HOSEA 2:7 - Ngawm Bible

⁷ A ngaihmi a lawm tei nung pen hil li tuk naven pha awng tukma hi. A zei li hei in, tawk tukma. Amah in, amasa ka pasal lakah pinleh tung, atu sangin amasa ka nundan hi nop saw, tin tituk hi.

HOSEA 2:7 Iomraidhean Croise

JEREMIAH 2:2

Jerusalem khuasung a ummi hempoh lakah a nuailam bangin hilhin ti hi. “Khangno na hih laihin muantak na hih zia le a huaidun sem uh laih a, na itnak cu cing leleng ing. Phillawnah zui in, kuamah i bun awng ngawlmi ngamah zui ci.

HOSEA 5:13

“Israel in, a natnak a luai dante amuh ten le Judah in, a meima nase dante amuh ten Israel cu a ngil zetmi Assiria kumpipa i lakah bopnak ngenin hawh naven a natnakte le a meimate damtik thei ma hi.

HOSEA 13:6

Mahnaven ngam pha sung na tumleh uhten na von uh vahin, lungmuangzet uh ci; pualthau in, keimah phawkngil uh ci.

EZEKIEL 23:4

A upa saw cu Oholah hi in, a naunu cu Oholibah hi. A pa nih haw in, ka zi hi haw a, canu le capate hinsak haw hi. Oholah cu Samaria hi, Oholibah cu Jerusalem hi.

JEREMIAH 14:22

Ngamdang mitei bawlmi milim ten nguahzutik thei ma hi. Van pen ama thu in nguahtui mal khatno hei caktik thei ma hi. Topa aw, kohtei Pathian, ka muansannak uh cu na lakah koih zo toh ung. Hi thil hempoh a bawltu cu nangmah bek hi ci.

HOSEA 14:1

Israel mite aw, Topa na Pathian nelah kikleh un. Na sualnak uh hang bahin, lum zo uh ci.

HOSEA 5:15

“A sualnak haw hangin thuak hih haw tuk a, keimah a zei kikleh haw laklawh, ka miphunte cu nunghek hih tung. A thuaknak haw hangin keimah cu zeileh kha haw ma na maw,” ti hi.

DANIEL 5:21

Mihing umnak khua le ngam pen hawlvawkin, a lungmu cu ngamsa lungmu bangin um hi. Hampalak laak tei lakah umin, khuicang bangin hampa ei in, humtu le pantu kuamah nei ngawlin lenkolhah zau in, a humah daita hi. Nungdawlbel ten Cungnungbel Pathian in mihing ngam uknak humah thunei in, mah ngam uknak cu a deihmi lakah pia thei hi tih cu thei ngah hi.

DANIEL 4:32

Mihing umnak khua le ngam pen hawlvawk hi tuk ci; hampa lak ngamsa tei lakah umin, kum salih sung khuicang bangin hampa ei tuk ci. Cungnungbel Pathian in mihing ngam uknak humah thunei in, mah ngam uknak cu ama nuammi lakah pia thei tih cu thei tuk ci,” ti hi.

DANIEL 4:25

Mihing umnak khua le ngam pen hawlvawk hi tuk ci a, ngamsa tei lakah um tuk ci. Kum salih sung khuicang bangin hampa ei in hampa lakah zau in, na humah daita tuk hi. Mihing uknak humah Cungnungbel Pathian in thunei hi tih le mah ngam uknak cu a piak nuammi lakah pia hi tih thei tuk ci.

DANIEL 4:17

Hi cu a ngallingzettu vancungmi i soncatmi hi. Mah a hih hangin leihum khua hempoh ten thei haw hen: Cungnungbel Pathian in mihing i ngam uknak humah thunei in, mah ngam uknak cu a deihmi lakah pia hi, leihummi nautabel lak hei ah pia thei,” ti hi.

EZEKIEL 23:22

“Mah hangin Oholibah, Cungnungbel Topa keimah in hilh ing. Na ngaihzette cu kham leita zo ci, mahnaven na humah a thin haw uktik tung a, nangmah kil tukin hunpih tung hi.

