JAMES 1:19 - Ngawm Bible

¹⁹ Ka ihmi u le naute aw, hi thu hi cing leleng un. A kuakua hei hihen, thu theih nuamnak lamah a zuan ngangmi hi unna, ot tuk le thinuknak lamah zuancum mi hi un.

JAMES 1:19 Iomraidhean Croise

NEHEMIAH 8:18

A puai bawl haw ni khat ni pepanin, a tawp ni tian nisialin Pathian i Daan cu sial haw hi. Ni salih sung puai bawlin, Daan piakmi sung a, ummi bangin ni liatnak ni-in puai cu ceng haw hi.

NEHEMIAH 9:17

Na thu zui nuam ngawlin na bawlmi nate phawkngil khawng haw, Na lamdang na bawl mite cu cingleh haw ma toh. A uangthuannak haw tuah hotu teng haw hi, Izipt saltannakah kihpihleh tukin hi. Mahnaven nang cu mi ngaidamtu, thangaitu Pathian hi ci, Hehpihnak le itnak nei ci, thinsauzet ci. Na hehpihnak cu ngeng ngangai hi, nung hek tuk phal ma ci.

NEHEMIAH 9:3

Nazi pa thum sung Topa a Pathian haw i Daan a sialmi haw cu ngai in, mah ceng nazi pa thum cu a sual haw phuangin, Topa Pathian cu bia haw hi.

JOB Laibu (The Book of Job) 32:16

Cingdenin, a um haw tian maw ka ngah tuk? Ot uk imah neileh ngawltohin ding thong haw maw!

THUPAUCAP 10:19

Tam saw deuh na awn tale tam saw deuh sual tuk ci, micip na hi tale na awn suupin hi.

THUPAUCAP 13:3

Na awnkam ngalling inna, na nunnak hup tuk hi. Ngalling ngawl a awntu in amah le mah siatsuah duncop hi.

THUPAUCAP 14:17

Mi thincomte cu silhah zetin thil bawl haw hi, mahnaven micip deuhte in thinsau deuhin um haw hi.

THUPAUCAP 14:29

Mengdenin, na um tale micip hi ci, mahnaven na thin a com tale na silnak langtik hi ci.

THUPAUCAP 15:18

Thincomnakin, hauhdunnak suaktik hi, mahnaven thinsaunakin lemnak hengtik hi.

THUPAUCAP 15:2

Micip tei lei in cihnak pungtikin misil tei kam pen a silnak haw suak tul hi.

THUPAUCAP 16:32

Thinsaunak cu thangilnak sangin pha saw, mah le mah ukdun theihnak cu khuapi uk theihnak sangin pha saw hi.

THUPAUCAP 17:14

Hauhdun pattung cu tuikuang mawk keh tungno bang hi, sualdunnak a um laihngawlin cawlin hi.

THUPAUCAP 17:27

Micip ten kamtam haw ma, mengdenno in, a umtu cu thudik mutute haw hi.

THUPAUCAP 18:13

Thu na lulhleh laih ngawlin phano in ngai masa in, mahtin na ngai ma ahi tale misil na hih i humah thu na lulhmi pa a zawnsak hi tuk ci.

THUPAUCAP 18:21

Na awnkamin, na nunnak a hup theih bangin siatsuah thei hi. Mahnaven na awnkam hangin a hengmi hempoh na thuak theih kul hi.

THUPAUCAP 19:11

Na cip tale na lungmu uk thei tuk ci, mi sualnak ngaihdap cu thil sunglawibel hi.

THUPAUCAP 19:19

Nase zetin thinuktu cu bawlsiatnak tawk tuk hi. Haksatnak sung pen vei khat na pan hei in, na patleh kul leng tuk hi.

THUPAUCAP 21:23

A lei le a muk a kem theitu cu haksatnak pen luat tuk hi.

THUPAUCAP 25:28

Thinuknak a supdun zo ngawltu cu kulhtian cimin, a sia mi khua tuah bangve hi. Ngal ten baihno in simtum thei haw tuk hi.

THUPAUCAP 29:20

Ngaisung masa ngawlin a awntu sangin, ngaisung ciamciam a awntu misil ca in muansannak na tam saw hi.

MIPUM SIALNAK 22:27

Vancungmi amuh ten a laak cu bok hi. Balaam in, a thinsup thei ngawlin a laak cu a ngolh tuah vat nek hi.

MATTHAI 5:22

Mahnaven kei in, a unau humah a thu um ngawl pi in, a thinuktu cu thukhennak thuak tuk hi; a kuakua hei hi tahen a unau imah simsial ngawltu cu thukhentu mai ah hawhpih hi tuk a, a unau cu ‘Imah nei cuamnak nei ngawl!’ tin tamsia in, a titu cu hellah heng tuk tih lauhuai hi.

