFESA 4:25

Zolthu son toh pahsuh un. Pathian umtu pa khat le pa khat thutak hilhdun leleng tuk hung: itahim titale Khrih pumpi sungah a venghawng uhin sungtel khawng hung hi.

EFESA 5:4

Awn pha ngawl, awn kha le ngaihnop ngawl awn cu na ot tukin mawi lehma toh hi. Mah sangin Pathian nelah lungdamnak hilh saw un hi.

1 THESALON 1:5

Itahim titale Thuthangpha nangmu lakah ka hen pih uhten awnkam men thongin hi ngawlin, huham le Hawvang Thiangtho, thutak a hihnak theihcelnak tuah henpih ung hi. Nangmuh tei lakah ka um sung uh khin iti bangin um langkhat kam hung tih cu thei uh ci, nangmuh tei phatnak tukin hi.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

TITUS 2:11

Itahim titale Pathian in, a hehpihnak cu mi hempoh nunpan tukin langtik zo hi.

HEBRU 12:1

Ohte vang hitihzah takin, a tammi tetti a elkim uhah a neih uh hangin a hawhnak lampi uh khamtu le a khaktu thil cu vawkin, a sualnak uh bawmngit cu zamsanin le eimu mai ah a ummi, tai zuamdunnakah teimak suahin tai nung hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 4:2

Itahim titale amuh tei zak bangin eimuh vangin Thuthangpha cu za zo toh hung. Mahnaven Thuthangpha a zak haw mi cu amu ca in nemcuamnak imah umma hi. Itahim titale a zak bek zata zamin upnak tuah pom nuam haw ma hi.

JAMES 4:8

Pathian neek unna, neek bok tuk hi. Noh misualte, na khut uh a ciangno in som un, noh mi ultungte na lung uh thiangtik un.

JAMES 5:20

lampialnak pen misual a pui kiklehtu in, mah misual i hawvang cu thihnak pen nunpatnak ngahin, a sualnakte a tamzet vangin ngaihthiamnak ngahtik thei tih cu cing leng un hi.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 PETER 1:9

Itahim titale Jesuh Khrih na upnak uh hangin tumtahnak na neih uhmi, hawvang nunpatnak cu co ngah tuk uh ci.

1 PETER 2:1

Mah hangin phat ngawlnak hempoh vawk khawng toh un; zolthu sonleh toh pahsuh un; ultungleh toh pahsuh un; mi iksikleh toh pahsuh un, nautatnak awnkamte mangleh toh pahsuh un;

1 PETER 2:11

Ka ihmi ka ngualcamte, hi leihumah mikhual le ngaltaimi bangkek hi nave uhcin, nangmuh tei lakah hehpih kun ing. Hawvang tuah a ngaldun lelengmi tisa i deihnakin neh pahsuh hen.