HOSEA 3:5 - Ngawm Bible

⁵ Mahnaven Israel mite cu Topa Pathian lamah hekkikin, David kumpipa i casuan lakah zuan kikleh haw tuk hi. Mah ni ten Topa cu kihca in, laksawng pha co haw tuk hi.

HOSEA 3:5 Iomraidhean Croise

1 KUMPI 12:16

Kumpipa in, a ngetmi haw imah simsial ma tih cu Israel mipi ten a zak haw ten au haw a; “David le a innkua tei lak pen i covo kaw a neih uh? A hum uhah a phatnak ino bek bawlmi nei awng haw maw? Israel mite, na inn uhah pin khawng un, Rehoboam cu amahno in, um lita poh hen,” ti haw hi. Israel mipite cu ngal tho haw a,

ISAIAH 17:7

Mah ni a hen ten miten amuh semsuahtu, Israel tei Pathian thiangtho i lakah bopnak deihin, zuanleh haw tuk hi.

ISAIAH 2:2

Mailamah, Biakinn a dinnak mual cu, mual dang sangin sangbel tuk hi. Miphun hempoh ten mah mualah catngawlin hung haw tuk a,

ISAIAH 2:3

a mihing haw ten, “Topa i mualah hawh nung; Israel Pathian i Biakinn ah zui tuk a deihmi cu zilh tukin, a tensami a lampi ah hawh tuk hung. Topa i thu zilhmi cu Jerusalem pen hungin; Zion pen a mitei lakah hilh hi.”

ISAIAH 60:5

Mah na muh ten na lungdam leita in can tawtok lamsang tuk ci. Tuipi ngalkhat lam pen a hauhnakte hentum pihin, Miphun tampi tei neih le siah cu na lakah hentum pih haw tuk hi.

ISAIAH 9:13

Israel mite a sual haw sikkik haw ma laih. Cungnungbel Topa in, dantat naven amah zuan nuam cuang haw ma.

JEREMIAH 23:5

Topa in, David casuan micip pa khat cu kumpi in ka ten hun heng tuk hi. Mah kumpi in, hi ngam cu cihnak tuah uk tuk a, a dikmi le a manmi bebek bawl tuk hi.

JEREMIAH 30:9

Keimah, Topa a Pathian in kumpi in ka bawl tukmi David casuan tei na dek haw tuk hi.

JEREMIAH 33:17

Israel kumpi cu David casuan hi ngut tuk hi.

JEREMIAH 33:9

Jerusalem cu ka ca in lungdamnak, maitainak le ultunnak bulpi hi tuk hi. Jerusalem tei ca in thilpha ka bawlmi le hi khuapi ca in khantohnak ka hentik mi cu leihummi hempohin, a zak haw ten lau in, can li haw tuk,” ti hi.

EZEKIEL 16:63

Na bawl sualmi hempoh ngaidam tuk naveng nangin cing leleng tuk ci a, na zakca in, na kam hei kau ngam tukma ci,” ti hi. Ihempoh tithei Topa in hilh zo hi.

EZEKIEL 38:16

Langkhat lam pen langkhat lam mawk tian ka mihing Israel cu huihpi bangin do tuk ci. Hun a kim ten miphun dang tei lakah akua hing ngim tih langtiknak tukin le nangmu lak a, ka nadehnak hangin ka thianthohnak a lang theihnak tukin ka ngam do tukin ka hahnak beel cu na hi.

EZEKIEL 38:8

Kum ngeipi nungten, miphun tampi tei lak pen hi mihingte munkhatah hulop khawng a hihnak haw tuk le ngallau tuk um ngawlin himdamno in, a umnak ngam haw do tukin thupia tung. Israel mualhum ngam cu kum tampi ngamkhing hi naven atu-in, mi hempoh ngimta zetin, a umnak haw ngam cu do tuk hi.

DANIEL 10:14

Mailam ten a mihing tei humah i heng tuk hum tih theitik tukin hung zo ing. Hi muhnak cu mailam ca,” ti hi.

DANIEL 2:28

Mahnaven vancungah, nalamdang a hilhciang theitu Pathian um hi. Amah in kumpipa, na lakah mailam a piang tukmi thute hilh ham hi. Na hihbuh laih a, na matmi na mang cu hilh tung hi.

HOSEA 1:11

Judah le Israel mi cu komdunleh haw tuk hi. Amu ca in lamhuaitu lupi pa khat tenglehin, a ngamsung haw vang ni dang laih bangin pungzai in, khangtoleh tuk hi. Hi zuh hi, Jezreel i khan cu sunglawizet tuk hi.

HOSEA 11:10

“A ngal tei lamah kiosa bangin hawk tung a, ka miphun ten zui in, nitumnak lam pen manlang zetin zuan haw tuk hi.

HOSEA 5:15

“A sualnak haw hangin thuak hih haw tuk a, keimah a zei kikleh haw laklawh, ka miphunte cu nunghek hih tung. A thuaknak haw hangin keimah cu zeileh kha haw ma na maw,” ti hi.

HOSEA 5:6

A tuu le khuite cu Topa nelah biakpiaknakin, a pia haw hei in nemcuam tukma. Topa cu mu thei haw ma, a nel pen tai zo haw hi.

HOSEA 6:1

Mipi ten, “Topa i nelah kikleh un! Amah in ohte bawlsia zo naven amah lelengin damtik tuk hi. Liamsuah zo naven amah lelengin cunsak tuk hi.

AMOS 9:11

Topa in, “Inn cim bangin a cim sa, David ngam uknak ka tundin lehnak tuk ni cu heng awndiak toh hi. A pangte lemlehin, dingtikleh tung hi.

MIKAH 4:1

Mailam hun ten Topa i Biakinn dinnak mual cu mual hempoh lak pen a sangbel tuk hi.

MIPUM SIALNAK 24:14

Balaam in Balak lakah, “Atu-in ka mihing tei lakah kik tuk toh ing. Mahnaven ka hawh laih ngawlin, mailamah Israel miten na mihing tei humah a bawl haw tukmi ngallinnak tukin hilh ham nuam ing” ti hi.

ROM Khua Khristian Tei Lakah Paul i Laikuat (Paul’s Letter to the Romans) 11:25

U le naute, selkuhmi thutak um hi, na thei uh ahin deih ing. Mahmi na thei uh tale micip ung tin ngaisung tukma uh ci. Itahim titale Israel tei lungkhohnak cu kumkhua in hi tukma hi; Pathian nelah Gentail mi a heng tuk zah a hen haw laih ngawl sungno tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

DAAN PIAKLEHNAK 4:30

Mahnaven lungkhamnak na tawh uhten le hi na hempoh na hum uhah a hen ten a dawlbel bek ten Topa i lakah hekkikin, a thu ngai tuk uh ci.