MARKA 12:37

David amah hei in, Khrih cu, ‘Topa,’ tin, a sam tale itin kaw David i casuan a hih theih tuk?” tin ti hi. Mi honpi ten Jesuh i thuzilhmi cu lungdam thatui zetin ngai haw hi.

MARKA 2:2

A theihbek haw ten, umnak hei tong ngawlvo in, kongka tian dim ukin khawmdun paih haw hi. Jesuh in amuh lakah thu hilh hi.

LUKA 15:1

Ni khat cu Jesuh i thuhilh ngai tukin siah khontu le misual tin, a lawl haw mite hung haw hi.

LUKA 19:48

Mahnaven a thah theihnak haw tukin lampi zei thei haw ma hi. Itahim titale mi hempoh ten a thuhilhmi ngai nuam mahtak haw hi.

NUNGZUITU 1:15

Ni dawmlaih ngei nungten thu umtute cu tawkdun khawmin, mihing za le sawm nih bang kim haw hi. Peter cu dingto in,

NUNGZUITU 10:33

Mah hangin thakhatin sam ing hi; mahten nangmah vangin hehpihin hung ci. Atu-in Pathian mai ah ka venghawng uhin, um ung a, Topa in hilh tukin a tihmi khi a ngai tukin ngak ung,” ti hi.

NUNGZUITU 13:48

Mah thu cu Gentail miten a zak haw ten lungdam mahtak haw in, Topa i Thuthangpha cu thangphat haw hi. Mahten kumkhua nunnak ca in tenmite cu thu umtu ah cang haw hi.

NUNGZUITU 17:11

Mahlai a mipi cu Thesalon mite sangin a lungmu taituang saw deuh haw hi. A thuhilh haw mite cu lungmu tak tuah ngai in, nisialin, Paul i hilhmi cu hi ngangai maw, hi ngangai ma him tin, Lai Thiangtho sialin zocik haw hi.

NUNGZUITU 2:42

Nungzuitu tei thuhilh cu ngai haw a, an eih khawmnak le thunget khawmnak tuah pawlkomnak nei leleng haw hi.

EFESA 4:26

Na thinuk ahi tale sualnak sungah na thinuknak ni tumpih ma hen; nilui in thinuk pahsuh un.

EFESA 4:31

Lungmu sungin mihuatnak le ngaldunnak, tisa nopnak le thinuknakte khi botik un hi. Pa khat le pa khat hauhdunnak, zotsaknak le huatnak lungmu neuno hei nei toh pahsuh un.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

KOLOSE 3:8

Mahnaven atu-in mahtih bang tisa deihnak cu na vawk khawng uh kul hi: thinuknak, thin pulhangnak le mi mitkemnak cu zam toh un. Mi zotsaknak awnkam le awnkam sia hihim na kam sung uh pen tultik pahsuh un hi.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

JAMES 1:16

Ka ihmi u le naute aw, zol sang pahsuh un.

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

JAMES 1:26

Biaknak lamah hantiam ing tin, a titu um uh cim? Mi pa kha khatin Khristian ing, ti thah lengin, a awnkam a sup zo ngawltu cu amah le mah zolduncopin, a biaknak cu thawnthong hi.

JAMES 2:1

U le nau aw, sunloihnak tuah a dimmi Topa Jesuh Khrih umtu na hih uh hangin ituk mahten mi deidatnak nei pahsuh un.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

JAMES 3:10

Thangphatnak awnkam le tamsiatnak awnkam cu kam pa khat sung pen tul hi. U le naute aw, hitih bang tukmi kha ma hi.

JAMES 4:11

U le naute aw, nohte pa khat le pa khat sonsiadun pahsuh un. Khristian unau dang a sonsiatu le a mawhsiattu cu Daan a sonsiatu le a vawktu hi. Daan na sonsia uh tale Daan zuitu hileh ngawltohin, a mawhsiattu hi saw uh ci.

JAMES 5:12

U le naute aw, thu na tepdun uhten tamsiatnak tuah bawl pahsuh un, van hihen, lei hihen, thil dadang hei hihen, a min salin tamsiatnak tuah bawl pahsuh un. Mah hi, tin na ti nuam uh tale, ‘Mah hi,’ ti inna, mahma hi tin na ti nuam uh tale, ‘Mahma hi,’ tin ti in, mahtin na titale Pathian in mawhsiat tukma hi.

JAMES 5:19

U le naute aw, nangmu lak pen pa kha khatin thutak pen pialin, a dang pa khatin, a pui kikleh tale,

1 JOHAN 2:21

Nangmu lak a, laikuat ka ngatmi hi thutak na theih uh ngawl hang hi kha ma hi; thutak thei in, zolthu cu thutak pen hung awng ma hi tihvang na theih uh hangin hi saw hi.