HOSEA 9:3 - Ngawm Bible

³ Israel mite cu Topa i ngam sungah um haw tukma toh hi. Izipt ngamah kiklehin, Assiria ngamah a thiang ngawlmi an eileh haw tuk hi.

HOSEA 9:3 Iomraidhean Croise

1 KUMPI 9:7

Ka mihing Israel mite cu ka piaksa ngamsung pen lengkektik khawng tung hi. Keimah biaknak tukin ka thianthohtikmi hi Biakinn hi lawl tung a, leihummi hempohin Israel mite cu zawnsakin nautatzet haw tuk hi.

2 KUMPI 17:6

Hoshea in Israel ngam a uknak kum kuahnakin, Assiria kumpi in Samaria khuapi cu la hi. Israel mite cu Assiria ah sila in pui hi; a khenkhat cu Halah khua ah umtik hi; a hek cu Gozan peng Habor Ngun elah umtikin, a hek cu Media khuapite ah umtik hi.

JEREMIAH 16:18

A sualnak haw le a phat ngawlnak cu a let nihin lohlehtik tung. Itahim titale mithi luang bang nunnak a nei ngawlmi, milim ten ka ngam nawngkaitik haw a, imah ahi ngawlmi pathian dimtik zo haw toh hi.”

JEREMIAH 2:7

Ngamphazet sungah, ngamsung suakmi thilpha le a ngahte ei tukin henpih ing. Mahnaven ka ngam siatsuah lamsangin, ka piakmi ngam nawngkaitik thong haw hi.

KAH LA 5:6

Ka nuncak theihnak tuk uhin, Izipt ngam le Assiria ngamah an ngenin hawh ung.

EZEKIEL 4:13

Topa in, “Hi cu daan i khammi ante cu Israel mite ngam dadangah ka khen khek nungten iti bangin ei haw tuk tih langtiknak,” ti hi.

DANIEL 1:8

Daniel in kumpi inn a, an ei in le zu in thahin a thiang ngawlmi hi tuk ngawlin a lungmu sungno ah khenkhuai hi; mah hangin Ashpenaz cu amah bawm tukin hehpih ngen hi.

HOSEA 11:11

Izipt pen vano bangin manlang zetin hung haw tuk a, Assiria pen khulo bangin heng haw tuk hi. Amu inn tekah pinpih tung tin, Keimah Topa in hilh zo ing.”

HOSEA 11:5

Mahnaven ka nelah kikleh nuam ma hi. Mah hangin Izipt ngamah kiklehin Assiria in ukleh tuk hi.

HOSEA 7:11

Israel cu ngaihsutnak nei ngawl, misil bangin vak kawi hi. Amasa in bopnak ngen tukin Izipt ah hawhin, a dawlta ten Assiria nelah hawh leleu hi.

HOSEA 7:16

Huham cahnak a nei ngawlmi pathian dang tei nelah pialsan lelem haw hi. Amuh cu a kawi mi thal bangin muantak haw ma hi. A lupi haw cu pualthau zetin, a ot haw hangin sak thihin thi haw tuk a, Izipt ten nuihsan haw tuk tin,” ti hi.

HOSEA 8:13

Biakpiaknak bawl cu nap zetin, biakpiaknak cik eih vang nuamzet haw hi. Mahnaven keimah a Topa haw in, amu humah ka lungkim mang hi. A sualnak haw cing leleng tung a, mah a sualnak haw hangin bawlsia tung a, Izipt ngamah kuat kikleh tung!

HOSEA 9:6

Lungbingnak hun hengin, mipi a lengkek khawng haw ten Izipt ten Memfis khuapi ah vui tukin cawm khawng haw tuk hi. A sui le ngun, inn le lo umnak mun cu hampa le ling kungte po tuk hi.

THIAMPI NADEHNAK 18:28

Mah tih bangin na zui uh tale na mu laih ngawlin a umtu Pathian thei ngawlte a lawl bangin noh cu hi ngam pen lawl tukma hi.

THIAMPI NADEHNAK 20:22

Topa in, “Hi ka henpihnak ngamin, nohte a lawl ngawlnak tukin ka daan le ka thupiakmi hempoh zui un hi.

THIAMPI NADEHNAK 25:23

Na leingam uh cu kumkhua ca in zuak pahsuh uh hi; itahim titale nangmuta hi ma hi, Pathian ta hi, noh cu ngamdangmi hi uh ci a, hun demno sung mantik hihmi bek hi uh ci.

AMOS 7:17

Mahti bang na tih hangin, Topa in, na lakah, na zi cu khua sungah numei pha ngawl cang tuk a, na canote cu ngalnam tuah thi haw tuk ti hi. Na ngam uh cu khenkhek khawng hi haw tuk a, midang tei lakah piak hi tuk toh hi. Nangmah vang Pathian thei ngawltu ngam, ngamdangah thi tuk ci. Israel mite cu a ngam haw pen, salin pui khawng loli haw tuk,” ti hi.

MIKAH 2:10

Tho unna, hawh un; hilai munah humhimnak dawmno hei umma toh hi. Na sualnak uhin hi mun cu siatsuah khawng zo hi.

NUNGZUITU 10:14

Mahnaven Peter in, “Topa, mah ma hi! A thiang ngawlmi le a nawngkai mi cu ei hihim mang,” ti hi.

DAAN PIAKLEHNAK 28:63

Nangmuh a hauhtiknak le a pungzai tiknakah Topa cu a lungdamzet hi, mahti bangin nangmuh pailal tuk le siatsuah tukin a lungdam leleng tuk hi. Na luahtum tuk uhmi ngam pen pholhsuah khawng hi tuk uh ci.

DAAN PIAKLEHNAK 28:68

Topa in, hawhleh tukma toh uh ci tin, tiam zo naven na zui sa uhmi lampi ah zui in, Izipt ngamah kuatleh tuk hi. Mahlai na ngal tei lakah a sal haw tukin na zuakdun li uh vangin a leitu kuamah um haw tukma tin,” ti hi.

DAAN PIAKLEHNAK 4:26

Mahti bangin na bawl ngangai uh ahi tale lei le van salin tuni in hilh ing hi: hi ngamah ngei ngamta tukma uh ci, a ngeican um ngawl pailal tuk uh ci. Na luah tuk uhmi Jordan ngun ngalah ngei nung tukma uh ci, siatsuah khawng hi tuk uh ci.

JOSHUA 23:15

Topa na Pathian uhin bawlsuak tukin a tepmi hempoh cu bawl khawng zo hi. Mahnaven, na hum uh a thilpha a bawltu Pathian in, a thu na zui uh ma tale na hum uhah thilpha ngawl hengtik tuk hi.