HOSEA 4:3 - Ngawm Bible

³ Mah hangin hi ngam cu ko in, a sung ummi nunnak nei hempoh thi haw tuk hi. Ngamsa, vano le ngasate vang thi khawng haw tuk,” ti hi.

HOSEA 4:3 Iomraidhean Croise

ISAIAH 33:9

A ngam haw cu kua ma bun ngawl thacangin, khing diudeu thong hi. Lebanon ngam a tupite cu thim khawngin Sharon munlawn ngamphazet cu phillawn ngam bangin cang thong hi. Bashan ngam le Karmel mual a thingkungte cu a ceh lei ah zuk khawng hi.

JEREMIAH 12:4

Ituk tian kaw ka ngam uh hi a ko tuk? Ituk tian kaw ka ngam buppi uhin hampate a thim tuk? Ngamsa le vanote vang a thih li haw tuk? ‘Pathian in, a bawl uhmi mu li sapma! A titu mihing tei sualnak hangin,’ ” ti hi.

JEREMIAH 23:10

Hi ngam cu muantak ngawl mihing, Topa i mai ah numei pha ngawl mi ngeh haw hi. A ngamtatdan zoh mawi haw ma, a thuneihnak mang sual haw hi. Topa in, a tamsiat hangin, hi ngam cu mithi zun ngai in um haw hi. Hamhing hempoh vang ko khawng haw hi.

JEREMIAH 4:25

Mihing kuamah umleh haw ma toh. Vanote vang lengvawk khawng haw zo.

JEREMIAH 9:10

Keimah in, “Mual le luam ca in, mithi ngai in kap tung; Lenkolh ca in tau tung, Itahim titale ko khawng zo haw; Mahlai ah kuamah hawhleh haw ma toh. Khui ngung thawmnging hei thang lehma toh. Vano le ngamsate hei tai khawng haw in, taivawk khawng zo haw toh,” tin ti ing.

JEREMIAH 9:9

Hitih bang a bawl haw hangin, bawlsia tuk mang maw? Hitih bang miphun tei humah phula tuk mang maw? Keimah, Topa in awn zo ing,” tin ti hi.

EZEKIEL 38:20

Ngasa, vano le ngamsa hempoh a neu a ngengin, a bokvakmi tian, leihummi hempoh ten keimah lau in, can tawtok haw tuk hi. Mualsangzette kaih haw tuk a, liang sangzette le khua kulhtiante cim khawng haw tuk hi.

JOEL 1:18

Nganhingte vang hamin kap li haw, khuicangte lungbingin van zoto thong haw hi. Itahim titale eih tuk hamhing umma toh hi; Tuuhonte vang thi li thong haw hi.

AMOS 1:2

Amos in, “Topa cu Zion Mual pen au sukin, A aw cu Jerusalem pen vanthum bangin nging hi. Tuu tei tatnak hampa ko zo. Karmel mualhum a, hampate ko khawng zo,” ti hi.

AMOS 5:16

Cungnungbel Topa in, “Khua sung lampi ah kahnak le taunak um tuk hi. Lobungte samlehin, mi kahsak tukin cialmite tuah mithi kah ngel haw tuk hi.

AMOS 8:8

Mah hangin lei buppi hing tuk a, hi ngamsung mihing hempoh nuncimnak thuak haw tuk hi. Hi ngam buppi cu hing khawng tuk a, Nail ngun tuipi bangin a kiam hun le a kai hun um tuk hi.

NAHUM 1:4

Tuipi cu thupia in kangtik hi, luitui hempoh vang ko khawng hi. Bashan ngam le Karmel mualte ko khawng haw hi. Lebanon mualhum a, paakte vang thim khawng haw hi.

ZEFANIAH 1:3

Mihing hihen, ngamsa hihen, vano le ngasa tiangin siatsuah khawng tung. Mipha ngawlte siatsuah khawng tung. Mihing cu cimittik tung a, pa khat hei suakca haw tukma hi. Topa keimah in son zo ing.

ZEKHARIAH 5:4

Cungnungbel Topa in, mahmi tamsiatnak cu keimah in hahtul tung a, nguca tei innkua le tamsiat tuah zolthu sontu tei innkua venghawng ah heng tuk hi. Mah tamsiatnak cu a innkua hawah cam tuk a, siatsuah khawng tuk tin,” ti hi.