JAMES 1:17 - Ngawm Bible

¹⁷ A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

JAMES 1:17 Iomraidhean Croise

PIANPATNAK 41:16

Josef in, “Kumpipa aw, keima tih theihmi kha ma hi; mahnaven Pathian in hilhciannak dik pia tuk,” ti hi.

1 KHANGSIALNAK 22:12

Israel ngam cu ama Daan bangin na uk theihnak tukin Topa na Pathian in cihnak le theihtupnak pia zal tahen.

1 KHANGSIALNAK 29:19

Na daan le na thupiakmi hempoh zui theihnak tukin le a nate ka cum khawng sa mi Biakinn cu a sak suak theihnak tukin ka capa Solomon cu ngaihsutnak pha le lungmu cangkim hu pia zalin,” ti hi.

SAAM LABU 102:27

Mahnaven nang cu nangmah leleng ci; Na nunnak cu bo tih ni nei ma hi.

SAAM LABU 122:6

Jerusalem i lemdaihnak tukin thungen un! “Nangmah a deihtute cu khangto haw tahen.

SAAM LABU 136:7

Amah in ni le ha vang bawl hi; A ihnak cu kumkhua in kho hi.

SAAM LABU 84:11

Topa cu humhimtu le a sunglawi kumpipa hi. Hehpihnak le sunloihnak tuah muicu pia hi. Thilpha a bawltu tei nelah thilpha piak tuk cu phalzet hi.

SAAM LABU 85:12

Topa in mihau in bawl tuk a, a ngam uhah an tampi suak tuk hi.

THUPAUCAP 2:6

Cihnak piatu cu Topa hi a, ama lak pen cihthiamnak le theihcelnak heng hi.

ISAIAH 28:26

Lo nadeh dan vang thiam, itakaw titale Pathian in zilh hi.

ISAIAH 45:7

Vaknak le thimnak bawltu ing. Thupha le thihnak poimawh piangtiktu hei hi ing. Hi hempoh a bawltu cu Topa keimah ing.

ISAIAH 46:10

A pattungin i piang tuk hum tih hilh ham zo ing; Tanglaih pepan a cang tukte hilh ham khawng zo ing. Ka tuptahmi cu pelh awng tukma, ti ing. Bawl ka tummi hempoh cu bawl tung hi.

ISAIAH 60:19

“Sunlamin ni cu na vaaknak hileh tukma toh. Zanlamin hade cu na vaaknak hileh tukma toh. Topa keimah cu a kumkhua in, na vaknak hi tuk toh ing. Ka sunloihnak huham vaknak cu na humah suak tuk hi.

MALAKHI 3:6

Topa in, “Keimah cu Topa ing hi, a thekdun awng viang ngawlmi ing. Mah hangin noh Jakob casuante cu cimit ma laih ci.

MIPUM SIALNAK 11:17

Hung tung a, nangmah tuah otpihdunin, ka piaksa mi Hawvang cu na lak pen a khenkhat la tung a, amu lakah pia tung hi. Hi mipi cinkhawinak vanngit cu dawn haw tuk a, nangmah bekin pua tukma toh ci.

MIPUM SIALNAK 11:25

Topa cu meingo sung pen hungin, Moses lakah thu hilh hi. Moses lakah a piak zo mi Hawvang khenkhat cu la in, puitu sawm salih tei lakah pia hi. A lak hawah hawvang a hen bek ten profet bangin phu in, awn tawtok haw hi. Mahnaven mahmi a ngei um ngawlin pailehta hi.

MIPUM SIALNAK 23:19

Pathian cu zolthu son thei mihing bang hi ma hi. A lungmu a thek lelem thei mihing bang kha ma hi. A tepmi hempoh cu bawl khawng hi. A awnkam tuah bawl khawng hi

MATTHAI 7:11

Mipha ngawlzet hi nave uhcin na ca tei ca in, a pha mi thil pia thei na hi uh tale vancung na Pa uhin, a ngentu tei humah itin kaw thil a phapha pia ngawlin a um tuk?

LUKA 11:13

Nangmuh misual poh nangawnin thilpha piak tuk na thei uh tale van a um na pa uhin, a ngentu cu Hawvang Thiangtho pia ngawlin i um tuk him?” tin ti hi.

