HOSEA 4:5 - Ngawm Bible

⁵ A sun a zanin sualnak bawl pawpawh uh ci a, profet vang nangmuh sangin pha saw cuang haw ma. Na nu uh Israel cu siatsuah tung.

HOSEA 4:5 Iomraidhean Croise

ISAIAH 50:1

Topa in, “Mi pa khatin, a zi a maak bangin ka mite hi maak bok tukin maw na ngaih sut uh? Mahti bang ahi tale ka maaknak lai ilai ah kaw? Mi pa khatin, a canote salah a zuak bangin, ngal matnakah zuakin maw na ngaihsut uh? Mah kha ma hi. Nangmu sualnak hangin ngalmatmi hi uh ci! Thil sual na bawl uh hangin hawlvawkmi hi uh ci.

JEREMIAH 15:8

Na ngamsung uh a, meivong cu tuipi thuanthum mawk philnel sangin, tam saw haw hi. Na tangval uhte a khanno haw laihin that ing a, a nu haw ten thuak ngangai haw hi. Ngaihsut khak ngawlpi in, lungmu tamnak le launak cu amu lakah hengtik ing.

JEREMIAH 23:9

Ka lungmu tamzanta hei, tha nei ngawlin hing tetek thong ing. Topa i hangin, a thu thiangtho hangin hi. Zukham misil bangin, sabittui tam leita a inmi bang ing.

JEREMIAH 50:12

Mahnaven nangmu khuapi nasezet cu, zakca le mualpho in um tuk hi. Babilon hi miphun hempoh lak pen a nawmtambel miphunin suak tuk hi. Ngamko le tui um ngawlnak phillawnin suak tuk hi.

EZEKIEL 14:3

“Mihing pa, Ezekiel aw, hi Israel hotu ten a lungmu sungah milim koih haw, mahmi cu amu ca, lupbahnakin suak hi. Thu a siampih haw hei in donleh tukin maw a ngaihsut haw?

HOSEA 2:2

Ka cate aw, na nu uh thusonpih un, amah cu ka zi kha ngawltohin, kei vang a pasal ka hih ngawl toh hangin pano dang tuah a sualnak le numei pha ngawl a hihnak pen tawp tukin hilh un.

HOSEA 5:5

Israel tei pualthaunak cu amuh le muh sualtiktubel tuk hi. A sualnak haw in bahtikin lum haw hi. Judah vang ama nelah tu bok hi.

ZEKHARIAH 11:8

Keimah a huatu tuucing pa thum humah ka thinsau thei ngawl toh hangin ha khat sungin, a pa thum haw hawlvawk ing.

ZEKHARIAH 13:2

Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung.

GALATI 4:26

Mahnaven vancung Jerusalem cu a luatmi nu hi a, amah cu a nu uh hei hi.