HOSEA 7:1 - Ngawm Bible

¹ “Ka miphun Israel, damtikin khangtotikleh tuk deih naveng, phat ngawlnak le thil sual bawl li bekin mu ing. Pa khat le pa khat zoldun haw, inn suletin van ngudun haw, lampi lak pen mi nate lonsak haw hi.

HOSEA 7:1 Iomraidhean Croise

ISAIAH 28:1

Israel uknak cu bothal zo hi! A sunloihnak cu a hotu zukham misil tei lu humah, pak tuah bawlmi kumpi lukhu a thim bangin thimta hi. A ultung zetmi a lu cu namtui noihli haw naven, thi awndiakin zu a kham haw hangin lumthong haw hi.

ISAIAH 59:12

“Maw Topa na hum a ka sualnak uh tam ngangai. Ka sualnak uhin mawhsiat hi. Ka sualnak uh cu theicel khawng ung.

ISAIAH 59:13

Nangmah do in, kik ung. Zui nap ma ung. Midangte bawlsia in, na humah langpang ung. Ka ngaihsutnak uh camcawi thei ma, ka ot uhmi vang zolthu ngeh.

ISAIAH 59:14

Diknak cu hawlvawkin, thudikin nekleh thei ma toh. Mipi pumkhawmnak munah thutak cu bahin, dikcangnak ca in mun tong ma toh

JEREMIAH 51:9

Mahlai a ummi ngamdang ten, ‘Babilon bawm tum nave ung, khuanu leita zo hi. Hawhsan nung inna, a ngam uh le a khua uhah pin nung. Pathian in, a ngilnak hempoh tuah Babilon cu dantatin siatsuah khawng zo ti haw hi.’ ”

EZEKIEL 16:46

Na unu upabel cu a canute tuah saklam a um Samaria hi. Na naunu cu a canute tuah hanglamah a um Sodom mi hi.

EZEKIEL 23:4

A upa saw cu Oholah hi in, a naunu cu Oholibah hi. A pa nih haw in, ka zi hi haw a, canu le capate hinsak haw hi. Oholah cu Samaria hi, Oholibah cu Jerusalem hi.

EZEKIEL 24:13

Jerusalem, na nungcang phatngawlnakin nawngkaitik hi. Thiangthotik tuk tum naveng nawngkai leleng ci. Ka thinuknak nasezet na thuak laklawh thiangtholeh tukma toh ci.

HOSEA 10:5

Samaria khuapi sung a, ummite cu a thinsu haw in, Bethel a sui khuicang zuk a paih hangin, thasiazet haw tuk hi. Amuh le a thiampi ten khuicang zuk cu kah haw tuk hi. A mawinak sui hempoh a lak khawng haw ten kapin, au li haw tuk hi.

HOSEA 11:12

Topa in, hi bangin ti hi, “Israel miten zolthu a sonnak le a mizolnak haw tuah keimah kim haw hi. Muantak le a thiangtho zetmi Pathian hi naveng Judah miten keimah langpang leleng haw hi.”

HOSEA 11:8

“Israel, iti bangin kaw nang ka hah thong theih tuk? Israel, ita nang nunghek san thei tung kaw? Admah bangin ita siatsuah tung heng? Zeboiim bang ka bawl tuk cu ngaisung thei mang hi. Ka ihnak ka lungmu cu lumin, nemzet hi.

HOSEA 12:1

Zing khuavak pepan taklam nitum tian Israel tei bawlmi cu nemcuamnak um ngawl, siatsuahnak bebek hi. Amuh tei lakah mi mualphohnak le siatnak lam bebek luaitik haw hi. Assiria tuah ngallemnak bawlin, Izipt tuah van lei dunnak bawl haw hi.

HOSEA 12:2

Topa in, Judah mite mawhsiat tuk nei hi; Israel mite cu a nungcang a phat ngawl hangin bawlsia tukmi hi. A bawlmi haw humah phu la tung.

HOSEA 4:17

Israel mite cu milim ten ham khawng zo haw a, amu nuamnak munah hawh haw tahen.

HOSEA 4:2

Thutiamnak a bawl haw vang pheleh haw a, zolthusonin, mi that haw, nguca in, zi le pasal ten lawm dang neihsan khawng haw hi. Thisan luannak tam dedeuhin, mi thahnak pa khat nung pa khat um pepel hi.

HOSEA 5:1

Noh thiampite hi thu hi ngai un. Noh Israel mite phano in ngai un. Kumpipa i unaute ngai un! Thudik tuah thukhentu tuk nave uhcin na hum uhah thukhennak heng tuk hi. Mizpah mual a thangin cang uh ci. Tabor mual a mi awktu sukin cang uh ci. Akhesia khua ah mitei caksuknak tuk khuk bangin cang uh ci.

HOSEA 6:4

Topa in, Israel le Judah mite aw, nohte iti bang tung kaw? Keimah na ihnak uh cu zinglam meingo bangin manlang zetin thamthong a, daita bangin manlang zetin hul thong hi.

HOSEA 7:13

“Amuhte cu cimit haw tuk hi! Keimah taisanin langpang zo haw hi. Amuhte cu siatsuah hi haw tuk hi. Pan nuamzet naveng keimah a biak daan tuk khial haw hi.

HOSEA 8:5

Samaria khua tei sui tuah khuicang zuk a biak haw cu huazet ing. A hum hawah ka thinukzet ing. Milim cu itih hun tiang bia haw tuk nen tim? Ituk ten cawl haw tuk nen tim?

HOSEA 8:9

Hampalak um laak bangin thinlian haw in, amu nuamnak lampi bek zui haw hi. Assiria bopnak ngen nuamin tai haw hi. Miphun dang lakah ngal khamsak tuk deihin nawhthuh pia haw hi.

AMOS 3:10

Topa in, “Hihmi ten a kumpipa i innsung cu sualnak le thisan luannak tuah a lak haw mi nate tuah dimtik haw hi. Midik hihnak lampi hei theileh haw ma toh hi.

AMOS 3:9

Izipt le Ashdod kumpi inn sung a, ummi tei lakah hithu than un. “Samaria elkim mualhumah tawkdun khawm unna, mahlai a, thil sual a bawl haw mi le simsolnak nase zetin, a ummi cu zo un tin ti un.”

AMOS 8:14

Samaria milim tei min tuah siatcamtute, Dan min lotute, Beersheba min lotute cu bah haw tuk a, tho kikleh haw tukma toh hi.”

MIKAH 6:16

Kumpi Omri le a capa kumpi Ahab i bawlmi thilpha ngawl cung zo uh ci. A zam haw mi thilpha ngawl cu na zui leleng uh hangin siatnak hengtik tung a, mi hempohin zawnsak haw tuk hi. Khua hempoh ten nuihsanin, zawnsak haw tuk,” ti hi.

MATTHAI 23:37

“Jerusalem, Jerusalem! Na lakah Pathian in, a tiikmi profette thatin, suang tuah sep ci. Akpi i aknote a ha nuai ah a uap bangin na mite uap nuam li naveng nuam ma ci!

LUKA 13:34

“Jerusalem, Jerusalem aw! profet thatin, nangma lak a, Pathian hahmite khi suang tuah sep hum ci. Akpi in, a canote a ha nuai ah a uap bangin na mihingte vei tampi ka khut tuah hup nuam naveng phal awng ma ci.

LUKA 19:42

“Tuni in lemdaihnak ca in, a kulmi ihim tih na thei ahin! Mahnaven mu le na mu thei uh si ngawl!