JOHAN 1:9

Mah vaknak cu vaknak ngangai hi. Mah vaknak cu leihumah hungin mi hempoh a vaktiktu vaknak hi.

JOHAN 3:27

Johan in, “Pathian piakmi tih ngawlin kuamah in comi imah nei thei haw tukma hi.

JOHAN 3:3

Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

JOHAN 8:12

Jesuh in Farasi tei lakah, “Kei cu leihum vaknak ing hi, akua hei hihen keimah a zuitute cu nunnak khuavak nei haw tuk a, khuathim sungah vakvai haw tukma,” ti hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 5:31

Pathian in tholehtikin, Israel miten sualsihnak hun nei in, a sualnak haw ngaihdam a hihnak tukin Pathian in lampuitu le nunpantu tukin a taklamah khungtik zo hi.

ROM Khua Khristian Tei Lakah Paul i Laikuat (Paul’s Letter to the Romans) 6:23

Itahim titale sualnak i thaman cu thihnak hi; mahnaven Pathian i laksawng cu a Topa uh Jesuh Khrih tuah a pehzopnak uh hangin kumkhua nunnak hi.

1 KORIN 4:7

Kua in kaw midang sangin cuangcung deuh tukin a bawl? Na neihmi hempoh hi Pathian piakmi hi khawng ma maw? Mahti bangin laksawngin, na ngahmi ahi tale itin kaw na ultung theihnak a um?

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

EFESA 2:8

Itahim titale nohte cu Pathian i hehpihnakin nunpatmi hi uh ci a, mah nunpatnak cu amah na upnak uh i hangin na ngah uhmi hi. Hi nunpatnak na ngahnak uh i hangin kuamah tuangkhawng tukmi hi ma hi, itahim titale a deh a bawl theihnak haw hangin ngahmi kha ma hi, Pathian i laksawng hi.

DAAN PIAKLEHNAK 4:19

Van a, na muh uhmi ni le hade le aksi cu vanhaang nuai mihing hempoh tei ca in hi a, noh ten bia in, a na dek sual pahsuh un.

FILIPI 1:29

Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

HEBRU 13:8

Jesuh Khrih cu zantaak, tuni le kumkhua in kheeldun awng ngawlmi hi.

JAMES 1:5

Nangmu lakah cih le thiamnak a tingsammi na um uh tale Pathian nelah ngen henna, Pathian in pia tuk hi. Itahim titale akua i lakah hei hihen Pathian in phal zetin le hehpihnak tuah pia hi.

JAMES 3:15

Mahtibang cihnak cu vancung pen a hungmi kha ma hi. Leihum cihnak cu hawvang dotu cihnak hi in, dawi siasuak cihnak saw khi hi.

JAMES 3:17

Mahnaven van pen a hungmi cihnak cu i dang sangin a thiangmi cihnak hi. Mah i humah lemdaihnak tuah dim hi. A lungnemin miphial thiam hi. Hehpih ningnatnak nei in, nadeh pha ngah suahpih hi. Deidatnak le iksiknak nei ngawlin ultunnak vang nei ma hi.

1 JOHAN 1:5

A Capa i lak pen a theih uhmi thu le nangmu lakah ka phuan uhmi cu hi thu hihi; Pathian cu vaknak hi, a sungah thimnak umma hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

MANGMUHNAK 21:23

Ni le hade tei vaknak vang kulma hi. Itahim titale Pathian sunloihnak cu mah khuapi ah vakin, a mei inn haw cu Tuuno hi.

MANGMUHNAK 22:5

Mahlai ah zan umleh tukma toh hi, mei inn hei hihen ni i vaknak hei hihen kul haw tukma toh hi, itahim titale Topa Pathian cu amuh tei vaknak hi tuk a, amuh cu kumpi bawi bangin kumkhua in uktu hi haw tuk hi.

1 SAMUEL 15:29

Israel tei sunloihmi Pathian cu zolthu in, a lungmu thekdun li ma hi. Mihing a hih ngawl hangin a lungmu thek li ma,” ti hi.