HOSEA 6:3 - Ngawm Bible

³ Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

HOSEA 6:3 Iomraidhean Croise

2 Samuel 23:4

Meingo um ngawl zinglam a suakmi ni bang, nguahkam in hampa a detiktu, ni bang hi,” ti hi.

JOB Laibu (The Book of Job) 29:23

Akua hei in ka awn ngai tuk cu nuamzet ten haw, Lobung ten khuapi nguah a deihzet haw bangin hi.

SAAM LABU 19:4

Mahnaven a aw haw cu leihum khua hempoh ah thang hi. A thu that haw mi cu van mawk tian khong hi. Vanah khin Pathian in ni ca in puan buk zaksak hi.

SAAM LABU 19:6

Vanmawk langkhat pepanin, langkhat lam tian kimin tai hi. A satnak pen kuamah a ngelh theitu um haw ma hi.

SAAM LABU 63:8

Ka nunnakin nangmah zuanin na taklam khutin himtik ci.

SAAM LABU 65:9

Lei ngam na ih hangin nguah zutik ci. Lei ngampha tukin leihum lei alin bawl ci, Na bawlmi luituite cu kang awng ma hi. Leihumah ankungte potik ci. Mahtizah pha in thil bawl ci.

SAAM LABU 72:6

Kumpi cu hampa humah a cakmi nguah hi henna, leihumah a cakmi nguahtui bang hi zal hen.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

ISAIAH 2:3

a mihing haw ten, “Topa i mualah hawh nung; Israel Pathian i Biakinn ah zui tuk a deihmi cu zilh tukin, a tensami a lampi ah hawh tuk hung. Topa i thu zilhmi cu Jerusalem pen hungin; Zion pen a mitei lakah hilh hi.”

ISAIAH 32:15

Mahnaven Pathian in, a hawvang eimu lakah khunleh tuk hi. Lei ngam siate cu ngampha in canglehin, lo ten an tampi kaisuah haw tuk hi.

ISAIAH 44:3

Adangdum mi ngamah tui pia tung; ngamkonakah tui luangtik tung; Na ca tei humah ka hawvang buak tung a; Na casuan tei lakah muicu pia tung hi.

ISAIAH 5:6

Hampa po in, dim khawng hen. Sabit kung cu thiangtik tukma toh ing, a bung vang bung tukma toh ing. Ling le buak dim khawng hen. Meinim hei nguahzutik pahsun, tin kham tung.”

ISAIAH 54:13

“Na mite cu keimah loli in zilh tung a, lemdaihnak le khantohnak pia tung hi.

JEREMIAH 24:7

Topa ka hihlam a theihnuamnak haw tukin, kei cu a Pathian haw hi tung hi. Itahim titale a lungmu hempoh tuah ka lakah kikleh haw tuk hi.

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

HOSEA 10:12

Nangmu ca un lei thak let un; thudik cu phut unna, keima lam na tanman uhin, thupha conak cangngui cu at un hi. Na Topa uh keima nelah na kihleh hun can uh kim zo; keimah hungin, na hum uhah thupha pia tung ti ing.

HOSEA 14:5

Israel tei ca in ngamko a, nguahtui bang hi tung hi. Lily pak bangin pak haw tuk a, Lebanon thingkung bangin kho zetin poto haw tuk hi.

HOSEA 14:6

A zik thak tawtmi olif thingkung bangin mawi haw tuk hi. Lebanon ngam a, sidar thing kung bangin namtuizet tuk hi.

HOSEA 2:20

Ka thutiam khotik tung a, keima ta hi tuk ci. Keimah cu na Topa ka hihlam thei tuk ci.

MIKAH 4:2

A miphun ten, “Topa i mualhum Israel tei Pathian i Biakinn ah hawh ten nung. Dehtik a nuammi cu cung tuk hung a, ama ca a tensami lampi ah hawh tuk hung,” tin ti haw tuk hi. Topa i thuzilhnak cu Jerusalem pen hungin, Zion pen a mihing tei nelah hilh hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

MIKAH 5:7

Israel mi a tangcalam cu miphun tampi ca in Topa i khiaksukmi daita bang hi haw tuk hi; thingkung dawnno ca in nguah masabel bang hi haw tuk hi. Mihing muang ngawlin Pathian bek muang haw tuk hi.

ZEKHARIAH 10:1

Topa i nelah ha thak ten nguahzu tuk ngen un. Mi hempoh tei lo ngam hingtiktu, nguahtui le meingo a umtiktu cu Topa hi.

MALAKHI 4:2

Mahnaven ka thu a zuitu noh tei ca in, ka mi patnak huham cu ni bangin vak zihziah tuk a, noh tei humah, ni alin damnak a piak bangin noh tei humah damnak hengtik tuk hi. Khuino cu khui inn pen a suah haw bangin luat hilhialin le lungdam zetin um tuk uh ci.

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

LUKA 1:78

A Pathian uh cu mi hehpih thei nunnemmi hi. Nunpatnak zing khuavak cu ohtei lakah vaktik tuk hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

NUNGZUITU 17:11

Mahlai a mipi cu Thesalon mite sangin a lungmu taituang saw deuh haw hi. A thuhilh haw mite cu lungmu tak tuah ngai in, nisialin, Paul i hilhmi cu hi ngangai maw, hi ngangai ma him tin, Lai Thiangtho sialin zocik haw hi.

DAAN PIAKLEHNAK 32:2

Ka thu zilhmi cu van nguah bangin zuu hen, Leihumah daita bang hi tuk hi. Ka awn cu thingkung dawnno humah nguahsial bangin cak tuk hi. Nguah nemno bangin hampa dawnno tei humah zuu tuk hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

2 PETER 1:19

Mah hangin profet tei hilhmi thuthang humah upkhonak nei dedeuh ing. Nangmuhte vang mah thu cu thupizet hi tin na ngaisung thei uh tale pha hi, itahim titale mah thu cu Khrih ngilnak na lungmu sung uhah nikonghong aksi vak bangin a vak laklawh tian khuathim sung a vakmi mei inn bang hi.

MANGMUHNAK 22:16

“Keimah Jesuh in, pawlpi tei lakah hi thute than tukin ka vancungmi nohtei lakah hawhtik ing. Keimah hi David casuan ing hi. Keimah hi a vak zetmi nikonghong Aksi ing,” ti hi.