HOSEA 3:4 - Ngawm Bible

⁴ Mahti bangin Israel mite cu kumpi le hotu nei ngawl, biakpiaknak le suang khuam thiang nei ngawlin, zuk le milim nei ngawlin ngeipi um haw tuk hi.

HOSEA 3:4 Iomraidhean Croise

PIANPATNAK 31:19

Laban cu a tuu tei mulmet tukin hawhin, a um ngawl sungin Rachel in, a pa i innkua biakmi milim ngu hi.

PIANPATNAK 31:34

Rachel in, a innkua milim cu na la in kalauk puakmi dip sungah khumin khunpek hi. Laban in ngiahbuk sung hempoh ah zei naven mu ma hi.

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

2 Samuel 6:14

David in puan nemno pa khat bek a tai ah vialin, Topa thangphatnakin laam theih zahin laam hi.

2 KUMPI 23:24

Thiampi Sang Hilkiah in, Topa i Biakinn sung a, muhmi laibu sung a, ummi daante cu zui suak tatak tukin Jerusalem khua le Judah ngamsung a, um mipolte le khutlam zothiamte cu kumpi Josiah in, hawlvawk khawng hi; innkua milimte, pathian zukte le a pathian biaknak na hempoh siatsuah khawng hi.

2 KHANGSIALNAK 15:2

kumpi Asa lakah, “Kumpi Asa, Judah le Benjamin mite, ngai hem un! Topa i lamah na tan sung uh cu Topa in nohte vang tanpih bok hi. Amah na zei uh tale amah in nohte cu tawk tuk a, nung na hek uh tale nangmuh nunghek bok tuk hi.

SUAHTULNAK 28:4

A bawl haw tukmi puan cu awmbelh pa khat, awmkhaih pa khat, angki cual pa khat, mawi zetin coihmi angki pualam silh pa khat, lupawng pa khat le taikhap pa khat hi tuk hi. Na u Aaron le a capa ten ka thiampi a dehnak haw tukin khutzung thiam ten mah puan thiangtho bawl haw tuk tih hilhin hi.

SUAHTULNAK 28:6

“Awmkhaih angki cu, sui le mepian, a san le sandup, tuumul le phanmi puan mantam le mawi zetin coih mi puan tuah bawl haw tuk hi.

KAH LA 2:9

A kongkate cu buaksehmi sungah khuh khawngin um hi. A kongholhte vang ek khawng. Kumpi le bawi upate cu sal matmi thawngkhiaknakah heng khawng zo haw hi. Topa i lak pen profet ten muhnak neileh ngawltohin, Daan cu kuamah in zilh haw ma toh hi.

EZEKIEL 19:14

Sabit ngui pen mei alhin, a kak le a ngahte kang khawng hi. A kakte cu tawtleh ngawltohin, kumpi thiangkhutin suakleh tukma toh hi. A hum a late cu thasiatnak la hi a, tu le tu a sak lelem haw mi hi.

EZEKIEL 20:32

Miphun dangte bangin um nuamin, ngamdang a um thing le suang a biatute bangin um nuam uh ci; na lungmu sungah ciang zo hi. Mahnaven mahtih bangin um awng tukma hi.

EZEKIEL 21:21

Babilon kumpi cu lamkakah ding hi. Ilai lampi zui tuk hing ngim tih theihnak tukin thalcang hing li zo hi: milimte thu dong hi, a milimte thu vaisiampihin biakpiaknak sathin le nitkhate zo hi.

EZEKIEL 21:31

Meiling bangin ka thinuknak na hum uhah ka leihsuk ten ka thinuknak thuak tuk uh ci. Mi siatsuah a thiambelte, hehpihnak a nei ngawlmi tei khutah pia tung.

DANIEL 11:31

A ngalkap khenkhat ten biakinn nawngkaitik haw tuk hi. Nisial biakpiaknak cu botikin, ningdelhhuai le mullinghah koih haw tuk hi.

DANIEL 12:11

“Nisial biakpiaknak cawlhsan haw, mah ningdelhhuai mullinghah a bawl pat haw pepan, ni thawng khat le za nih le sawm kuah liam tuk hi.

DANIEL 9:27

Mah ngamuktu bawi in kum salih ca in mi tampi tuah lungkimnak laikhet bawl tuk a, mah hun a lang a bo ten piaknak le biakpiaknakte cu botik tuk hi. Ningdelhhuai mullinghah cu Biakinn sung mun sangbelah koih hi tuk a, mahlai ah a koihtu ten Pathian i tuptah sakmi a tawpnak a tawh laklawh mahlai mun sangbelah um leleng tuk hi.

HOSEA 13:10

Kumpi le lupi ngen nave uhcin, atu ilai ah kaw na um uh? Iti bangin kaw a pat theih haw tuk?

