HOSEA 5:1 - Ngawm Bible

¹ Noh thiampite hi thu hi ngai un. Noh Israel mite phano in ngai un. Kumpipa i unaute ngai un! Thudik tuah thukhentu tuk nave uhcin na hum uhah thukhennak heng tuk hi. Mizpah mual a thangin cang uh ci. Tabor mual a mi awktu sukin cang uh ci. Akhesia khua ah mitei caksuknak tuk khuk bangin cang uh ci.

HOSEA 5:1 Iomraidhean Croise

JEREMIAH 11:7

A pu le pate Izipt ngam pen ka puitul laihin, ka thu ngai tukin ngallinnak pia ham khawng zo ing, tuni tian pia li laih ing.

JEREMIAH 13:18

Topa in ka lakah, “Kumpipa le a zi cu hilhin; kumpi khunnak pen tolh haw hen, itahim titale a kumpi lukhu mawizet haw cu a lu haw pen kulh zo hi.

JEREMIAH 46:18

Cungnungbel Topa, Keimah hi kumpi ing. Keimah hi a nungmi Pathian ing. Mual dangte sangin Tabor mual a san bangin, tuipi hum a, Karmel mual a din bangin, Nangmah a dotu i ngilnak cu hi tuk hi.

HOSEA 10:15

Thilpha ngawl na bawl uh a tam leita hangin mahti bang bokin, noh Bethel mitei humah heng tuk hi. Ngaldonak a pat bek ten Israel kumpi cu thi tuk,” tin ti hi.

HOSEA 13:8

Ano lonsakmi vompi bangin nangmuhte manin botlai tung. Kiosa bangin na umnak mun uh pen ei khawng tung. Sahang bangin nangmuhte zan niknekin botkek tung.

HOSEA 4:1

Topa in, hi ngamsung a ummi tei humah lungkim ngawlnak nei hi. Israel a hilhmi hi ngai in “Hi ngam sungah itnak um ngawlin le muantak hihnak hei umma hi. Mihing ten a Pathian in koih haw ma.

HOSEA 6:9

Thiampite cu damiah bangin mi pang thei haw hi. Shekhem mun thiangtho hawhnak lampi hei pen mithat haw hi. Mahtibang thilpha ngawlte cu a ti himin, a bawl haw mi hi.

HOSEA 9:8

A miphun Israel tei nelah ngallinnak thu hilh tukin Topa in keimah cu profet tukin hah hi. Mahnaven ka hawhnak hempoh ah vano bangin thang tuah awk tuk tum uh ci. Pathian innsung hei pen mipi cu profet pa i ngalin cang haw hi.

JOEL 1:2

Noh, khanghamte ngai hih un; Judah ngamsung a ummi ten thei ten un. Na khan sung uh le na pu le pa tei khan hei ah hiti bang thu piang awng a maw?

AMOS 3:1

Israel miphunte, Izipt ngam pen na miphun buppi uhin Topa i puitul ten nangmuh i thu a sonmi hi ngai un.

AMOS 7:9

Isaak casuan tei Pathian biaknak mun cu siatsuah khawng tuk hi. Israel i mun thiangthote cu buaksehnak munin cang tuk hi. Kumpi Jeroboam i cikhaih tei ngam uknak cu botik tung,” ti hi.

MIKAH 3:1

Israel uktute ngai un. Dikcangnak a deihtu tuk hi nave uhcin,

MIKAH 3:9

Israel uktute, diknak hua in le thilpha mi thilpha ngawl a cangtiktute, ngai un!

MIKAH 7:2

Hi ngam sungah midik le Pathian muangtu pa khat hei um haw ma. Mithahnak hun tuk bek ngak haw hi. Pa khat le pa khat mualphodun tukin pangdun leng haw hi.

MALAKHI 1:6

Ihempoh tithei Topa in, thiampi tei lakah, “Capa in, a pa cu upatin, sila vangin, a bawi upat hi. Keimah cu na pa uh hi naveng, itakaw na upat uh ngawl? Keimah cu na Topa uh hi leng naveng, ita maizah ma uh nge cim? Mi zawnsak uh ci a, ‘Iti bangin kaw ka zotsak uh?’ tin dongta laih uh ci.

MALAKHI 2:1

Ihempoh tithei Topa in, thiampi tei lakah, “Hi thupiakmi cu nangmu ca tuk hi.

THUKHENTUTE 4:12

Sisera lakah, Abinoam i capa Barak cu Tabor mualah heng zo hi tin, a hilh haw ten,

THUKHENTUTE 4:6

Ni khat cu Deborah in mi hahin, Naftali ngam Kedesh khuapi a ummi Abinoam i capa Barak samtikin, a lakah, “Topa Israel Pathian in, nangmah thupia hi, “Hawh inna, na mihingte cu Tabor mualah pui in, Naftali le Zebulun hinnam tei sung pen ngalkap thawng sawm la in, ti hi ma maw?

1 SAMUEL 7:16

Kumsialin Bethel, Gilgal le Mizpah ah hawhin, thubuainak um hempoh lem pepel hi.

1 SAMUEL 7:5

Israel mite cu Mizpah khua ah tawkdun khawm tukin Samuel in cah khawmin, “Mahlai pen Pathian nelah nangmu ca in thungen tung,” ti hi.

1 SAMUEL 7:6

Mah hangin Mizpah ah tawkdun khawm haw hi. Tuicawi in Topa i lakah biakpiaknak munah tui leih haw a, sun nilui ancang haw hi. “Topa i humah sual ung hi,” tin ti haw hi. Samuel in Mizpah ah Israel tei thu son sak hi.