HOSEA 7:2 - Ngawm Bible

² Thilpha ngawl a bawl haw mi hi ciing leleng tung tih hi ngaisung baan haw ma; a sualnak haw in, amuh upbing khawng zo a, zothong thei viang mang,” ti hi.

HOSEA 7:2 Iomraidhean Croise

JOB Laibu (The Book of Job) 34:21

Pathian in mihing tei lampi zo hi, mihing tei ke kal cu zo cangcian hi.

SAAM LABU 10:11

Mipha ngawl ten, “Pathian in mihing cu imah simsial ma hi. A mitsingin mu tukma hi,” ti hi.

SAAM LABU 25:7

Ka neulaih a ka khelhnak le ka thil bawl sual mite, ngaidam zalin hi. A khelleh awng ngawlmi na ihnak le na phatnak hangin, Topa aw, kei hi phawkngil zal pahsun.

SAAM LABU 50:22

Keimah a simsial ngawl tute Hi thu hi komno in ngai un; Mahma tale, nohte cu siatsuah khawng tung. Kuamah pantu nei tukma uh ci.

SAAM LABU 9:16

Topa cu a dikmi a thukhennakin amah langtik cop hi. Mahnaven mipha ngawlte cu amu bawlmi in awk cop haw hi.

SAAM LABU 90:8

Ka sualnak uhte cu na mitmuhah koih ci; A kuhno in ka bawl sual uhmite hei, mu khawng ci.

ISAIAH 1:3

Khui in, a neitu thei hi; laak hei in, a bawipa i an piaknak kuang thei hi. Mahnaven ka mihing Israel miten mahti bang hei thei haw ma. Imah thei bikbek haw ma hi.”

ISAIAH 26:16

Maw Topa na mite dantat ci a, A lungkhamin na lakah thungen haw hi.

ISAIAH 44:19

Milim bawltu in, “Thing khenkhat cu mei ah haal khawng ing. Meiling humah cangho emin ei ing. Adang thing cu milimah bawl ing. Mahmi thingta khat i mai ah atu hi a kun li ing nge! tih ngaihsutnak neuno hei nei kha haw ma hi.”

ISAIAH 5:12

Na puai uhten tingtang le khuang le pheveute tumin, sabittui tuah diatdun uh ci. Topa in, i bawl him tih cu thei zo ma uh ci.

JEREMIAH 14:10

Topa in hi tei thu son a, “Hite hi ka lak pen tai nuamzet haw, amuh le muh ukdun zo haw ma. Mah hangin a hum hawah ka lungdam mang. Thilpha ngawl a bawl haw mi thei leng tung a, a, sualnak haw i hangin bawlsia tung,” ti hi.

JEREMIAH 16:17

A nadeh haw hempoh mu khawng ing. Ka mai ah a sel theih haw imah umma; A sualnak haw ka muh ngawlmi imah umma.

JEREMIAH 17:1

Topa in, “Maw Israel mite, na sualnak uh cu thikzum tuah ngatin um hi; na lungmu uh humah suangval hiam tuah ngat hi a, na biaklandawh kilah khetcih hi.

JEREMIAH 2:19

Nangma sualnak bawlmi lala in nangmah bawlsia tuk a, lam na pialnakin nangmah mawhsiat tuk hi. Keimah, Topa na Pathian nunghek ci a, ka humah kihcaknak na neih ngawl toh hangin na ca in, thilpha ngawl a hihlam thei tawto tuk ci. Ihempoh tithei, Topa, Cungnungbelin hilhham zo ing,” ti hi.

JEREMIAH 32:19

Nang cu thu ngaisung thiamtu, thasiahhuai nalamdang bawltu ci. Mihing tei bawlmi hempoh mu khawng ci a, a nadehman haw laksawng pia ci.

JEREMIAH 4:18

Judah, na nunzia le thilpha ngawl na bawlmi hi na humah hengtik ci. Na sualnakin hi thuaknak hi piangtik hi. Ceipi bangin na lungmu sun zo toh hi.

JEREMIAH 44:21

“Nangmuh le na pu le pa uhten hihen, na kumpi uhte le na hotu uhten hihen, mipi ten hihen, Judah ngam khuasung le Jerusalem khua lampi humah na bawl uh hempoh cu Topa in thei kha tukma poh hi, a thei vangin phawkngil zo hi tin, maw na ngaihsut uh?

EZEKIEL 21:29

Muhnak na neih uhmi cu zolthu hi; mailam thu na hilh ham uhmi cu a thawnthong hi. Mipha ngawl le mi sesuak ngangai hi uh ci, na thuaknak tuk uh ni nungdawlbel dantatnak na thuaknak uh ni cu heng li toh hi. Ngalnam tuah na ngawng uh sat tuk hi.

HOSEA 12:2

Topa in, Judah mite mawhsiat tuk nei hi; Israel mite cu a nungcang a phat ngawl hangin bawlsia tukmi hi. A bawlmi haw humah phu la tung.

HOSEA 4:9

Ka miphunte bang bokin, dantat tawk bok tuk uh ci. Thilpha ngawl na bawl uh hangin bawlsia in dantat tung hi.

HOSEA 6:2

Ni nih nungten tho lehtikin, ni thumnak ten nunglehtik tuk hi.

HOSEA 8:13

Biakpiaknak bawl cu nap zetin, biakpiaknak cik eih vang nuamzet haw hi. Mahnaven keimah a Topa haw in, amu humah ka lungkim mang hi. A sualnak haw cing leleng tung a, mah a sualnak haw hangin bawlsia tung a, Izipt ngamah kuat kikleh tung!

HOSEA 9:15

Topa in, “Thil sual a bawl haw mi hempoh cu Gilgal pepan hi. Mahlai mun pen a muhte hua pan ing. Thil sual a bawl haw hangin ka ngamsung pen hawlvawk tung hi. Ituk mah ten deihleh tukma toh ing, a lupi haw ten keimah langpang khawng haw hi.

HOSEA 9:9

A thil bawl haw cu a pha ngawl leita hangin Gibeah khua ah a bawl haw mi bangkek hi. Pathian in, a sualnak haw cu cing lelengin bawlsialeh tuk hi.

AMOS 8:7

Topa Israel i Pathian in thutiamin, “Sualnak a bawl haw mi cu phawkngil tuk mang.

JONAH 1:2

“Tho inna, a nasezetmi Nineveh khuapi ah hawh in, a sualdan haw phuangin hi. A phat haw ngawl dan cu mu khawng zo ing.”

MIPUM SIALNAK 32:23

Mahnaven na thutep uhmi zui ngawlin, na um uh tale, tu pepanin thei ham un, Topa i humah misual hi tuk uh ci. Thei ma si ung tin, ti kha pahsuh un. Na sualnak uhin, nangmuh cu zei in muleh leleng tuk hi.

LUKA 12:2

Ilam banglam hei hihen khuhmi pawpoh cu hon khawngin um tuk a, thu-ip hempoh phuankehin um tuk hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

DAAN PIAKLEHNAK 32:29

Ita ngal sung ung kaw, tih mu thei haw ma hi. Ita hi bangin cangta ung kaw tihvang mu thiam haw ma.

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.