EZEKIEL 20:32

Miphun dangte bangin um nuamin, ngamdang a um thing le suang a biatute bangin um nuam uh ci; na lungmu sungah ciang zo hi. Mahnaven mahtih bangin um awng tukma hi.

EZEKIEL 16:18

Ka piakmi puan coihte cu milimte khunnakah mangin, nangma ca ka tihmi olif thau le namtuite cu milim tei lakah pia ci.

EZEKIEL 16:8

“Na elah ka hawhleh ten pasal na neih hun toh si, thacangin, na um cu! tin ka angkicual khuh ing a, nangmah imtu hi tukin thutiam ing. Nangmah tuah huaidunnak thutiam bawlin kata in suak ci,” ti hi. Hiti bangin Ihempoh tithei Topa in hilh hi.

JEREMIAH 31:32

A pu le pate Izipt ngam pen a khut haw pen ka puitul laihin, amuh tuah thutiamnak ka bawlmi, thutepnak a lun bang kha tukma hi. A pa haw bang naveng amuh ten mah ka thutepnak cu zui haw ma.

JEREMIAH 31:18

“Israel mite thasia zetin, a kah haw za ing. ‘Topa, khem laih ngawlmi nganhing bang kek ung. Mahnaven nangmah in, na thu zui dan tuk hilh ci. Kiklehtik zazalin hi, na lakah kikleh tukin mansa hial ung. Kohtei Topa le Pathian!

JEREMIAH 2:36

Miphun dang pathian lakah na tai uh hangin nangmuhno, man nei ngawlin bawlduncop uh ci. Assiria humah na lung a bing zo bangin Izipt hei in amthongin bawl tuk hi.

JEREMIAH 2:28

Nangmu ca in, na biak uhmi na pathian uhte cu ilai ah haw kaw? A bawm thei haw ahi tale na haksat uhten bawm tahen. Judah, khuapi na neih zahin pathian hei tampi nei ci.

ISAIAH 30:16

“Cipuh tai cakzette khungin ka ngal tei muh ngawlnakah tai tuk ung;” ti uh ci. Mahzuh hi, man uh ci; taivawk ngai tuk uh ci. A cipuh uhte cu cakzet poh, ti uh ci; mahnaven a hiltute cu nangmuh sangin cak saw haw tuk hi.

SAAM LABU 116:7

Maw ka nunnak, ngimtano in cawlin, itahim titale Topa in keima ca ngaisung leleng hi.

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

HOSEA 2:16

ka pasal tin samleh tuk a, ka Baal tin sam tukma toh hi.

2 KHANGSIALNAK 28:23

Amah a nehtu Siria mitei pathian lak tianah biakpiaknak bawl hi. “Siria pathian ten Siria kumpi cu bawm haw hi. Mah hangin biakpiaknak ka bawl ahi tale bawm bok tuk hi,” tin ngaisung hi. Mahmi in amuh le a ngam mihing tei humah siatsuahnak hengtik dedeuh hi.

JEREMIAH 44:17

Bawl tuk ung ka tih uhmi hempoh cu bawl leng tuk ung. Ka pathiannu uh Vancung Kumpinu lakah biakpiaknak bawl tuk ung a, keimuh le ka pu le pa ten hihen, ka kumpite le keimuh puitute hei hihen, Judah ngam khua le Jerusalem khua lampi humah a bawl zo haw bangin, biakpiaknak a piakmi sabittui cu a humah leih tuk ung hi. Mah bangin ka bawl uh laihin, hausa le neinungin haksatnak imah tawk ma ung hi.

EZEKIEL 23:12

Amah vang taksa deihnak tuah dimin, Assiria miphun pha hinnamte, puan a de mi silhtu ngalkap bawite le cipuh ngalkap bawi mipiangzette cu deih hi.

HOSEA 1:2

Topa in, Hosea hum tawnin Israel tei lakah thu a hilh ten a masabelin, Hosea lakah zi huai inna, muantak ngawl zi a hih hangin na cate vang a nu sun haw tuk hi. Ka miphun ten zamsanin, numei pha ngawl phunah cang zo haw tin hilh hi.