JAMES 1:1 - Ngawm Bible

¹ Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

JAMES 1:1 Iomraidhean Croise

1 KUMPI 18:31

Jakob casuan hinnam sawm le pa nih tei ai-in, suang sawm le pa nih la hi. Jakob cu Topa in, Israel tihin, a minsakmi pa hi.

EZRA 6:17

Mah ni-in, Pathian lak a, biakpiaknak tukin khuicang za khat, tuucang za nih le tuuno za li pia haw hi; mah hum pen Israel hinnam sawm le pa nih tei sualhah biakpiaknak tukin keel sawm le pa nih pia haw hi.

Esther 3:8

Hamanin Kumpipa i lakah, “Bawipa na uksung le na ngam khen hempoh ah miphun khat um haw in, a umdan haw cu miphun dang tei umdan tuah bangten ma hi. Mah hum pen na ukmi ngamsung a, daan vang zui nuam haw ma. Mah a hih hangin hi ti bangin zoh thong tuk cu nangma ca in pha tukma hi.

SUAHTULNAK 24:4

Topa i thupiakmi Moses in ngan khawng hi. A zingten zingtungno in mah mual bulah, Moses in biaklandawh bawlin Israel miphun sawm le pa nih ca in sialsiahnak suang sawm le pa nih phut hi.

SUAHTULNAK 28:21

Suang manpha sawm le pa nih koih unna, Jakob capa tei min a humah khen un hi. Mah a min haw cu ciangno in khen unna, pa khat humah Israel miphun min pa khat ten ngan un hi.

SUAHTULNAK 39:14

Suang manpha sawm le pa nih belhin, a humah Jakob capa sawm le pa nih tei min kuatin ngan haw hi. Min khetmi bangin khenin suang manpha pa khat humah miphun pa khat min ten cu khen haw hi.

EZEKIEL 12:15

“Ngam dadang le miphun dadang tei lakah ka khenkhek khawng ten Topa ka hihlam thei haw tuk hi.

THIAMPI NADEHNAK 26:33

Ngaldonak hengtik tung a, ngam dadangah khenkhek khawng tung hi. Na khuapi uhte lop khawng tuk a, na ngam uhte veng diudeu tuk hi.

MATTHAI 10:3

Filip le Bartholomew; Thomas le siahkhontu Matthai; Alfias capa James le Thaddaeus;

MATTHAI 13:55

Lettama pa i capa hi ma maw? A nu cu Mary a tih haw poh ma maw? James, Josef, Simon le Judas khi a naute si maw?

MATTHAI 19:28

Jesuh in amuh tei lakah, “Thungai in hilh ing hi, san thak hengin Mihing Capa cu a khunnak sunglawi humah a khun ten noh ka nungzuitu sawm le pa nihte cu Israel miphun sawm le pa nih uktu hi bok tukin khunnak humah khung bok tuk uh ci.

MARKA 3:18

Andru, Filip, Bartholomew, Matthai Thomas, Alfias capa James, Thaddaeus, Phunnam tantu Simon le

LUKA 22:30

Ka uknak sung a, ka cabuai ah in le ei bok tuk uh ci. Israel miphun sawm le pa nih uktu tukin bawi khunnakah khung tuk uh ci,” ti hi.

LUKA 6:15

Matthai le Thomas, Alfias capa James le Simon (phunnam tangtu tin sammi),

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 7:35

Mah hangin Judah thuneitute cu pa khat le pa khat, “Tawh theih ngawl tukin ilai mun poh hawh tum nantim? Judah tei umnak khuapi pa kha khatah hawhin, Grik mite zilhnuam hi nantih maw?” tin ti haw hi.

NUNGZUITU 1:13

Khuapi sungah hawh haw a, amu umnak khanah tum haw hi. Peter, Johan, James le Andru, Filip le Thomas, Bartholomew le Matthai, Alfias capa James, nampantu Simon le James i capa Judah na hi haw hi.

NUNGZUITU 12:17

Peter in, “Mengdenin um un!” tin a khutzapin, Topa in, thawng sung pen a suahtulnak thu khi amu lakah hilh hi. “Hi thu hi James le adang nungzuitu hilh un hi,” tin a tih ceng ten tulin mundangah hawh hi.

NUNGZUITU 15:13

A hilh ceng haw ten James dingto in, “U le naute, ngai un!