HOSEA 13:11

Na kumpi tuk uh thinuk thahin, pia zo naveng ka thinuk hangin la kikleh zo ing.

HOSEA 2:11

A nun nopnak puaite, kum sial puai le ha sial puaite, sabbath puai le biaknak lam puaite cu botik khawng tung.

THIAMPI NADEHNAK 8:7

Aaron cu angki silhtawn le angki cualpi silhtikin, taikennak tuah a tai sawm hi. Angki sau thiangtho silhtikin, mawi zetin tak mi taikhap khap hi.

ZEKHARIAH 10:2

Mihing ten milim le mipolte thudong haw naven a hilhmi haw cu phukthongin, zolthu ngeh poh hi. Mi khenkhat ten manglet bok haw naven zolthu tuah hawhpih haw hi; lungmu nemnak tuah a ot haw mi cu nemcuamnak imah nei ma hi. Mah hangin mipite cu a paimi tuu bangin vakvai haw hi. Puitu a neih haw ngawl hangin haksatnak tawk haw hi.

ZEKHARIAH 13:2

Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung.

LUKA 21:24

Khenkhat cu namsau tuah that haw tuk hi. Khenkhat cu ngam tihkimah salin, kai kawkawi haw tuk a, Jerusalem cu Pathian thei ngawl ten a hun haw a kim laklawh a ke nuai ah cilpek haw tuk hi,” tin hilh hi.

JOHAN 19:15

Amuh ten, “That in! That in! Thinglamteh humah thatin hi,” tin au tawtok haw hi. Pilat in, “Na kumpipa uh hi maw thinglamteh humah ka thah tuk?” tin dong lehleu hi. Thiampi upa ten, “Kohten Rom Kumpi bek nei ung,” tin ti haw hi.

HEBRU 10:26

Thutak a theih ngah ceng uhten, sualnak khi thei leng na pi in, sualnak a bawl leleng uh tale sualthiannak tuk biakpiaknak a dang imah umleh ma toh hi.

THUKHENTUTE 17:5

Mikah cu amahno in, a pathian biaknak inn nei hi. Milimte bawlin, thiampi angki cual vang bawl hi. A capa tei lak pen pa khat cu thiampi in koih hi.

THUKHENTUTE 18:14

Laish elkimah ngam a zotu le a vilvengtu mihing pa nga ten a ngualcam tei lakah, “Hi na muh uhmi inn pa khat sungah thiampi angkicual le thingtuah bawlmi milim le sunmi milim um hi tih thei uh cim maw? Itin kaw a tih tuk uh ngaisung hem un?” tin dong haw hi.

THUKHENTUTE 8:27

Gideon in sui tuah milim bawlin, a khuapi Ofrah ah koih hi. Israel mi venghawngin Pathian nunghekin, mah khua ah hawhin, milim cu bia haw hi. Gideon le a innkua tei ca in mah milim cu thangsiahmi bang hi.

1 SAMUEL 14:3

angki cualpi a cawitu cu Ahitub i capa Ahijah hi. Ahitub cu Ikhabod i unau hi. Ikhabod cu Finehas i capa hi. Finehas cu Shiloh khua a Topa i thiampi a dektu Eli i capa hi. Mahlai a um ngalkap ten Jonathan hawh zo tih thei haw ma hi.

1 SAMUEL 15:23

Pualthau nun cu milim bia bangin a sualmi hi. Topa i thupiakmi na deih ngawl bang bokin, amah hei in kumpi tukin nang cu deih bokma,” ti hi.

1 SAMUEL 2:18

Naupangpa Samuel cu Topa i thiampi nadekin, a thiangthomi angkicual silh mek hi.

1 SAMUEL 21:9

Ahimelek in, “Elah munlawn a na thahmi Filistin mi Goliath i ngalnam nei ing. Thiampi angki cualpi limah puan tuah tuamin, um leng hi. Hilai ah mahmi bek hiamnam um hi, na deih tale la in,” ti hi. “David in, hi bang hiamnam pha cu imah lai hei ah umma hi; keimah pia in hi!” ti hi.

1 SAMUEL 22:18

Mah hangin Saul in Doeg cu “Nangmah in thiampi hi that khawngin hi,” tin a hilhnak bangin Doeg in that khawng hi. Mah ni-in Topa i thiampi sawm liat le pa nga that hi.

1 SAMUEL 23:6

Ahimelek i capa Abiathar cu tai in, David lakah a hawh ten thiampi angki saupi keng hi.

1 SAMUEL 23:9

Saul in keimah do tum hi tih David in, a zak ten, “A thiangthomi angki cualpi hunpihin,” tin thiampi Abiathar cu ti hi.

1 SAMUEL 30:7

David in Ahimelek i capa thiampi Abiathar lakah “Thiampi angki cualpi, a thiangthomi cu pia in hi,” tin a tih ten Abiathar in pia hi.