JAMES 1:18 - Ngawm Bible

¹⁸ Ama lungkimnakin, a bawlmi hi hung a, eimuh a semsuahnakah thutak awnkam mang hi. Mah hangin a semsuahmi na hempoh lak pen ohte cu a ngah masabelmi hung hi.

JAMES 1:18 Iomraidhean Croise

JEREMIAH 2:3

Maw Israel, nang cu keimah bek ita hi ci, ka neihmi mi thiangtho ci. Nangmah a bawlsiatu i humah haksatnak le siatsuahnak hengtik ing. Keimah, Topa in hilh zo ing.”

THIAMPI NADEHNAK 23:10

Topa i piakmi ngam hengin, na lo an na cop uhten a masabel tel khat cu thiampi nelah pia un hi.

AMOS 6:1

Zion ah nop zetin, a ummi le Samaria ah ngimta zetin, a ummi, miphun ngilzet, Israel miphun mihing nasezette, mi tampi ten bopnak deihin, a zuan lih haw mi mihingte, na ca uhin, lauhuai leita!

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

ROM Khua Khristian Tei Lakah Paul i Laikuat (Paul’s Letter to the Romans) 4:17

Lai Thiangtho vangin, “Nangmah cu miphun tampi tei pa in bawl zo ing,” ti hi. Mah hangin mah thutepnak cu Abraham i upmi Pathian mai ah a khomi thutepnak hi. Abraham i upmi Pathian cu mithi a nungtiktu le a thu in, a piang ngawlte piangtik theitu Pathian hi.

1 KORIN 4:15

Itahim titale Khrih sung a nundan lamah zilhtu thawng tampi na nei uh hei in, pa ngangai cu pa khat bek nei uh ci. Thuthangpha na lak uhah ka phuan hangin Jesuh Khrih tuah na pehzomdunnak lam uhah na pa uh ing.

2 KORIN 6:7

thutak ka phuan uhmi le Pathian huham a langmi in Pathian i nadektu ka hihnak uh langtik bok ung hi. Diknak cu ka ngal uhte nawtvawknakin le keimuh hupdunnakin ka man uhmi hiamnam hi.

EFESA 1:12

Mah hangin Khrih sungah muansannak a nei masabeltu oh ten Pathian nelah sunloihnak pia nung hi.

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

2 TIMOTE 2:15

A nadeh zahcakpih ngawltu le Pathian thuman Thuthangpha cu thuman zetin, a hilhciangtu hi tukin le Pathian lungkimpihnak ngah tukin zuamin hi.

HEBRU 12:23

Vancungah a min haw ngatsa in, a ummi Pathian i catawntil tei lungdam thatui in, a umnak haw heng zo uh ci. Mi hempoh tei thu a khentu Pathian le midik tei hawvang lakah heng zo uh ci.

JAMES 1:15

Tisa deihnakin nau bang pai in, a hintulmi cu sualnak hi: mahten sualnak cu khangin, ngah a ngah ten thihnakah heng hi.

JAMES 1:21

Mah hangin a nawngkai le a ninmi ngamtat pha ngawl hempoh cu vawk khawng un. Pathian nelah ap unna, nangmuh nunpan theitu thudik cu nangmu lungmu sungah khumin pom un.

JAMES 3:14

Mahnaven nangmu lungmu sungah iksiknak, mihuatnak le mai matan ca ngaihsutnak bek a dim tale cip ing tin, ultung pahsuh un, thutak humah sualnak a bawl limi hi saw uh ci.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.

MANGMUHNAK 14:4

Amuhte cu mi thiangtho, numei tuah sual awng ngawlmite hi haw in, khanglai thianlim bang haw a, tuuno i hawhnak hempoh ah zui haw hi. Mi hempoh lak pen tatlehmi hi haw in, Pathian le Tuuno lakah anthak bangin piak masabelmi hi haw hi.