NUNGZUITU 15:21

Itahim titale Sabbath nisialin pumkhawm innah Moses Daan cu kum ngeipi sung sial lihmi hi in, Pathian i thu vang cu khua tihkimah phuan hi zo hi.”

NUNGZUITU 15:23

a nuailam a laikuat hi a khut hawah sanin: “Na unau uh keimuh nungzuitute le upa ten Antiok, Siria le Silisia ah a ummi, Gentail unaupih na venghawng uh i lakah nuksatnak laikuat ung hi.

NUNGZUITU 2:5

Jerusalem khua sungah leihum mun le ngam tihkim pen a hungmi Judah mite a um laihtak haw hi a, biaknak lam hei pen a zuam theizette ngeh haw hi.

NUNGZUITU 21:18

A zingten James tawk tukin Paul tuah hawh ung a, pawlpi upate vang kim khawng haw hi.

NUNGZUITU 23:26

“Klaudias Lisias in ngamuktu bawipa Felix lakah laikuat ing. Dam laih cim?

NUNGZUITU 26:7

Mahtin muansannak ka neihmi cu ka miphun uh phun sawm le phun nih ten Pathian khi sun le zan a biak haw laihin muansannak a neih haw lelengmi khi hi. Kumpipa aw, mah muansannak hangin Judah miten ka sual thu a sonnakbel haw hi.

NUNGZUITU 8:1

Stefen a thah haw cu Saul vangin a lungkim bok hi. Mah ni pepan Jerusalem a, pawlpite cu nase zetin bawlsiatnak thuak haw hi. Nungzuitu sialngawl, a dang thu umtu hempoh cu Judah ngam le Samaria ngam sungah khenkeh khawng haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:1

Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

GALATI 1:19

A Topa uh i nau James sial ngawl nungzuitu dang kuamah tawk mang hi.

GALATI 2:12

James i hahmi a hen haw laih ngawlin Gentail unaute tuah an ei langkhat mek haw; mahnaven mah tei hen nungten vunceptan pha a titu a lau hangin Gentail mite cu nunghekin amu lakah an eileh nuam ma hi.

GALATI 2:9

Hotu tin ngaihsutmi James, Peter le Johan ten hi nadeh sunglawi hi Pathian i piak hi, tih thei haw hi. Mah hangin nadek langkhat mi hung hi, tih langtiknakin Barabbas tuah ka khut uh len haw hi. Mahten keimah le Barabbas cu Gentail mitei lakah nadek tukin le amuhte cu Judah mitei lakah nadek tukin lungkimnak nei ung.

DAAN PIAKLEHNAK 28:64

“Topa in leimawk deng pen langkhatlam leimawk deng tianin khenkhek khawng tuk a, mah laih ngamah nangmuh hihen, na pu le pa uhten hihen, na theih awng ngawl uhmi le na biak awng ngawl uhmi suang le thing a bawlmi milim bia tuk uh ci.

DAAN PIAKLEHNAK 30:3

Mahbek ten Topa in, na hum uhah hehpihnak nei tuk hi. A khenkheknak ngam pen kiklehtik tuk a, neinung zetin umleh tuk uh ci.

DAAN PIAKLEHNAK 32:26

Keimah in lengkektik khawng tung tin ngaisung ing. Kuamah in, a cungcang haw theileh haw tukma toh hi.

DAAN PIAKLEHNAK 4:27

Topa amah hihimin miphun dang tei lakah khenkhek khawng tuk hi. Mi demno son tham ngawl bek tang tuk uh ci.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

2 TIMOTE 4:21

Khawsik hun heng laih ngawlin a hung thei tukin zuamin hi. Eubulas, Pudens, Linas le Klaudias ten nuksat haw in, a dang thu umtute vangin nuksat bok haw hi.

TITUS 1:1

Pathian nadektu le Jesuh Khrih kamtai palai keimah Paul in laikuat ing. Pathian in, a tenmi a mihing tei umnak haw kho deuhtik tukin le eimu biaknak thudik sungah pui tukin, Pathian in tengin hah hi.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

MANGMUHNAK 7:4

Mahten Pathian melciknak tacik khetnakin, a cal hawah khetsa mite cu thawng za le thawng sawm li le thawng li hi tin hilh haw hi. Mahmite cu Israel minam sawm le pa nih sung pen haw hi.